ايماق باسشىسى قۇمار اقساقالوۆتىڭ كەلىسىمى بويىنشا مۇراتبەك بەگايدار ۇلى زەينۋللين قازاقستان حالقى اسسامبلەياسى وبلىستىق فيليالىنىڭ حاتشىلىق مەڭگەرۋشىسى بولىپ تاعايىندالدى.
ونى ۇجىم مەن ەتنومادەني بىرلەستىكتەرىنە وبلىس اكىمىنىڭ ورىنباسارى ماديار قوجاحمەت تانىستىردى.
م. زەينۋللين اقمولا وبلىسىندا تۋعان. ءنوۆوسىبىر جوعارى اسكەري ساياسي ۋچيليششەسىن بىتىرگەن. ەڭبەك جولىن 1984 جىلى تانك پولكى روتا كومانديرىنىڭ ورىنباسارلىعىنان باستاعان. 1987–2009 جىلدارى قازاقستان قارۋلى كۇشتەر قاتارىندا ءارتۇرلى قىزمەتتەر اتقارعان. 2009-2012 جىلدارى وبلىستىق قورعانىس ىستەرى دەپارتامەنتىنە, التى جىل ءدىن ىستەرى باسقارماسىنا جەتەكشىلىك ەتكەن.
«حاتشىلىق مەڭگەرۋشىسىنە ۇمىتكەرلەر كوپ بولدى. كونكۋرس بەلگىلەنگەن ەرەجەلەر شەڭبەرىندە وتكىزىلىپ, تاڭداۋ مۇراتبەك بەگايدار ۇلىنا ءتۇستى. ول – تاجىريبەلى, ىسكەر باسشى» دەدى ماديار دۇيسەنباي ۇلى.
وڭىردە 26 مادەني-ۇلتتىق بىرلەستىك مەن 150-گە جۋىق بولىمشە جۇمىس ىستەيدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى