وبلىس اكىمى وڭداسىن ءورازاليننىڭ توراعالىعىمەن اقتوبە وبلىستىق تەرروريزمگە قارسى كوميسسياسى جانە وبلىستىق وڭىرلىك جەدەل شتابى وتىرىسىنىڭ بىرلەسكەن جيىنى ءوتتى.
جيىنعا جاۋاپتى مەملەكەتتىك مەكەمەلەر, وبلىستىق باسقارمالاردىڭ, قۇقىق قورعاۋ ورگاندارىنىڭ باسشىلارى جانە بارلىق اۋدان اكىمدەرى بەينەسەلەكتورلىق بايلانىس رەجيمىندە قاتىستى.
كۇن تارتىبىنە ۇسىنىلعان ماسەلەلەر بويىنشا وبلىستىق پوليتسيا دەپارتامەنتى باستىعىنىڭ 1-ءشى ورىنباسارى قانات نۇرماعانبەتوۆ تەرروريستىك تۇرعىدان وسال وبەكتىلەردى تەرروريزمگە قارسى قورعالۋ جۇيەسىنە قويىلاتىن تالاپتارعا سايكەس كەلتىرۋ جونىندەگى ءىس-شارالاردىڭ ىسكە اسىرىلۋ بارىسى تۋرالى بايانداما جاسادى.
سودان كەيىن ءسوز العان وبلىستىق جاستار ساياساتى ماسەلەلەرى باسقارماسىنىڭ باسشىسى نۇرلان كۇنتۋوۆ وبلىس جاستارىنىڭ اراسىندا زورلىق-زومبىلىقتىڭ الدىن الۋ شارالارى تۋرالى اقپارات بەرىپ, جاستارمەن جۇرگىزىلىپ جاتقان جۇمىستارعا توقتالىپ ءوتتى.
جيىندا مارتوك, ايتەكە بي جانە قوبدا اۋداندارىنداعى تەرروريزمگە قارسى كوميسسيالاردىڭ جۇمىسى تۋرالى اۋدان اكىمدەرىنىڭ باياندامالارى تىڭدالدى.
وبلىس اكىمى بايانداماشىلاردى مۇقيات تىڭداپ, وسى باعىتتاعى جۇمىستى ودان ءارى جانداندارىپ, ۇنەمى قاتاڭ باقىلاۋدا ۇستاپ وتىرۋدى تاپسىردى.
جيىن بارىسىندا كوپقاباتتى تۇرعىن ۇيلەردەگى جانە تۇرعىن ءۇي سەكتورلارىنداعى ءورت قاۋىپسىزدىگىنىڭ جاعدايى, بولۋى مۇمكىن ورتتەردىڭ الدىن الۋ شارالارى تۋرالى وبلىستىق توتەنشە جاعدايلار دەپارتامەنتىنىڭ باستىعى باۋىرجان سىزدىقوۆ جانە قوسىمشا بايانداماشى رەتىندە قالا اكىمى ءىلياس يسپانوۆ ءسوز سويلەدى.
بىرلەسكەن جيىن قورىتىندىسى بويىنشا وبلىس əكىمى وڭداسىن ورازالين سالاعا قاتىستى بىرقاتار ناقتى تاپسىرمالاردى اتاپ, تەرروريستىك تۇرعىدا ءəلسىز نىسانداردىڭ قاۋىپسىزدىگىن ءتيىستى دەڭگەيدە ساقتاۋدىڭ قاجەتتى شارالارىن قابىلداۋ, سونىمەن قاتار, ەكسترەميزم مەن تەرروريزمنىڭ الدىن الۋ جۇمىستارىن كۇشەيتۋ كەرەكتىگىن ايتتى.