جوعارى حوككەي ليگاسىنىڭ (جحل) پەتروۆ كۋبوگى جولىنداعى جارىستا قاراعاندىنىڭ «سارىارقاسى» المەتەۆسكىنىڭ «نەفتيانيگىنەن» باسىم ءتۇستى.
بۇعان دەيىن وتكەن شيرەك فينالدىق التى سايىستا قوس كوماندا ءۇش رەتتەن جەڭىسكە جەتىپ, تارازى باسى تەڭسەلىپ تۇردى. شەشۋشى ماتچ تاتارستاندا ءوتتى. جەرگىلىكتى حوككەيشىلەر قانشا جانتالاسقانىمەن, جەرلەستەرىمىز وتە ساۋاتتى ويناپ, وزدەرىنە قولايلى ناتيجەگە قول جەتكىزدى. ەسەپ – 3:1. ءبىزدىڭ كوماندا ساپىندا الەكساندر رەموۆ (20 مينۋت), ولەگ لوماكو (26 مينۋت) جانە ماكسيم كيتسىن (60 مينۋت) مەرگەندىك تانىتتى.
ساناۋلى كۇندەردەن كەيىن جارتىلاي فينالدىق باسەكەلەر باستالادى. بۇل مەجەدە «سارىارقا» سانكت-پەتەربۋرگتىڭ سكا-نەۆا كومانداسىمەن كۇش سىناسادى. كەلەسى جۇپتى «توروس» (نەفتەكامسك) پەن «رۋبين» (تۇمەن) كلۋبتارى قۇراپ وتىر.
عالىم سۇلەيمەن,
«Egemen Qazaqstan»