ەمدەلۋشى «انا مەن بالا» ورتالىعىنا ساناۆياتسيا بورتىمەن جەتكىزىلدى

بوسانعان ايەل جۇكتىلىكتىڭ 39 اپتاسىندا مەديتسينالىق مەكەمەگە كەلىپ تۇسكەن. 2019 جىلعى 13 ناۋرىزدا بالا اۋىر اسفيكسيامەن تۋعان. بوسانعاننان كەيىنگى كەزەڭدە كىشكەنتاي پاتسيەنتكە جاعداي تۇراقتانعانعا دەيىن قاجەتتى مەديتسينالىق كومەك كورسەتىلدى. ودان ءارى ەم الۋ ءۇشىن جاڭا تۋعان نارەستە اناسىمەن وسكەمەن قالاسىنداعى وبلىستىق "انا مەن بالا" ورتالىعىنا سانيتاريالىق اۆياتسيا جەلىسى بويىنشا جەتكىزىلدى. مۇنداي قاجەتتىلىك بالا دەنساۋلىعىنىڭ اۋىر جاعدايىنا, مەديتسينالىق مەكەمەدە كۇتىم جاساۋ جانە ەمدەۋ بويىنشا جاعدايلاردىڭ بولماۋىنا, سونداي-اق جولداردىڭ ناشار جاعدايىنا جانە كوشكىن ءتۇسۋ قاۋپىنە بايلانىستى تۋىندادى.

پاتسيەنتتەردى, ونىڭ ىشىندە جاڭا تۋعان بالالاردى اۆياتاسىمالداۋ كەزىندە ساناۆياتسيانىڭ ۇتقىر بريگاداسى ۇشۋدىڭ بارلىق ۋاقىتىندا اعزانىڭ ومىرلىك ماڭىزدى فۋنكتسيالارىنا مونيتورينگ جۇرگىزىپ وتىردى. بۇل رەتتە اۋە كەمەسىنىڭ بورتىندا قاجەتتى مەديتسينالىق جابدىقتار مەن ءدارى-دارمەكتەردىڭ بولۋىنا ەرەكشە نازار اۋدارىلادى. وسىلايشا, جاڭا تۋعان نارەستەلەردى بورتتا تاسىمالداۋ ءۇشىن وتتەگىن اۆتوماتتى تۇردە بەرەتىن جانە قاۋىپسىزدىك پەن جايلىلىققا كەپىلدىك بەرەتىن وڭتايلى تەمپەراتۋرا مەن ىلعالدىلىقتى ۇستاپ تۇراتىن مامانداندىرىلعان كۋۆەز قولدانىلادى.

قازاقستان رەسپۋبليكاسىنىڭ سانيتاريالىق اۆياتسياسى كوپ بولىگىندە قان اينالىمى جۇيەسى اۋرۋلارى بار پاتسيەنتتەرگە, جازاتايىم وقيعالار, ۋلانۋ جانە جاراقات الۋ كەزىندە, جاڭا تۋعان نارەستەلەر جانە بالالار جاسىنداعى پاتولوگيالار كەزىندە, سونداي-اق شۇعىل اكۋشەرلىك جاعدايلار كەزىندە مەديتسينالىق كومەك كورسەتەدى. 2019 جىلعى 2 ايدا پاتولوگيالىق اۋرۋلارى بار جاڭا تۋعان نارەستەلەر پاتسيەنتتەردىڭ جالپى سانىنىڭ 14,7% قۇرادى.

2019 جىلعى 2 ايدا ساناۆياتسيامەن 319 ۇشىپ شىعۋ ورىندالدى, 374 پاتسيەنتكە مەديتسينالىق كومەك كورسەتىلدى, 390 مەديتسينالىق قىزمەت ورىندالدى. اعىمداعى كەزەڭدە 298 پاتسيەنت تاسىمالداندى, 66 كەڭەس بەرىلدى جانە 26 وپەراتسيا جاسالدى.