قر قك قۇرلىق اسكەرلەرىندەاتىس ماشىعىن ارتتىرۋ, شتاتتىق قارۋ مەن قارۋ-جاراقتان وق اتۋلار جاتتىعۋلارىن (تاپسىرمالارىن) ورىنداۋ بويىنشا ۇزدىكتەردى انىقتاۋ, اسكەري قىزمتەشىلەردىڭ سەنىپ تاپسىرىلعان قارۋ-جاراق پەن اسكەري تەحنيكانى شەبەر مەڭگەرۋلەرىنە جاۋاپكەرشىلىك سەزىمدەرىن تاربيەلەۋ ماقساتىندا جالپىاسكەري جانە دەسانتتىق بولىمشەلەر اراسىندا «مەرگەن باتالونى» سايىسى ءوز مارەسىنە جەتتى.
سايىس بارىسىندا مەرزىمدى اسكەري قىزمەتشىلەردى قوسا ەسەپتەگەندە باتالونداردىڭ جەكە قۇرامى شتاتتىق قارۋ-جاراقتان باقىلاۋ (وقۋ) اتىستارىنىڭ جاتتىعۋلارى مەن اۋا رايىنا قاراماستان تاۋلىكتىڭ كەز كەلگەن ۋاقىتىندا جاۋىنگەرلىك دايارلىق پاندەرى بويىنشا نورماتيۆتەردى ورىندادى. تاجىريبەلى اسكەري قىزمەتشىلەردەن قۇرالعان تورەشىلەر القاسى ەكى نوميناتسيا بويىنشا سايىس جەڭىمپازدارىن انىقتادى. ءبىرىنشىسى – موتواتقىش, دەسانتتىق-شابۋىلداۋ, شابۋىلداۋ باتالوندارى, تەڭىز جاياۋ اسكەرى باتالوندارى مەن ەكىنشىسى – تانك باتالوندارى اراسىندا.
جەتەكشىلەردىڭ باعا بەرۋلەرى بويىنشا سايىس ناتيجەلەرى قۇرلىق اسكەرلەرى بولىمشەلەرىنىڭ اتىس ماشىقتارى دەڭگەيىنىڭ ەلەۋلى تۇردە جوعارلاعانىن راستايدى. سايىس قورىتىندىسى بويىنشا «باتىس», «شىعىس» وڭىرلىك قولباسشىلىقتارىنىڭ, دەسانتتىق-شابۋىلداۋ اسكەرلەرىنىڭ موتواتقىش باتالوندارى مەن «شىعىس» وڭىرلىك قولباسشىلىعىنىڭ تانك باتالونى جاقسى جاعىنان اتاپ ءوتىلدى.