سىبايلاس جەمقورلىققا قارسى مىنەز-ق ۇلىق مادەنيەتىن جاساقتاۋ ماقساتىندا «باتىس» وڭىرلىك قولباسشىلىعىنىڭ اسكەري قىزمەتشىلەرىمەن ەرەكشە فورماتتاعى كەزدەسۋلەر وتكىزىلۋدە.
اعىمداعى جىلدىڭ 25 ناۋرىزىنان باستاپ قورعانىس مينيسترلىگىنىڭ باس اسكەري پوليتسيا باسقارماسى مەن تاربيە جانە يدەولوگيالىق جۇمىستار دەپارتامەنتىنىڭ وكىلدەرى, «باتىس» وڭىرلىك قولباسشىلىعىنىڭ اسكەري بولىمدەرىن ارالاپ, ەرەكشە فورماتتاعى سەمينارلار وتكىزۋدە.
كەزدەسۋ بارىسىندا ولار كومانديرلەر مەن ماتەريالدىق جاۋاپكەرشىلىگى بار اسكەري قىزمەتشىلەردى, اسكەري زاڭگەرلەر مەن قارجى ماماندارىن جيناپ, سىبايلاس جەمقورلىق قۇقىق بۇزۋشىلىعىنا جاتاتىن كۇندەلىكتى ومىردەگى ءتۇرلى جاعدايلاردى مودەلدەپ, اسكەريلەردىڭ وسى جاعدايلارداعى ارەكەتتەرى مەن رەاكتسيالارىنا باعا بەردى.
سونىمەن قوسا, كەزدەسۋگە قاتىسقان اسكەري قىزمەتشىلەر پوليگرافپەن تەكسەرىس ءوتتى. باتىلدىق تانىتىپ, تەكسەرىسكە ءبىرىنشى بولىپ بەل بۋىپ شىققانداردىڭ قاتارىندا 41433 اسكەري ءبولىمىنىڭ كومانديرى پودپولكوۆنيك ەسبولات نۋرەكەشوۆ بولدى. تەكسەرىس اپپاراتتارى جالعانعان بويدا كومانديرگە «سىبايلاس جەمقورلىق جاسادىڭىز با؟ ناشاقورلىققا بوي الدىردىڭىز با؟ ازارتتىق ويىندار وينايسىز با؟ بۋكمەكەرلىك كەڭسەلەرگە باراسىز با؟» دەگەندەي سۇراقتار جاۋدىرىلدى. الايدا, باتىل كومانديردىڭ جاۋاپتارىنىڭ بارلىعىن پوليگراف راستاپ شىقتى.
- پوليگراف اپپاراتى ادام ورگانيزمىنىڭ فيزيولوگيالىق رەاكتسيالارىن وقيتىن بەلگىلى سەزبەكتەر ارقىلى جۇمىس جاسايدى. ياعني, ونى الداعان كەزدە رەاكتسيا پايدا بولادى. تەكسەرىستەن وتۋشىلەر ءاردايىم قوبالجىپ تۇرادى, سترەسس كەشەدى. بىراق بۇل - قالىپتى جاعداي. سەبەبى اتالعان پروتسەستى جاعىمدى دەپ ايتا المايمىن, - دەيدى باس اسكەري پوليتسيا باسقارماسىنىڭ پوليگرافولوگيكالىق ءبولىمىنىڭ اعا وفيتسەرى, پودپولكوۆنيك جومارت بيتاباروۆ.
بۇل پوليگرافتاردى قورعانىس مينيسترلىگى 2018 جىلدىڭ قىركۇيەك ايىندا رەسەيدەن الدىرعان, ولاردىڭ بىرەۋى موبيلدىك, ال ەكىنشىسى ستاتسيونارلىق. اپپاراتتاردى الداۋ مۇمكىن ەمەس, ولاردىڭ زەرتتەۋ دالدىلىگى - 97-98%. ءبىر ادامدى تولىق زەرتتەۋگە شامامەن ەكى ساعات ۋاقىت كەتەدى. ادامعا بەكىتىلگەن سەزگەكتەر ونىڭ ورگانيزمىندەگى بارلىق رەاكتسيالاردى وقۋعا شاماسى جەتەدى.
اسكەري پوليتسيا باس باسقارماسىن سىبايلاس جەمقورلىققا قارسى باسقارماسىنىڭ اعا وفيتسەرى, پودپولكوۆنيك نۇربول التىنبەكوۆتىڭ ايتۋىنشا, تەكسەرىسكە العاش رەت قىزمەتكە ورنالاسىپ جاتقان جانە جەمقورلىق ىقتيمالدىعى جوعارى لاۋازىمدارعا تاعايىندالىپ جاتقان ازاماتتار جىبەرىلەدى. ءتۇسىندىرۋ جۇمىستارى ءاربىر اسكەري قىزمەتشىگە ءوزىنىڭ سىبايلاس جەمقورلىققا قارسى تۇرۋ مادەنيەتىن قالىپتاستىرۋ قاجىتتەگىن تۇسىندىرۋگە باعىتتالعان.
كەزدەسۋ سونىندا سەمينارعا قاتىسقان اسكەري قىزمەتشىلەرمەن سىبايلاس جەمقورلىققا قاتىستى زاڭنامالىق اكتىلەردى مەڭگەرۋ دارەجەسىن انىقتاۋعا باعىتتالعان تەستىلەۋ مەن جاسىرىن ساۋالناما جۇرگىزىلدى, كەيىن سىبايلاس جەمقورلىقتى الدىن الۋ مەن بولدىرماۋعا باعىتتالعان بەينەروليكتەر مەن فيلم كورسەتىلدى.
گۇلايىم شىنتەمىرقىزى,
«Egemen Qazagstan»
ماڭعىستاۋ وبلىسى