قازاقستان پرەزيدەنتى قاسىم-جومارت توقاەۆ ۇشتىلدىلىك باعدارلاماسىنا قاتىستى پىكىر ءبىلدىردى. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي فەيسبۋكتەگى پاراقشاسىندا جازدى.
مەملەكەت باسشىسى ءوڭىر اكىمدەرىنىڭ قاتىسۋىمەن وتكەن كەڭەستە ۇكىمەت مۇشەلەرىنىڭ باياندامالارىن تالقىلاۋ بارىسىندا ءبىلىم بەرۋ جۇيەسىنىڭ ۇشتىلدىلىك باعدارلاماسىن ىسكە اسىرۋ ماسەلەلەرىنە نازار اۋداردى. «بۇل – وتە كۇردەلى ءارى ماڭىزدى ماسەلە. مەنىڭ ۇستانىمىم, بىرىنشىدەن, قازاق ءتىلى بولۋعا ءتيىس, ورىس ءتىلى بولۋعا ءتيىس. بۇلاردىڭ بالالارىمىز ءۇشىن ماڭىزى زور. تەك سودان كەيىن عانا اعىلشىن ءتىلىن وقىتۋ كەرەك», – دەدى قازاقستان پرەزيدەنتى.