پارلامەنت سەناتىنىڭ توراعاسى داريعا نازارباەۆا حالىقارالىق تەاتر كۇنىنە وراي تەاتر قىزمەتكەرلەرىنە قۇتتىقتاۋ جەدەلحاتىن جولدادى دەپ حابارلادى سەناتتىڭ ءباسپاسوز قىزمەتى.
«ەلىمىزدىڭ رۋحاني كەلبەتىن جاڭعىرتۋعا باعىتتالعان ەلباسىنىڭ «رۋحاني جاڭعىرۋ» باعدارلاماسىن ىسكە اسىرۋدا تەاتر ونەرىنىڭ الاتىن ورنى ەرەكشە. سىزدەرگە شىعارماشىلىق تابىس, شالقار شابىت پەن بارلىق باستامالارىڭىزعا ساتتىلىك تىلەيمىن!» - دەپ اتاپ ءوتتى سەنات توراعاسى قۇتتىقتاۋىندا.
بۇگىنگى تاڭدا قازاقستاندا 68 تەاتر بار, ونىڭ 51-ءى مەملەكەتتىك, 17-ءى - جەكەمەنشىك. «استانا وپەرا» جانە «استانا بالەت» ۇجىمدارى - قازاقستان مادەنيەتىندەگى الدىڭعى ساپتاعى ونەر وردالارى. «استانا وپەرا» تەاترىنىڭ ارتىستەرى وتكەن جىلى مارينسكي تەاترىندا, ومان رەسپۋبليكاسىنداعى كورولدىك ماسكات وپەرا تەاترىندا, يتاليالىق كارلو فەليچە تەاترىندا ءساتتى ونەر كورسەتكەن بولاتىن. «استانا بالەتتىڭ» قويىلىمدارىن بەلگيا, تۇركيا, رەسەيدە تاماشالادى.
قازىرگى كەزدە رەسپۋبليكامىزداعى مەملەكەتتىك تەاترلاردا 7291 ادام جۇمىس ىستەيدى.