سەيسەنبى, 21 تامىز 2012 7:19
وڭتۇستىكامەريكالىق ۇلتتار وداعى 12 ەلىنىڭ سىرتقى ىستەر مينيسترلەرى ەكۆادورعا قوقان-لوقى جاساعانى ءۇشىن ۇلىبريتانيانى ايىپتادى.
ديپلوماتتاردىڭ نارازىلىق بىلدىرۋىنە بريتان وكىمەتىنىڭ لوندونداعى ۇستىمىزدەگى جىلدىڭ ماۋسىم ايىنان بەرى WikiLeaks سايتىنىڭ نەگىزىن قالاۋشى دجۋليان اسساندج جاسىرىنىپ جۇرگەن ەكۆادور ەلشىلىگىن باسىپ الۋ جونىندەگى مالىمدەمەسى سەبەپكەر بولعان.
سەيسەنبى, 21 تامىز 2012 7:19
وڭتۇستىكامەريكالىق ۇلتتار وداعى 12 ەلىنىڭ سىرتقى ىستەر مينيسترلەرى ەكۆادورعا قوقان-لوقى جاساعانى ءۇشىن ۇلىبريتانيانى ايىپتادى.
ديپلوماتتاردىڭ نارازىلىق بىلدىرۋىنە بريتان وكىمەتىنىڭ لوندونداعى ۇستىمىزدەگى جىلدىڭ ماۋسىم ايىنان بەرى WikiLeaks سايتىنىڭ نەگىزىن قالاۋشى دجۋليان اسساندج جاسىرىنىپ جۇرگەن ەكۆادور ەلشىلىگىن باسىپ الۋ جونىندەگى مالىمدەمەسى سەبەپكەر بولعان. وسى جىلعى 19 تامىزدا سانتياگو دە گۋاياكيلدە UNASUR ءوتىپ, ونىڭ قورىتىندىسى بويىنشا قول قويىلعان كومميۋنيكەدە ەكۆادوردىڭ ۇلىبريتانيا مەن شۆەتسيانىڭ اۆستراليالىقتىڭ قاۋىپسىزدىگىنە كەپىلدىك بەرمەي, ونى امەريكا وكىمەتىنە تاپسىرماۋ تۋرالى وزىنە مىندەتتەمە الماۋىنا بايلانىستى وسىنداي شەشىم قابىلدانعانى ايتىلعان.
دەپۋتاتتار سانى جەتپەي قالدى
جارتى عاسىر ىشىندە العاش رەت سوماليدە دۇيسەنبىدە ءوتۋى ءتيىس بولعان پرەزيدەنت سايلاۋى پارلامەنتتە دەپۋتاتتار سانىنىڭ جەتىسپەۋىنە بايلانىستى بەلگىسىز مەرزىمگە كەيىنگە قالدىرىلىپ وتىر.
كوررۋپتسيا مەن زاڭ بۇزۋشىلىقتاردىڭ ءورشىپ كەتكەنى سونداي, بۇگىندە پارلامەنتتەگى 275 ورىننىڭ 225-دە عانا دەپۋتاتتار بار. سومالي پرەزيدەنتتىگىنە كانديداتتاردىڭ تۇپكىلىكتى تىزىمىندە قازىرگى كۇنى 20 ادام بار. دەگەنمەن ساياسي باقىلاۋشىلار قازىرگى مەملەكەت باسشىسى شەيح شاريف شەيح احماد, پرەمەر-مينيستر ابديۆيلي موحامەد الي جانە پارلامەنت سپيكەرى شاريف حاسان شەيح ادەننىڭ پرەزيدەنت بولۋدان ۇمىتتەرى كوبىرەك دەپ سانايدى.
امەريكالىق ماس كونگرەسسمەندەر ارەكەتى
اقش-تا وتكەن جىلدىڭ تامىزىندا يزرايلگە ساپارمەن كەلگەن رەسپۋبليكالىق پارتيانىڭ 30 كونگرەسسمەنىنە قاتىستى جانجال تۋىندادى.
جۋرناليستىك زەرتتەۋلەر بارىسىندا كونگرەسسمەندەردىڭ ءبىر كەشكى كوڭىل كوتەرۋدە الكوگولدى ىشىمدىكتى كوبىرەك ءىشىپ, وتباسى مۇشەلەرىمەن جانە كومەكشىلەرىمەن بىرگە جاپپاي شومىلۋ ۇيىمداستىرعانى انىقتالىپ وتىر. ماس كۇيدە شومىلۋعا 20-دان استام ادام قاتىسقان. ولاردىڭ ىشىندە ستيۆ ساۋتەرلەند (قىزىمەن), توم ريد (ايەلىمەن), بەن كۋەيلي, دجەف دەنحەم جانە مايكل گريمم, سول سياقتى ستيۆ ستومبەرس, تيم بەرري ءتارىزدى كونگرەسسمەندەردىڭ كومەكشىلەرى بولعان كورىنەدى. ولاردىڭ كەيبىرەۋلەرى سۋعا كيىمدەرىمەن سۇڭگىسە, ەندى بىرەۋلەرى تىر جالاڭاش شەشىنگەن دەگەن مالىمەت بار.
قىتاي جاپونياعا نارازىلىق ءبىلدىردى
توكيو پەكيننەن قحر-داعى جاپون ازاماتتارىنىڭ قاۋىپسىزدىگىن قامتاماسىز ەتۋدى سۇراپ وتىر.
وسىنىڭ الدىنداعى كۇنى قىتايدىڭ بىرقاتار قالالارىندا جاپونياعا قارسى ەرەۋىلدەر بولىپ ءوتتى. ادامدار كوشەگە شىعىپ قىتاي جاعى وزىنىكى دەپ سانايتىن سەنكاكۋ (دياويۋيداو) ارالدارى ءتوڭىرەگىندەگى جاپونيامەن اراداعى اۋماقتىق داۋعا وزدەرىنىڭ نارازىلىقتارىن ءبىلدىردى. كەيبىر قالالاردا نارازىلىقتار تارتىپسىزدىكتەرگە ۇلاستى. ماسەلەن, شەنچجەندە ەرەۋىلشىلەر جاپونيادا جاسالعان پوليتسيا ماشيناسىن اۋدارىپ, جاپون رەستورانىنىڭ تاس-تالقانىن شىعارعان
ليۆيادا تۇتقىنداۋلار جۇرۋدە
ليۆيادا بىرقاتار تەررورلىق اكتىلەر جاسادى دەگەن كۇدىكپەن جاپپاي تۇتقىنداۋلار بولىپ ءوتتى.
جاڭا وكىمەت وزدەرىنە بيلىكتەن كەتىرىلگەن ديكتاتور مۋامار كاددافيدىڭ جاقتاستارىنان تۇراتىن «قىلمىستىق توپتى» جويۋدىڭ ءساتى ءتۇستى دەپ مالىمدەپ وتىر. ليۆيانىڭ قاۋىپسىزدىك جونىندەگى جوعارعى كوميسسياسىنىڭ حابارلاۋىنشا, بارلىعى 32 ادام تۇتقىنعا الىنعان. ولاردىڭ ءبارى ءبىر-بىرىمەن قىلمىستىق بايلانىستا تۇرعان كورىنەدى. ايتا كەتۋ كەرەك, وسىنىڭ الدىندا عانا تريپوليدە ەكى بىردەي جارىلىس ورىن العان بولاتىن. ونىڭ سالدارىنان ەكى ادام قازا تاۋىپ, ءتورت ادام جاراقاتتار العان.
يندونەزيادا جەر سىلكىندى
جەكسەنبى كۇنى يندونەزيانىڭ سولتۇستىك بولىگىندە ورىن العان قاتتى جەر سىلكىنىسىنەن كەم دەگەندە 4 ادام قۇربان بولعان.
كەيبىر مالىمەتتەرگە قاراعاندا, ءزىلزالا قۋاتى 6,2 باللعا جەتكەن كورىنەدى. جەر سىلكىنىسىنىڭ رەسمي تىركەلگەن زارداپتارى بويىنشا قازىرگى ۋاقىتتا 4 ادام قازا تاۋىپ, 7 ادام ءتۇرلى جاراقاتتار العان, 51 عيماراتقا ەلەۋلى زاقىم كەلگەن. ءزىلزالانىڭ كوپتەگەن لاي كوشكىنىن تۋدىرۋىنا بايلانىستى قۇربان بولعاندار سانىنىڭ ءوسۋى مۇمكىن دەگەن اقپارات بار. ەلدىڭ بىرقاتار وڭىرلەرىمەن كولىك بايلانىسى توقتاپ قالعان كورىنەدى.
سۋداندا ۇشاق اپاتى ورىن الدى
سۋداننىڭ استاناسى حارتۋمنان 650 شاقىرىم جەردەگى تالودي قالاسى ماڭايىندا ۇشاق اپاتى ورىن العان.
ۇشاق ىشىندە 32 ادام بولعان. ولاردىڭ اراسىندا ەلدىڭ سەنىم جانە ءدىن ىستەرى جونىندەگى ءمينيسترى گازي ءال-سادەك, سول سياقتى بۇگىندە بيلىكتە تۇرعان بەيبىتشىلىك جانە ادىلەتتىلىك پارتياسىنىڭ باسشىلارىنىڭ ءبىرى ماككي بالايەلا بولعان كورىنەدى. دەلەگاتسيا مۇسىلمانداردى ورازا-بايرام مەرەكەسىمەن قۇتتىقتاۋ ءۇشىن وڭتۇستىك كوردوفان پروۆينتسياسىنا بارا جاتىر ەكەن.
ينتەرنەت ماتەريالدارى نەگىزىندە ازىرلەندى.