سەيسەنبى, 28 تامىز 2012 7:18
جانجالدى ەڭسەرۋدىڭ جولى قايسى؟
سيريا استاناسى – داماسك قالاسىنا يران دەلەگاتسياسى كەلدى. يراندىقدەلەگاتسيا وكىلدەرىمەن كەزدەسۋ بارىسىندا سيريا پرەزيدەنتى باشاراساد شەتەلدىك ارانداتۋشىلاردى ماقساتتارىنا جەتكىزبەۋ ۇشىن كەزكەلگەن قادامعا باراتىنىن اتاپ كورسەتتى.
سەيسەنبى, 28 تامىز 2012 7:18
جانجالدى ەڭسەرۋدىڭ جولى قايسى؟
سيريا استاناسى – داماسك قالاسىنا يران دەلەگاتسياسى كەلدى. يراندىقدەلەگاتسيا وكىلدەرىمەن كەزدەسۋ بارىسىندا سيريا پرەزيدەنتى باشاراساد شەتەلدىك ارانداتۋشىلاردى ماقساتتارىنا جەتكىزبەۋ ۇشىن كەزكەلگەن قادامعا باراتىنىن اتاپ كورسەتتى.
سيريا حالقى شەتەلدىك ارانداتۋشىلاردى جەڭەتىنىنە ەش كۇمان جوق, دەدى تاعى ءبىر سوزىندە ب.اساد. ونىڭ سوزىنە قاراعاندا, جالعاسىپ كەلە جاتقان قارسى تۇرۋشىلىقتىڭ بۇكىل تاياۋ شىعىسقا تىكەلەي قاتىسى بار, ال سيريا شەتەلدىك ارانداتۋشىلاردىڭ ورتاسىندا قالىپ قويىپ وتىر. قۇقىق قورعاۋ ۇيىمدارىنىڭ دەرەكتەرىنە سۇيەنسەك, سيرياداعى جانجال باستالعالى بەرى 24 مىڭنان استام ادام كوز جۇمعان.
ەۋروپا كومەگىنىڭ ءبىر بولىگىن الادى
يسپانيا ەلدەگى بانكتەردى قۇتقارۋ ۇشىن بريۋسسەل بولەتىن بولىپوتىرعان 100 ميلليارد ەۋرونىڭ شامامەن 60 ميللياردىن وسى ماقساتقاپايدالانۋ نيەتىندە. بۇل جونىندە يسپانيا قارجى مينيسترى لۋيس دەگيندوس مالىمدەدى.
ول سونداي-اق ەگەر ەۋروپا ورتالىق بانكى يسپانيا ءۇشىن وبليگاتسيالار بويىنشا مولشەرلەمەلەردىڭ قۇنىن تۇسىرۋگە كومەكتەسەتىن بولسا, وندا ءوز ەلى مەملەكەتتىك شىعىنداردى تومەندەتۋ بويىنشا مىندەتتەردى ورىنداۋعا قول جەتكىزە الاتىنىن ايتتى. جالپى, قازىرگى كەزدە يسپانياداعى ەكونوميكالىق جاعداي اۋىر كۇيىندە قالىپ وتىر. بۇل ەل بۇگىندە رەتسەسسياعا ۇشىراسا, ونىڭ مەملەكەتتىك قارىزى كۇرت ءوسۋ ۇستىندە.
داۋىلدىڭ سالدارىنان كەيىنگە شەگەرىلدى
27-30 تامىز ارالىعىندا اقش-تىڭ فلوريدا شتاتىنداعى تامپاقالاسىندا وتۋى تيىس بولاتىن رەسپۋبليكاشىلار پارتياسىنىڭ سەزىتروپيكالىق «يسااك» تەڭىز داۋىلىنىڭ سالدارىنان كەيىنگە شەگەرىلدى. ءسويتىپ, پارتيا ءىس-شارالارى باعدارلاماسىنا وزگەرىستەر ەنگىزىلدى.
سەزدە دەلەگاتتار ميتت ءرومنيدى اقش پرەزيدەنتتىگىنە رەسپۋبليكاشىلار پارتياسىنان كانديدات رەتىندە ۇسىناتىندىقتارىن جاريالاۋى ءتيىس بولاتىن. فلوريدا شتاتىنىڭ گۋبەرناتورى ريك سكوتت جاقىنداپ كەلە جاتقان تروپيكالىق داۋىل سالدارىنان سەزد باستالماي تۇرىپ-اق ونىڭ جۇمىسىنا قاتىسا المايتىنىن حابارلاعان-تىن. كەشە ول اتالعان شتاتتا توتەنشە جاعداي جاريالادى.
قىسقا قايىرىپ ايتقاندا:
گەرمانيا كانتسلەرى انگەلا مەركەل گرەكيا پرەمەر-ءمينيسترى انتونيسساماراسپەن كەزدەسۋى كەزىندە گرەكيانىڭ ەۋرووداق ەلدەرى ۇشىن ماڭىزدى ەلەكەنىن اتاپ كورسەتتى. سوندىقتان ەو گرەكيانى داعدارىس قۇرساۋىنانبوساتۋ ۇشىن قولدان كەلگەننىڭ بارىن جاسايتىن بولادى.
قىرعىزستاندا جاڭا پارلامەنتتىك كواليتسيا جاساقتاۋمەن ەلپرەزيدەنتىنىڭ سوتسيال-دەموكراتيالىق پارتياسىنىڭ فراكتسياسىاينالىساتىن بولدى. بۇل تۋرالى شەشىمدى رەسپۋبليكا پرەزيدەنتىالمازبەك اتامباەۆ مالىمدەدى.
ەكاتەرينبۋرگتەگى مۋنيتسيپالدى قىزمەتتەر جاقىندا باسىنان تومەنقاراي كوك سىر قۇيىلعان رەسەيدىڭ العاشقى پرەزيدەنتى بوريس ەلتسينگەورناتىلعان ەسكەرتكىشكە بۇرىنعى رەڭك بەرە المادى. ويتكەنى, سىر-بوياۋەسكەرتكىشكە تەرەڭدەپ سىڭىپ كەتىپتى.
قىرعىزستان بەلورۋسسياعا تاعىنان تايدىرىلعان پرەزيدەنتقۇرمانبەك باكيەۆتىڭ باۋىرى – جانىش باكيەۆتى تۇتقىنعا الىپقايتارىپ بەرۋ تۋرالى وتىنىشىن تىڭداماعانى ۇشىن رەنجۋلى. وسىعانوراي بىشكەك مينسكىدەگى ەلشىسىن كونسۋلتاتسيا وتكىزۋ ۇشىن كەرىشاقىرىپ الدى.
ۆەنەسۋەلادا مۇناي وڭدەيتىن زاۋىت جارىلدى. اپات سالدارىنان قازاتاپقاندار سانى, الدىن الا ەسەپ بويىنشا, 34 ادام دەلىنىپ وتىر. ەلپرەزيدەنتى ۋگو چاۆەس, قاۋىپسىزدىك قىزمەتىنىڭ ەسكەرتۋلەرىنە قاراماستان, اپات وشاعىنا باراتىنىن جاريا ەتتى.
ايىپتاۋعا لايىقتى جاۋاپ قايتاردى
قىرعىزستان پارلامەنتىنىڭ دەپۋتاتى, ىشكى ىستەر ەكس-ءمينيسترى بولوت شەر پرەمەر-ءمينيستردىڭ مىندەتىن اتقارۋشى ومۋربەك بابانوۆقا ەكى وق سالىنعان كونۆەرت اتتاندىردى. پارلامەنتشى ءوزىن توناۋشى-تالاۋشى دەگەن ايىپتاۋعا وسىلايشا جاۋاپ قايتاردى.
اڭگىمە بولىپ وتىرعان ايىپتاۋلاردى بيلەۋشى پارتيالاردىڭ ءبىرى, كوشباسشىسى جاقىندا وتستاۆكاعا جىبەرىلگەن پرەمەر بابانوۆ (جاڭا ۇكىمەت جاساقتالعانشا ول ۇكىمەت باسشىسىنىڭ مىندەتىن اتقارۋشى بولىپ جۇمىسىن جالعاستىرادى) بولىپ تابىلاتىن «رەسپۋبليكا» پارتياسىنىڭ وكىلدەرى تاراتقان ەدى. «رەسپۋبليكا» فراكتسياسىنىڭ پارلامەنتتىك ماجىلىسىندە سوڭعى توڭكەرىس كەزىندە توناۋشىلاردىڭ بەينەسيۋجەتى كورسەتىلگەن ەكەن. سوندا بولوت شەردىڭ دە اتى اتالىپتى.
اليانس نۇسقاۋشىلارىن اتىپ ءولتىردى
كەشە ناتو ەلدەرىنىڭ ماماندارى باسشىلىعىمەن اسكەري وقۋ دايىندىعىنان ءوتىپ جاتقان اۋعاندىق اسكەري قىزمەتكەر اۆتوماتتان ءوز نۇسقاۋشىلارىنا وق جاۋدىرىپ, ولاردىڭ ەكەۋىن اتىپ ولتىرگەن. باسقا ناتو-لىق سولداتتار مەن وفيتسەرلەر قارسى وق اتىپ, شابۋىلداۋشىنى دا جەر جاستاندىرعان.
وقيعا اۋعانستاننىڭ شىعىسىنداعى لاگمان پروۆينتسياسىندا تىركەلگەن. ولتىرىلگەن شەتەلدىك نۇسقاۋشىلاردىڭ قاي ۇلتقا جاتاتىنى جانە باسقا دا دەرەكتەرى تۋرالى ەشتەڭە ايتىلمايدى. وسىمەن ءبىر مەزگىلدە گەلمەند پروۆينتسياسىندا تاليبتەر 17 ادامنىڭ باسىن العان. وقيعا ەركەگى مەن ايەلى ارالاس توپ كوڭىل كوتەرىپ جاتقان جەردە ورىن السا كەرەك.
قادىروۆ شەكارا ورناتۋعا شاقىردى
چەشەنستان باسشىسى رامزان قادىروۆ چەشەنستان مەن ينگۋشەتيا اراسىندا ناقتى اكىمشىلىك شەكارا ورناتۋ قاجەتتىگىن اتاپ كورسەتتى. ءبىز ەشقاشان جۇرگىزبەگەن, ەشقاشان قىزىعۋشىلىق تانىتپاعان شەكارا سىزىعى كۇن ساناپ, اي ساناپ چەشەن رەسپۋبليكاسىنىڭ ىشىنە قاراي جىلجىپ كەلەدى, دەپ مالىمدەدى ر.قادىروۆ.
ونىڭ سوزىنە قاراعاندا, اڭگىمە بۇل جەردە «چەشەنستاننىڭ جاڭا اۋماقتارىن باسىپ الۋ» تۋرالى بولىپ وتىر. باۋىرلاس حالىقتار بەلگىلى ءبىر قاسىرەتتەردى باستارىنان كەشىردى, دەيدى ول. وتكىر پروبلەمالاردى اينالىپ ءوتىپ, شەكارا ءبىزدى بولمەۋى ءتيىس دەگەن كوزقاراس تانىتتىق. بىراق ءبىزدى دۇرىس تۇسىنبەگەن سەكىلدى. بۇعان قوسا قادىروۆ: «ەگەر كىمدە-كىم ادامشا تۇسىنبەيتىن بولسا, وندا ءبىز قالجىڭداۋعا جول بەرمەيمىز», دەگەندى ايتقان.
ينتەرنەت ماتەريالدارى نەگىزىندە ازىرلەندى.