تۇركىستان قالاسىنداعى قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ ۇجىمى مەن ستۋدەنتتەرى ەلوردا اتاۋىنىڭ نۇر-سۇلتان بولىپ وزگەرۋىنە قولداۋ ءبىلدىردى.
ءىس-شاراعا ۋنيۆەرسيتەتتىڭ ۇستازدارى مەن شاكىرتتەرى, تاريحشى-عالىمدار مەن بۇقارالىق اقپارات قۇرالدارىنىڭ وكىلدەرى قاتىستى. جيىندا ۋنيۆەرسيتەتتىڭ پرەزيدەنتى ب. ءابدىراسىلوۆ مەملەكەت باسشىسى قاسىم-جومارت توقاەۆتىڭ استانا قالاسىنىڭ اتاۋىن وزگەرتۋگە قاتىستى ءوز پىكىرىن ءبىلدىرىپ, ونىڭ تاريحي شەشىم ەكەنىن اتاپ ءوتتى. سونداي-اق ەل جانە ەلباسى, ەلوردانىڭ بۇگىنى مەن ەرتەڭى جايلى وقۋ ورنىنىڭ ارداگەرى, پروفەسسور س.سادىقوۆ پەن دوتسەنت اسىلى شەنگۋن ءسوز سويلەپ, ەلدىڭ كوشىن بولاشاققا باستاعان ن.نازارباەۆتىڭ سارابدال ساياساتىنىڭ جەمىسى جونىندە بايانداما جاسادى. جاس ۇرپاقتى قازاقتىڭ جاقسىلارى سالعان سارا جولدىڭ ءىزىن جالعاپ, ەلدىڭ ىرگەسىن بەكەم ۇستايتىن پاتريوتتىق قاسيەتىن ماڭگى بيىك ۇستاۋعا شاقىردى.
ءىس-شارا سوڭى كونتسەرتتىك باعدارلاماعا ۇلاسىپ, «اتامەكەن» ۇلت اسپاپتار فولكلورلىق ءانسامبلى قۇرمانعازىنىڭ «اداي» كۇيىن ورىندادى. ال سيعۆادوللا عاريفوللا ۇلى ەلباسىعا ارناۋىن ايتىپ, «بي سۇلتان» بي ءانسامبلى «دالا رۋحى» ءبيىن ورىندادى. ۋنيۆەرسيتەتتىڭ وزگە دە ونەرپازدارى پاتريوتتىق اندەرىمەن كورەرمەندەردىڭ ىقىلاسىنا بولەندى.