سەنبى, 29 جەلتوقسان 2012 7:19
«100 مىڭنان استام ادامنان 12,5 مىڭ ادام اتتەستاتتاۋدان وتپەي قالدى جانە ورگانداردان بوساتىلدى». قازاقستان پرەزيدەنتىنىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى حالىققا جولداۋىنان.
سەنبى, 29 جەلتوقسان 2012 7:19
«100 مىڭنان استام ادامنان 12,5 مىڭ ادام اتتەستاتتاۋدان وتپەي قالدى جانە ورگانداردان بوساتىلدى». قازاقستان پرەزيدەنتىنىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى حالىققا جولداۋىنان.
«الەۋمەتتىك-ەكونوميكالىق جاڭعىرتۋ – قازاقستان دامۋىنىڭ باستى باعىتى» اتتى حالىققا جولداۋىندا ەلباسى ن.نازارباەۆ قۇقىق قورعاۋ جۇيەسىندەگى كادرلىق جاڭارتۋ ماسەلەسىنە ايرىقشا توقتالعانى بەلگىلى. پرەزيدەنت «قازاقستان رەسپۋبليكاسى قۇقىق قورعاۋ ورگاندارى قىزمەتكەرلەرىن كەزەكتەن تىس اتتەستاتتاۋدان وتكىزۋ تۋرالى» جارلىعىنا قول قويدى. اتالعان قۇجاتتىڭ تۇسىنىكتەمەسىندە كەزەكتەن تىس اتتەستاتتاۋدىڭ باستى ماقساتى مەن تاپسىرمالارى تۋرالى ايتىلدى. ونداعى باستى مىندەت – قوعام مەن بيزنەستىڭ قاجەتتىلىگىنە جاۋاپ بەرە الاتىن, زامان تالابىنا ساي قۇقىق قورعاۋ جۇيەسىنە كادرلار وزەگىن قالىپتاستىرۋ. سونىڭ ارقاسىندا تەرىس قىلىقتارىمەن كوزگە تۇسكەن, مەملەكەتتىك قىزمەتكە كەزدەيسوق كەلگەن لاۋازىمدى تۇلعالاردان ارانى تازارتۋ, قۇقىق قورعاۋ ورگاندارى قاتارىنا كاسىبي بىلىكتىلىگى جوعارى, ار-نامىسى بار ازاماتتاردى سۇرىپتاپ, قوعام تىنىشتىعىنا جاۋاپتى سالانىڭ كادر ساياساتىنا ساپالى وڭ وزگەرىستەر ەنگىزىپ, ولارعا دەگەن حالىقتىڭ سەنىمىن ارتتىرۋ بولدى.
ارينە, بۇل جۇرگىزىلگەن كەزەكتەن تىس اتتەستاتتاۋ دا قۇقىق قورعاۋ سالاسىنداعى رەفورمانىڭ جالعاسى ەكەندىگى بەلگىلى. وسى جۇمىستىڭ تيىمدىلىگىن ارتتىرۋعا باعىتتالعان ءبىراز قادامدار جاسالدى: زاڭدارعا وزگەرىستەر ەنگىزىلدى, ءاربىر ورگاننىڭ مىندەتى ايقىندالدى, بۇرىندارى كەز كەلگەن ورگان جۇرگىزەتىن ىستەر ءبىر جۇيەگە كەلتىرىلدى, قىلمىستىق زاڭناما ىزگىلەندىرىلدى, ماتەريالدىق-تەحنيكالىق احۋال جوعارىلادى. ءسويتىپ, بارلىق قۇقىق قورعاۋ ورگاندارىنىڭ جەكە قۇرامنىڭ ساپالى جاڭارۋىنا جوعارى, ورتالىق جانە وڭىرلىك اتتەستاتتاۋ كوميسسيالارى جەتە نازار اۋدارىپ, قورىتىندىسى دا شىعارىلدى. العاشقى كەزەڭدە بارلىق قۇقىق قورعاۋ ورگاندارىنىڭ جوعارى لاۋازىمدى تۇلعالارى اتتەستاتتاۋدان ءوتتى, ودان كەيىنگى كەزەڭ ورتالىق جانە ءۇشىنشى كەزەڭدە ايماقتىق ورگاندار قىزمەتكەرلەرى اتتەستاتتاۋدان ءوتتى. بۇل ورايدا مەملەكەت باسشىسى ەلىمىزدىڭ قۇقىق قورعاۋ جۇيەسى قىزمەتىنىڭ تيىمدىلىگىن ارتتىرۋعا باعىتتالعان كەزەكتەن تىس اتتەستاتتاۋدىڭ ماڭىزدىلىعىن اتاپ ءوتتى. اتتەستاتتاۋ قورىتىندىسى بويىنشا, قۇقىق قورعاۋ ورگاندارى قىزمەتكەرلەرىن الەۋمەتتىك قامسىزداندىرۋدى ەداۋىر جاقسارتۋ جانە ەڭبەكاقىلارىن ايتارلىقتاي ارتتىرۋ ماسەلەسى قاراستىرىلاتىن بولادى, دەدى. سونىڭ ايعاعىنداي, جاڭا جولداۋدا ەلباسى قۇقىق قورعاۋ ورگاندارى قىزمەتكەرلەرىن اقشالاي قامتاماسىز ەتۋ جانە زەينەتاقىمەن قامسىزداندىرۋ دەڭگەيىن ارتتىرۋ جونىندەگى ءىس-قيمىل جوسپارىن دايىنداۋ كەرەكتىگىن تاپسىرامىن, دەدى.مۇنىڭ ءبارى كەزەكتەن تىس جۇرگىزىلگەن اتتەستاتتاۋدىڭ ماڭىزدىلىعىن كورسەتەدى. حالىقارالىق تاجىريبەنى تالداۋدى ەسكەرە وتىرىپ, اتتەستاتتاۋدىڭ ءۇش دەڭگەيلى ساتىسى انىقتالدى.كەزەكتەن تىس اتتەستاتتاۋدىڭ نەگىزگى ماقساتى – قۇقىق قورعاۋ ورگاندارى قىزمەتكەرلەرىنىڭ كاسىبي, اسكەري جانە دەنە شىنىقتىرۋ دايىندىعىنىڭ دەڭگەيىن تەكسەرۋ, ءوز قاتارىن قۇزىرەتتى ەمەس قىزمەتكەرلەردەن جانە مورالدىق-ادامگەرشىلىك سيپاتى تومەن, سىبايلاس جەمقورلىق كورىنىستەرىنە جانە وزگە دە تەرىس قىلىقتارعا بەيىم ادامداردان تازارتۋ. ءاربىر اتتەستاتتالاتىن ادام بويىنشا كادرلىق شەشىم اڭگىمەلەسۋ ناتيجەلەرى بويىنشا دەربەس قابىلداندى, ونىڭ بارىسىندا قىزمەت وتكەرۋ, تەستىلەۋدەن ءوتۋ, كاسىبي جارامدىلىققا ارنالعان نورماتيۆتەردى تاپسىرۋ ناتيجەلەرى جانە ارنايى تەكسەرۋ ماتەريالدارى تالدالدى.جوعارى اتتەستاتتاۋ كوميسسياسىنان 368 باسشى اتتەستاتتاۋدان وتسە, ونىڭ قورىتىندىلارى بويىنشا ولاردىڭ ءار بەسىنشىسىنە قاتىستى تەرىس شەشىم شىعارىلدى, ال جوعارى لاۋازىمداعى 28 قىزمەتكەر اتتەستاتتاۋدان وتۋدەن باس تارتۋىنا بايلانىستى قىزمەتتەن بوساتىلدى. وسىلايشا قۇقىق قورعاۋ ورگاندارىنىڭ جوعارى باسشىلىق قۇرامى ۇشتەن ءبىر بولىگىنە جاڭاردى. ال ورتالىق اتتەستاتتاۋ كوميسسيالارى 4 971 قىزمەتكەردى اتتەستاتتاۋدان وتكىزىپ, ولاردىڭ ىشىندە 879-ى, ياعني 15 پايىزى اتتەستاتتاۋدان وتپەي, 257-ءسى جۇمىستان شىعارىلدى. 411-ءىنىڭ لاۋازىمى تومەندەتىلدى, مۇنىڭ بارلىعى سالا قىزمەتكەرلەرىنىڭ كاسىبي جارامدىلىق دەڭگەيىن تەكسەرىپ, مامان ەمەس قىزمەتكەرلەردەن, سىبايلاس جەمقورلىق كورىنىستەرىنە جانە وزگە تەرىس ارەكەتتەرگە بەيىمدەلگەن, ادامگەرشىلىك سيپاتى تومەن ادامداردان تازارتۋ ماقساتىندا جۇزەگە استى. سونداي-اق, جوعارىداعىداي اتتەستاتتاۋ بارىسى وبلىستار مەن اۋدانداردا جۇرگىزىلىپ, ناتيجەسىندە كەزەكتەن تىس اتتەستاتتاۋ قۇقىق قورعاۋ ورگاندارىنىڭ كادرلىق رەزەرۆىن كوپ ساتىلى جانە ىرىكتەۋدىڭ قاتاڭ راسىمىنەن وتكەن ادامداردىڭ قاتارىنان جاڭارتۋعا مۇمكىندىك بەردى.الەكساندر تاسبولاتوۆ,«ەگەمەن قازاقستان.