بۇگىن تاراز قالاسىندا «Nur Otan» پارتياسى جامبىل وبلىستىق فيليالى باستاۋىش پارتيا ۇيىمدارىنىڭ وبلىستىق فورۋمى بولىپ ءوتتى. اتالعان جيىنعا 100-دەن اسا باستاۋىش پارتيا ۇيىمىنىڭ جەتەكشىلەرى, پارتيانىڭ وبلىستىق فيليالى ساياسي كەڭەسىنىڭ مۇشەلەرى, پارتيانىڭ اۋماقتىق فيليالدارى توراعالارىنىڭ ءبىرىنشى ورىنباسارلارى قاتىستى.
قازىرگى كەزدە وبلىس بويىنشا 350-گە جۋىق باستاۋىش پارتيا ۇيىمى بولسا, وندا 70 مىڭعا جۋىق پارتيا مۇشەسى بار. فورۋمدا ءسوز العان باستاۋىش پارتيا ۇيىمدارىنىڭ جەتەكشىلەرى جاساپ جاتقان جۇمىستارى جايلى كەڭىنەن توقتالىپ, ەگەمەندىك جىلدارى ەلىمىزدىڭ دامۋىنا ايرىقشا ۇلەس قوسقان ەلباسى ەسىمىنىڭ ەلورداعا بەرىلگەنىن ۇلكەن قۋانىشپەن قابىلداعاندارىن جەتكىزدى.
ء«بىزدىڭ ەل بولىپ, ەڭسە تىكتەۋىمىزگە وزگە تۇرماق, ءوز ىشىمىزدە دە سەنبەۋشىلەر اۋەل باستا كوپ بولدى. شىن مانىندە, سول ءبىر كەز كوپشىلىكتىڭ بولاشاققا كۇمانمەن قاراعان كەزەڭى ەدى. سونداي قيىن كەزەڭنەن الىپ شىعىپ, بۇگىنگىدەي مامىراجاي زامانعا جەتكىزگەن قازاقستان رەسپۋبليكاسىنىڭ تۇڭعىش پرەزيدەنتى, ەلباسى نۇرسۇلتان ءابىش ۇلى نازارباەۆ ەكەنى ءسوزسىز», – دەدى «شولاقتاۋ» باستاۋىش پارتيا ۇيىمىنىڭ توراعاسى باعلان سۇلتانبەك. ال «قاراتوبە» باستاۋىش پارتيا ۇيىمىنىڭ جەتەكشىسى ءمولدىر قىرىقباەۆا ءوز سوزىندە «ەلباسىنىڭ ەسىمىن استانامىزعا بەرۋ ارقىلى ءبىز ەشقانداي جاڭالىق اشىپ وتىرعانىمىز جوق. ويتكەنى مەملەكەتتىڭ نەگىزىن قالاۋشى تۇلعالاردىڭ ەسىمدەرىن ەل تاريحىنا ماڭگى قالدىرعان مۇنداي وقيعالار الەمدىك تاريحتا ءجيى كەزدەسەدى. سوندىقتان ەلىمىزدىڭ باس قالاسىنا تاۋەلسىز قازاقستاننىڭ نەگىزىن قالاپ قانا قويماي, ەلىمىزدى ىرىس پەن ىنتىماقتىڭ التىن بەسىگىنە اينالدىرعان تۇڭعىش پرەزيدەنتىمىز, ەلباسىمىزدىڭ ەسىمىن بەرۋ وتە ورىندى شەشىم ءارى زاڭدى قۇبىلىس», – دەدى.
سونىمەن قاتار, «دەگەرەس» باستاۋىش پارتيا ۇيىمىنىڭ توراعاسى راۋان ساعىندىقوۆ ەلوردامىزدىڭ نۇر-سۇلتان بولىپ وزگەرۋى تاۋەلسىز قازاقستان ومىرىندەگى تاريحي وقيعا ەكەنىن, مۇنى جامبىلدىق باستاۋىش پارتيا ۇيىمدارى تاريحي ادىلەتتىلىكتىڭ ورناۋى رەتىندە باعالاۋدا ەكەنىن, شيرەك عاسىردان استام ۋاقىتتا ەلىمىزدى الەمگە تانىتقان تۇلعانىڭ كەمەڭگەرلىگى مەن دانالىعىنا مۇنداي قۇرمەت كورسەتىلۋى زاڭدىلىق دەپ قابىلدايتىنىن جەتكىزدى.
حاميت ەسامان,
«Egemen Qazagstan»
جامبىل وبلىسى