سارسەنبى, 24 قازان 2012 7:18
اقش پرەزيدەنتتىگىنەن ۇمىتكەر باراك وباما مەن ميتت رومني اراسىندا وتكەن تەلەدەباتتا ەلدىڭ قازىرگى پرەزيدەنتى باراك وباما جەڭىسكە جەتتى. ونى رەسپوندەنتتەردىڭ 48 پايىزى, ال ميتت ءرومنيدى 40 پايىزى قولداعان.
سارسەنبى, 24 قازان 2012 7:18
اقش پرەزيدەنتتىگىنەن ۇمىتكەر باراك وباما مەن ميتت رومني اراسىندا وتكەن تەلەدەباتتا ەلدىڭ قازىرگى پرەزيدەنتى باراك وباما جەڭىسكە جەتتى. ونى رەسپوندەنتتەردىڭ 48 پايىزى, ال ميتت ءرومنيدى 40 پايىزى قولداعان.
ساراپشىلاردىڭ باعالاۋىنشا, بۇل تەلەدەباتتا كانديداتتاردىڭ ەشقايسىسى كورەرمەندەردىڭ باسىم قولداۋىنا يە بولا المادى. دەبات قورىتىندىسى بويىنشا سۇراۋ سالىنعانداردىڭ 24 پايىزى وزدەرىنىڭ پرەزيدەنتتىك سايلاۋدا كىمگە داۋىس بەرەتىنىنە دايىن ەكەندىكتەرىن بىلدىرگەن. فلوريدا شتاتىندا وتكەن بۇل دەبات سايلاۋ الدىنداعى سوڭعى تەلەدەبات بولىپ تابىلادى. دەباتتىڭ باستى تاقىرىبى – اقش-تىڭ سىرتقى ساياساتى بولدى. وندا كانديداتتار ەكونوميكالىق ماسەلەلەرگە دە نازار اۋدارعان.
پرەزيدەنت راقىمشىلىق جاريالادى
سيريا پرەزيدەنتى باشار اساد ەلدە جاپپاي راقىمشىلىق جاريالادى. سانا مەملەكەتتىك اگەنتتىگىنىڭ حابارلاۋىنشا, راقىمشىلىق جاساۋدىڭ قىلمىسى ءۇشىن سوتتالعاندارعا دا قاتىسى بار. بۇرىن باشار اسادتىڭ رەجىمىنە قارسىلىق كورسەتكەندەرى ءۇشىن تۇتقىندالعاندار دا بوستاندىققا شىعارىلا ما, جوق پا, ول قازىرگە بەلگىسىز.
سيريادا 2011 جىلدىڭ اقپانىنان بەرى اساد بيلىگى مەن وپپوزيتسيا اراسىندا قارۋلى قاقتىعىس بولىپ كەلەدى. جاعداي بىرنەشە مىڭداعان اكتسياعا قاتىسۋشىلاردى كۇشپەن قۋىپ تاراتقاننان كەيىن ءتىپتى ۋشىعا ءتۇستى. كوپتەگەن وپپوزيتسيونەرلەر تۇتقىنعا الىندى. قاقتىعىستار كەزىندە 30 مىڭنان استام ادام قازا تاپتى. قازىرگى كەزدە بيلىك اسكەرلەرى مەن وعان قارسىلاستار اراسىنداعى سوعىس ماارەت ال-نۋمان قالاسى ءۇشىن ءجۇرىپ جاتىر.
قارۋ-جاراق قويمالارىن قىسقارتادى
رەسەي قورعانىس مينيسترلىگى ەل اۋماعىنداعى ءتۇرلى قارۋ-جاراق ساقتايتىن قويمالار سانىن ون ەسەگە قىسقارتپاق. ءبىرىنشى كەزەكتە ەلدى مەكەندەرگە جاقىن جەرلەردەگى 31 نىسان جابىلاتىن بولادى. بۇل جونىندە قورعانىس ءمينيسترىنىڭ ورىنباسارى, ارميا گەنەرالى دميتري بۋلگاكوۆ مالىمدەدى.
گەنەرالدىڭ سوزىنە قاراعاندا, اسكەريلەر جاڭا قارۋ-جاراق قويمالارى جۇيەسىن قۇرۋدى دا ويلاستىرىپ جاتىر. قويمالاردىڭ ءبىر بولىگى قازىردىڭ وزىندە تاراتىلدى, قالعان قاۋىپتى دەگەن قارۋ-جاراقتار قاۋىپسىز جەرگە اكەتىلدى. 2015 جىلعا قاراي اشىق الاڭدارداعى قارۋ-جاراق قويمالارىن تولىقتاي جويۋ جوسپارلانىپ وتىر. قارۋ-جاراق قويمالارىن جاڭا جۇيەلەرمەن جابدىقتاۋعا 75 ميلليارد رۋبل جۇمسالادى. سوڭعى بىرنەشە جىلدا رەسەيدە ءورت سالدارىنان, بومبالار مەن وقتۇمسىقتاردى جويۋ كەزىندە جارىلىس بولىپ, اسكەريلەر مەرت بولعان ەدى. سونىڭ ءبىرى – وسى جىلدىڭ 9 قازانىندا دونگۋز پوليگونىنداعى ءورت.
مينيستر وتستاۆكاعا كەتتى
جاپونيانىڭ ادىلەت ءمينيسترى كەيسيۋ تاناكا كەشە ءوزىنىڭ وتستاۆكاعا كەتەتىنى تۋرالى ءوتىنىش بەرگەن. پرەمەر-مينيستر ەسيحيكو نودا ونىڭ وتستاۆكاسىن قابىلداعان. وتستاۆكا سەبەبى ءمينيستردىڭ ءوزىن ناشار سەزىنەتىندىگىندە جاتسا كەرەك.
74 جاستاعى ك.تاناكا ادىلەت ءمينيسترى كرەسلوسىنا وسى قازان ايىنىڭ باسىندا عانا وتىرعان ەدى. تاعايىندالا سالىپ-اق ونى قىتاي ازاماتىنان قايىرىمدىلىق رەتىندە اقشالاي 420 مىڭ يەن (5,4 مىڭ دوللار) الدى دەپ ايىپتادى. ءمالىم بولعانىنداي, مينيستر شىنىندا دا قىتايلىقتان 2006 جىلدان باستاپ اقشا الىپ كەلىپتى. ال جاپونيا زاڭناماسىنا سايكەس ساياساتكەرلەردىڭ شەتەل ازاماتتارىنان اقشا قابىلداۋعا قۇقىعى جوق. ەكس-مينيستر وزىنە تاعىلعان ايىپتى جوققا شىعارمايدى.
بوسقىندار باس كوتەردى
گرۋزيانىڭ اقپارات اگەنتتىكتەرىنىڭ حابارلاۋىنشا, تبيليسيدە جۇزگە جۋىق بوسقىن جازانى ورىنداۋ جونىندەگى دەپارتامەنتتىڭ عيماراتىن باسىپ العان. ولار مەملەكەت وزدەرىنە باسپانا بەرمەيىنشە, عيماراتتى بوساتپايتىندارىن مالىمدەگەن.
رەسمي مالىمەتتەر بويىنشا, گرۋزيادا ابحازيا مەن وڭتۇستىك وسەتيادان كەلگەن 260 مىڭعا جۋىق بوسقىن بار. ولاردىڭ بىرقاتارىنا, ياعني 10 مىڭداي وتباسىنا تبيليسيدەن باسپانا بەرىلگەن كورىنەدى. بوسقىندارعا پروۆينتسيالاردان تۇرعىن ۇيلەر ۇسىنىلعان دا ەكەن. بىراق, استانادان كەتكىسى كەلمەيدى. باستى سەبەپ – وندا جۇمىس ورىندارىنىڭ جوقتىعى.
بازارداعى جاپپاي توبەلەس
بەلورۋسسيا ميليتسياسى وتكەن جەكسەنبىدە مينسكىدەگى بازاردا بولعان جاپپاي توبەلەسكە قاتىستى قىلمىستىق ءىس قوزعادى. بۇل جونىندە بەلتا حابارلادى.
مالىمەتتەرگە قاراعاندا, توبەلەس «جدانوۆيچ» بازارىندا بولعان. وعان سەبەپ ۇيالى تەلەفون باعاسىنىڭ ساتىلۋ قۇنى كورىنەدى. توبەلەس كەزىندە وق تا اتىلعان سياقتى. ميليتسيا توبەلەسكە قاتىسقانداردىڭ 43-ءىن ۇستاعان. ال توبەلەس ستاۆروپول جانە استراحان وڭىرلەرىنەن كەلگەن سىعاندار اراسىندا بولعان.
قىسقا قايىرىپ ايتقاندا:
رەسەيدىڭ تەرگەۋ ورگاندارى ماسكەۋ بانكىنىڭ بۇرىنعى باسشىسى اندرەيبوروديننىڭ 400 ميلليون دوللاردان اساتىن دۇنيە-مۇلكىن تۇتقىندادى.قۇقىق قورعاۋ ورگاندارى وعان قارجىنى زاڭسىز يەمدەنگەن جانە ونىشەتەل بانكتەرىنە اۋدارعان دەگەن ايىپ تاعۋدا.
تايۆان اۋرۋحاناسىندا شىققان ورتتەن 12 ادام مەرت بولىپ, 60 ادامزارداپ شەكتى. ورت كەشە ەرتەڭگىسىن شىققان, 100-دەن استام ەمدەلۋشىباسقا جەرگە كوشىرىلدى.
پولشانىڭ دەبنو قالاسىندا وسۆەنتسيم لاگەرىنىڭ ەڭ قارت «تۇتقىنى»انتوني دوبروۆسكي قايتىس بولدى. ول 108 جىل ءومىر سۇرگەن ەكەن.
گەرمانيا بيلىگى رەسەيگە تىڭشىلار الماسۋ جونىندە ۇسىنىس ءبىلدىردى. وسىعان بايلانىستى بەرلين ماسكەۋگە 1980 جىلدارى تۇتقىندالعان ەرلى-زايىپتىنى قايتارۋعا دايىن ەكەنىن مالىمدەدى.
ينتەرنەت ماتەريالدارى نەگىزىندە ازىرلەندى.