پريوزەرسك قالاسىندا وقۋ-ولكەتانۋ مۇراجايى اشىلدى. ەكسپوزيتسيا №2 مەكتەپ وقۋشىلارىنا ءوز قالاسىنىڭ تاريحى تۋرالى كوبىرەك بىلۋگە كومەكتەسەدى. بۇل تۋرالى قاراعاندى وبلىسى اكىمدىگىنىڭ ءباسپاسوز قىزمەتى حابارلادى.
مەكتەپ مۇراجايى ءۇش بولىمنەن تۇرادى: «جىل جاڭعىرىعى», «تۋعان قالاسىنىڭ تاريحى», «تۋعان ولكەنىڭ فلوراسى مەن فاۋناسى». جادىگەرلەر پريوزەرسك قالاسى مەن ونىڭ قۇرمەتتى ازاماتتارى تۋرالى باياندايدى. مۇراجايدىڭ ەڭ ماڭىزدى ەكسپوزيتسيالارىنىڭ ءبىرى – «ارداگەرلەر – ءبىزدىڭ ماقتانىشىمىز» دەپ اتالادى.
«تۋعان قالاسىنىڭ تاريحى» بولىمىندە پريوزەرسك قالاسىنىڭ عيماراتتارى مەن قۇرىلىستارى بەينەلەنگەن 60-90 جىلدارداعى ەسكى فوتوسۋرەتتەردى كورۋگە بولادى.
ەكسپوزيتسيانىڭ جەكە بولىگى – مەكتەپتىڭ تاريحى. سونىمەن قاتار «تۋعان ولكە تابيعاتى» بولىمىندە وقۋشىلار بالقاش كولىنىڭ ەرەكشەلىكتەرىمەن, فلوراسىمەن جانە فاۋناسىمەن تانىسا الادى.
مۇراجاي نۇرسۇلتان نازارباەۆتىڭ «رۋحاني جاڭعىرۋ» باعدارلامالىق ماقالاسىنا سايكەس قۇرىلدى. وندا تۇڭعىش پرەزيدەنت وتان ءوز ۇيىنە, اۋىلىنا, قالاسىنا جانە تۋعان جەرىنە دەگەن سۇيىسپەنشىلىكتەن باستالاتىنىن اتاپ ءوتتى.
مەكتەپ مۇراجايى وقۋشىلارعا زەرتتەۋ جۇمىستارى مەن شىعارماشىلىق قابىلەتتەرىن دامىتۋعا, وتاندىق مادەنيەتكە دەگەن قىزىعۋشىلىقتى جانە وتكەن ۇرپاقتىڭ ادامگەرشىلىك قۇندىلىقتارىنا قۇرمەتپەن قاراۋدى قالىپتاستىرۋعا كومەكتەسەدى. مۇراجاي تەك ەرەكشە وقۋ كابينەتى عانا ەمەس, اشىق ءبىلىم بەرۋ كەڭىستىگىنىڭ تاربيە ورتالىقتارىنىڭ ءبىرى بولۋى ءتيىس.