قر قارۋلى كۇشتەرى باس شتابى باستىعىنىڭ نۇسقاۋىن جۇزەگە اسىرۋ جانە مامانداردىڭ كاسىبي دايارلىعىن تەكسەرۋ ماقساتىندا, قر قك راكەتا اسكەرلەرى مەن ارتيللەريا اسكەرلەرىنىڭ قولباسشىسى پولكوۆنيك اسقار جولامانوۆتىڭ باسشىلىعىمەن «شىعىس» وڭىرلىك قولباسشىلىعىنىڭ اسكەري پوليگونى اۋماعىندا العاش رەت قۇرلىق اسكەرلەرىنىڭ مينومەت باتارەيالارىنىڭ جارىسى ءوتتى.
سەمەيگە ارنايى كەلىپ سىنعا تۇسكەن «شىعىس», «باتىس» جانە «وڭتۇستىك» وڭىرلىك قولباسشىلىقتارىنان 120-دان استام اسكەري قىزمەتشىلەر, ياعني 5 مينومەت باتارەيلەرى جارىستىڭ ءۇش كەزەڭىندە وزدەرىنىڭ تەوريالىق بىلىمدەرى مەن تاجىريبەلىك داعدىلارىن كورسەتۋ ءۇشىن ىرىكتەلدى,-دەدى «شىعىس» وڭىرلىك قولباسشىلىعى ءباسپاسوز قىزمەتىنىڭ جەتەكشىسى, اعا لەيتەنانت يسلامبەك قالدىبەكوۆ,-ءبىرىنشى كەزەڭ «اتىس», ونىڭ بارىسىندا باتارەيالار جالپى كوماندالىق ناتيجەمەن ەڭ كوپ بالل جينايتىن باتارەيانى انىقتاۋ ءۇشىن اك-74-تەن 4 باقىلاۋ اتۋ جاتتىعۋلارىن ورىندادى. ەكىنشى كەزەڭ «ارنايى» دەپ اتالدى. اسكەري قىزمەتشىلەر ارنايى دايىندىق بويىنشا وزدەرىنىڭ بىلىمدەرىن كورسەتتى. بولىمشە قۇرامىندا جانە جەكە ءوز ماماندىقتارى بويىنشا سىناقتار مەن نورماتيۆتەردى تاپسىردى. ءۇشىنشى كەزەڭ «باتارەيانىڭ اتۋى», جارىستىڭ قورىتىندى كەزەڭىندە جەكە قۇرامنىڭ ارەكەتىن سوعىس جاعدايىنا ماكسيمالدى جاقىنداتۋ ءۇشىن جەڭىل بروندالعان كوپ ماقساتتى تارتقىشىندا (متلب) وت پوزيتسياسىن اۋىستىرا وتىرىپ نىسانالاردان ءارتۇرلى قاشىقتىقتان مينومەتتەن كوزدەپ اتۋ.
جارىس قورىتىندىسى بويىنشا ءبىرىنشى ورىنعا «شىعىس» وڭىرلىك قولباسشىلىعىنىڭ 27943 اسكەري ءبولىمىنىڭ مينومەت باتارەياسى, ەكىنشى ورىنعا «وڭتۇستىك» وڭىرلىك قولباسشىلىعىنىڭ 74884 اسكەري ءبولىمىنىڭ مينومەت باتارەياسى, ءۇشىنشى ورىنعا «باتىس» وڭىرلىك قولباسشىلىعىنىڭ 30238 اسكەري ءبولىمىنىڭ مينومەت باتارەياسى شىقتى.
راۋشان نۇعمانبەك
«ەgemen QAZAQSTAN»
سەمەي