قحل: «بارىس» ۇتىلدى, «اۆانگارد» كەلەسى كەزەڭگە ءوتتى

قوس كوماندانىڭ اراسىنداعى بۇعان دەيىنگى ويىنداردىڭ ەسەبى 3:1 ەدى. الدا ­– «اۆانگارد». سول سەبەپتى دە استانادا وتكەن كەزدەسۋدە جەرلەستەرىمىز جەڭىسكە جەتۋگە ءتيىس ەدى. العاشقىدا ءبىزدىڭ جىگىتتەر باسەكەنى قارقىندى باستادى. ءبىرىنشى كەزەڭنىڭ ورتاسى مەن ەكىنشى كەزەڭنىڭ باسىندا مەتتيۋ فەتتين ەكى گول سوعىپ, «بارىس ارەناعا» جينالعان 10 320 كورەرمەندى قۋانتتى.

الايدا ودان كەيىن استانالىقتار بىلگەندەرىنەن جاڭىلدى. قوناقتار «قاھارىنا ءمىندى». 24 پەن 45 مينۋتتار ارالىعىندا «اۆانگارد» قاتارىنان بەس شايبا سوعىپ, قازاقستاندىق جانكۇيەرلەردىڭ جەڭىسكە جەتسەك دەگەن ۇكىلى ءۇمىتىمىزدى ءۇزدى. بۇل گولداردىڭ اۆتورلارى ­– نيكيتا پيۆتساكين, كيريلل پەتروۆ, تەيلور بەك, سەرگەي شيروكو جانە ماكسيم چۋدينوۆ. وسى ماتچتاعى سوڭعى گولدى «بارىستىڭ» ويىنشىسى نيكيتا ميحايليس سوقتى. ەسەپ ­– 3:5.

وسىلايشا, «بارىس» گاگارين كۋبوگى جولىنداعى جارىستى ەكىنشى كەزەڭدە اياقتادى, ال «اۆانگارد» جارتىلاي فينالعا جولداما الدى.

عالىم سۇلەيمەن,

«Egemen Qazaqstan»