وندا اگروونەركاسىپتىك كەشەندى رەتتەۋگە قاتىستى ماسەلەلەر كوتەرىلدى. وسى رەتتە ءماجىلىس توراعاسى «اۋىل – ەل بەسىگى» ارنايى جوباسىن ازىرلەۋ مەن ەنگىزۋ مەرزىمىنىڭ ساقتالماي وتىرعاندىعىنا نازار اۋداردى. بۇل تۋرالى پارلامەنت ءماجىلىسىنىڭ ءباسپاسوز قىزمەتى حابارلادى.
وتكەن جىلى ەلباسى «رۋحاني جاڭعىرۋ» باعدارلاماسى اياسىندا الەۋمەتتىك ماسەلەلەردى شەشۋگە باعىتتالعان «اۋىل – ەل بەسىگى» ارنايى جوباسىن ازىرلدەۋدى تاپسىرعان بولاتىن. الايدا, جالپى وتىرىستا ۇلتتىق ەكونوميكا مينيسترلىگىنىڭ وكىلدەرى اتاپ وتكەندەي, اتالعان جوبا تاياۋ ۋاقىتتا بەكىتىلمەك.
وسىعان وراي ءماجىلىس توراعاسى:
- نەگە كەشىكتىرىلىپ جاتىر؟ ءۇش جىلدىق بيۋدجەت بەكىتىلدى, اقشا ءبولىندى. ال, سىزدەر ءالى باعدارلامانى كەلىسە الماي وتىرسىزدار. باعدارلاما بولماسا – بولىنگەن اقشا دا يگەرىلمەيدى. بۇل جاعداي جاۋاپسىزدىقتان تۋىنداپ وتىر؟– دەدى ۇلتتىق ەكونوميكا ۆيتسە-مينيسترىنە.
سونداي-اق, پالاتا سپيكەرى اۋىل شارۋاشىلىق ءمينيسترىن دە وسى باعدارلامانى ۇيلەستىرۋگە شاقىرىپ, ينفراقۇرىلىمنىڭ دامۋى – اۋىل تۇرعىندارىنىڭ ءومىر ءسۇرۋ ساپانىڭ باستى فاكتورى, - دەدى.
وتىرىس بارىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اگروونەركاسىپتىك كەشەندى رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ءبىرىنشى وقىلىمدا ماقۇلداندى.
زاڭنامالىق قۇجات اگروونەركاسىپتىك كەشەندى دامىتۋدىڭ 2017 – 2021 جىلدارعا ارنالعان مەملەكەتتىك باعدارلاماسىنىڭ نەگىزگى ەرەجەلەرىن ىسكە اسىرۋعا باعىتتالعان.
جوبادا ۇسىنىلعان وزگەرىستەر مەن تولىقتىرۋلار وسىمدىكتەردى قورعاۋ جانە ولاردىڭ كارانتينى, ۆەتەريناريالىق قاۋىپسىزدىكتى قامتاماسىز ەتۋ, سۋمەن قامتاماسىز ەتۋ, وسىمدىكتەر مەن جانۋارلار دۇنيەسىن ساقتاۋ جانە دامىتۋ جونىندەگى نورمالاردى, سونداي-اق اگروونەركاسىپتىك كەشەندەگى مەملەكەتتىك ساياساتتىڭ تيىمدىلىگىن ارتتىرۋدى كوزدەيدى.
زاڭ جوباسىندا استىق قابىلداۋ كاسىپورىندارىنىڭ قىزمەتىندەگى اكىمشىلىك كەدەرگىلەر جويىلادى. ەندى استىق قابىلداۋ كاسىپورىندارى كىرمە تەمىرجولداردى ۇسىنۋعا, جارما ونىمدەرىن وتكىزۋگە, مايلى تۇقىمداردى قايتا وڭدەۋگە جانە وتكىزۋگە بايلانىستى ىلەسپە قىزمەتتەردى كورسەتە الاتىن بولادى.
سونداي-اق قازاقستان رەسپۋبليكاسىنىڭ زاڭناماسىن ەۋرازيالىق ەكونوميكالىق وداقتىڭ نورماتيۆتىك قۇقىقتىق اكتىلەرىنە سايكەس كەلتىرۋگە باعىتتالعان وزگەرىستەر ەنگىزىلىپ وتىر.
قۇجاتتى قاراۋ بارىسىندا دەپۋتاتتار زاڭ جوباسىنىڭ نەگىزگى ەرەجەلەرىن ناقتىلاۋعا باعىتتالعان بىرقاتار وزگەرىستەر مەن تولىقتىرۋلار ەنگىزدى.
اتاپ ايتقاندا, ورمان شارۋاشىلىعى جانە ەرەكشە قورعالاتىن تابيعي اۋماقتار مەن سۋ شارۋاشىلىعى سالاسىندا جانە جەر رەسۋرستارىن ۇتىمدى پايدالانۋ, جانۋارلار دۇنيەسىن قورعاۋ, ءوسىمىن مولايتۋ جانە پايدالانۋ سالاسىندا, سونداي-اق, اگرارلىق عىلىمدى دامىتۋ, اۋىل شارۋاشىلىعى سالاسىنداعى كادرلاردى دايارلاۋ جۇيەسىن جەتىلدىرۋ, بيزنەستىڭ عىلىمي جانە عىلىمي-تەحنيكالىق قىزمەتتى قوسا قارجىلاندىرۋعا قاتىسۋىن ىنتالاندىرۋ ماقساتىندا بىرقاتار ۇسىنىستار ەنگىزدى.
جالپى وتىرىستا قازاقستان مەن رەسەي ۇكىمەتتەرى اراسىنداعى م.ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ قازاقستاندىق فيليالىنىڭ جۇمىس ىستەۋى تۋرالى كەلىسىمدى راتيفيكاتسيالاۋ تۋرالى زاڭ جوباسى ماقۇلداندى.
قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان ءابىش ۇلى نازارباەۆ 2000 جىلى م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ قازاقستانداعى فيليالىن اشۋ جونىندە باستاما كوتەرگەن بولاتىن.
سول جىلى 9 قازاندا رەسەي پرەزيدەنتى ۆ.ۆ. ءپۋتيننىڭ قازاقستانعا جاساعان ساپارى كەزىندە فيليالدىڭ قۇرىلۋى تۋرالى حاتتاماعا قول قويىلدى. فيليال وسى ۋاقىتقا دەيىن ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ بازاسىندا قىزمەت ەتۋدە.
وسىعان سايكەس, م.ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ قازاقستاندىق فيليالىنىڭ جۇمىس ىستەۋى تۋرالى كەلىسىمگە 2017 جىلعى 9 قاراشادا چەليابينسك قالاسىندا قول قويىلعان بولاتىن. كەلىسىم فيليالدىڭ جۇمىس ىستەۋىن رەتتەيدى.
فيليالدا وقىتۋ ماسكەۋ مەملەكەتتىك ۋنيۆەرسيتەتىنىڭ وقۋ باعدارلامالارى نەگىزىندە جۇزەگە اسىرىلادى. سونىمەن بىرگە, كەلىسىمدە قازاقستاننىڭ جوعارى وقۋ ورىندارىندا كوزدەلگەن كولەمدە قازاقستان تاريحى مەن قازاق ءتىلىن مىندەتتى تۇردە وقىتۋ قاراستىرىلعان.
بۇدان باسقا, وقۋ جوسپارلارىندا قازاقستان ەكونوميكاسىنىڭ ەرەكشەلىكتەرى ەسكەرىلەدى. I جانە II كۋرستارىندا قازاقستاندى جاڭعىرتۋدىڭ وزەكتى پروبلەمالارى تۋرالى الەۋمەتتىك-گۋمانيتارلىق پاندەر تسيكلى وقىتىلادى.
قازاقستان فيليالدىڭ قىزمەتىنە م ۇلىكتى وتەۋسىز بەرۋ, جانە ءبىلىم گرانتتارىن ءبولۋ ارقىلى قاتىسادى. فيليال مۇلكى ەشكىمگە بەرە المايدى, ونىڭ قىزمەتى اياقتالعان جاعدايدا م ۇلىك قازاقستانعا قايتارىلادى. جىل سايىنعى قابىلداۋ جوسپارى 125 ستۋدەنت جانە 40 ماگيسترانتتى قۇرايدى. بۇگىندە فيليالدا 605 ستۋدەنت ءبىلىم الۋدا.
جالپى وتىرىس سوڭىندا حالىق قالاۋلىلارى ورتالىق مەملەكەتتىك اتقارۋشى ورگانداردىڭ باسشىلارىنا بىرنەشە دەپۋتاتتىق ساۋالدار جولدادى. ولار م.ماحامبەتوۆ, ا.قوڭىروۆ, د.ەسپاەۆا.