سەنبى, 11 تامىز 2012 7:26
بۇۇ بيووتىن وندىرۋگە قارسى
بۇۇ بيووتىن رەتىندە ەتانول ءوندىرىپ كەلە جاتقان اقش ۇكىمەتىنەن ونى ءوندىرۋدى توقتاتۋعا شاقىردى. بۇۇ-نىڭ اۋىل شارۋاشىلىعى جانە ازىق-ت ۇلىك جونىندەگى حالىقارالىق ۇيىمى اقش اۋماعىندا ورىن العان قۇرعاقشىلىقتان ەگىننىڭ باسىم بولىگى كۇيىپ كەتەتىنىن ەسكەرتۋدە.
سەنبى, 11 تامىز 2012 7:26
بۇۇ بيووتىن وندىرۋگە قارسى
بۇۇ بيووتىن رەتىندە ەتانول ءوندىرىپ كەلە جاتقان اقش ۇكىمەتىنەن ونى ءوندىرۋدى توقتاتۋعا شاقىردى. بۇۇ-نىڭ اۋىل شارۋاشىلىعى جانە ازىق-ت ۇلىك جونىندەگى حالىقارالىق ۇيىمى اقش اۋماعىندا ورىن العان قۇرعاقشىلىقتان ەگىننىڭ باسىم بولىگى كۇيىپ كەتەتىنىن ەسكەرتۋدە.
اۋا رايىنىڭ قاتتى ىسۋىنان ورىن العان قۇرعاقشىلىق سوڭعى جارتى عاسىرداعى تابيعي قۇبىلىس كورىنەدى. امەريكالىق زاڭ بويىنشا, ەگىننىڭ 40 پايىزى بيووتىن وندىرۋگە باعىشتالۋى ءتيىس. وسىعان وراي بۇۇ ەگەر جاعداي زاڭدا كورسەتىلگەندەي قالىپتاسسا, وندا الەمدە ازىق-ت ۇلىك داعدارىسىنىڭ ورشۋىنە سوقتىرۋى مۇمكىن دەگەن بولجام جاساپ وتىر.
تاعى ءۇش جاۋىنگەر قازا تاپتى
اۋعانستاندا اسكەري كيىمدەگى اۋعاندىق ءۇش اقش جاۋىنگەرىن اتىپ تاستاعان. ناتو كۇشتەرىنىڭ وكىلى مۇنداي وقيعا گيلمەند پروۆينتسياسىنىڭ وڭتۇستىگىندە ورىن العاندىعىن حابارلاعان. 2012 جىلى اۋعان اسكەريلەرى قولىنان ولگەن شەتەلدىك ءاسكەريلەر سانى 28-گە جەتىپ وتىر.
سانگين وكرۋگىنىڭ باسشىسى موحامماد شاريف شەتەلدىك اسكەريلەردى پوليتسيا ءبولىمىنىڭ كومانديرى اتىپ تاستاعاندىعىن حابارلادى. ونىڭ سوزىنە قاراعاندا, الگى كوماندير ولاردى بلوك-بەكەتكە شاقىرتىپ الىپ, وق جاۋدىرعان. سودان كەيىن قاشىپ ۇلگەرگەن. جىل باسىنان قازا تاپقان ناتو جاۋىنگەرلەرىنىڭ جالپى سانى 200-گە جەتكەن.
ەلشىسىن كەرى شاقىرتىپ الدى
جاپونيا داۋلى سانالاتىن ليانكۋر ارالىنا وڭتۇستىك كورەيا پرەزيدەنتىنىڭ ساپارىنان كەيىن وسى ەلدەن ءوز ەلشىسىن كەرى شاقىرتىپ الدى. وڭتۇستىك كورەيا باسشىسى لي مەن باك بارىپ قايتقان ارال كورەيلىكتەر تاراپىنان توكتو دەپ اتالسا, جاپوندىقتارعا ول تاكەسيما دەگەن اتاۋمەن بەلگىلى.
جاپونيا ءسىم ورىن العان جاعدايعا بايلانىستى وڭتۇستىككورەيالىق ەلشىنى شاقىرتىپ الىپ, قاتاڭ تۇردە جاۋاپ قايتارعان. ەگەر ساپار ورىن السا, وندا جاپونيا مەن وڭتۇستىك كورەيا اراسىنداعى قارىم-قاتىناسقا سالقىندىق تۇسەتىنى تۋرالى بۇعان دەيىن دە ايتىلعان-دى. اتالعان ارال جاپونياعا 1905 جىلى بەرىلسە, ەكىنشى دۇنيەجۇزىلىك سوعىستان كەيىن ول كەرى قايتارىلعان بولاتىن.
اقش جانسىزى قولعا ءتۇستى
ۆەنەسۋەلادا زاڭسىز جولمەن كولۋمبيا ارقىلى ەلگە وتپەك بولعان امەريكالىق «جانسىز» قولعا تۇسكەن. بۇل جونىندە ەل پرەزيدەنتى ۋگو چاۆەستىڭ ءوزى حابارلاعان. ونىڭ سوزىنە قاراعاندا, سەزىكتى شەكارادا بەس كۇن بۇرىن تۇتقىندالىپتى.
قازىرگى تاڭدا قولعا تۇسكەن كۇدىكتى تەرگەلۋدە. پرەزيدەنتتىڭ پايىمىنشا, ول ەل ۇكىمەتىنىڭ جۇمىسىن جوققا شىعارۋ ماقساتىندا ۆەنەسۋەلاعا ادەيى جىبەرىلگەن. اتى-ءجونى ازىرگە اتالماعانىمەن, قولعا تۇسكەن لاتىنامەريكالىق اقش ازاماتى كورىنەدى. ال چاۆەستىڭ ءوزى ۆەنەسۋەلانى 1999 جىلدان بەرى باسقارىپ كەلەدى. بيىل تاعى پرەزيدەنتتىك سايلاۋعا تۇسەتىنىن دە مالىمدەپ ۇلگەردى.
كەمەدەگى ءورت ءسوندىرىلدى
بىرنەشە اپتا بويى جانىپ جاتقان نەمىستىڭ «فلامينيا» كەمەسىن ەشبىر ەۋروپالىق ەل ءوز پورتتارىنا كىرۋگە رۇقسات ەتپەگەن. قازىرگى تاڭدا كونتەينەر تاسۋشى كەمە اتلانت مۇحيتىندا قاڭتارۋلى تۇر. ونىڭ بورتىندا شاعىن قۇتقارۋشى توپ قانا بار كورىنەدى.
نەگىزىنەن اتالعان كەمەدەگى ءورت 14 شىلدەدە چارلستوننان (اقش) انتۆەرپەنگە جول تارتقان كەزدە باستالىپتى. ءتىلسىز جاۋدىڭ نەدەن شىققانى ازىرگە بەلگىسىز. ەكيپاجدىڭ ەكى مۇشەسى قازا تاۋىپ, تاعى ۇشەۋى جارالانعان. ال قالعاندارى قاۋىپسىز جەرگە كوشىرىلگەن. بۋكسيرگە الىنعان كەمەدەگى ءورتتى تەك قۇتقارۋشى كەمەلەردىڭ كۇشىمەن سوندىرۋگە مۇمكىن بولىپتى.
قىتاي قورعانى قۇلاي باستادى
قحر سولتۇستىك-شىعىسىنداعى ورىن العان جاۋىن-شاشىننان ۇلى قىتاي قورعانىنىڭ ءبىر بولىگىن سۋ شايىپ كەتكەن. حەبەي پروۆينتسياسىنداعى قۇلاعان قابىرعانىڭ ۇزىندىعى 36 مەترگە جەتكەن. قۇلاعان دۋالدىڭ بۇل بولىگى ونسىز دا ناشار كۇيدە بولعان كورىنەدى.
بۇعان قوسا جاپسارلاس سالىنعان قابىرعاعا دا سىزات تۇسكەن. قازىر اتالعان جارىقشاقتاردى بەكىتۋ جۇمىستارى جۇرگىزىلۋدە. ال قۇلاعان دۋالدى قالپىنا كەلتىرۋ قولعا الىنباق. ويتكەنى, قورعان ءىرى ساۋلەت ەسكەرتكىشى بولىپ تابىلادى. ونىڭ ۇزىندىعى 21196 شاقىرىم 18 مەتردى قۇرايدى. جالپى, قىتايدا ورىن العان جاۋىن-شاشىننان 112 ادام قايتىس بولسا, 21-ءى ءىز-ءتۇسسىز جوعالىپ كەتكەن.
قىسقا قايىرىپ ايتقاندا:
l الجيردىڭ بۇرىنعى سىرتقى ىستەر ءمينيسترى لاحدار براحيمي بۇۇ-نىڭ جانە اراب مەملەكەتتەرى ليگاسىنىڭ سيريا داۋىن رەتتەۋ جونىندەگى ارنايى وكىلى لاۋازىمىنا تاعايىندالۋى مۇمكىن. بۇعان دەيىن ارنايى وكىل بولعان كوففي اننان ءوزى جاساعان جوسپارىنىڭ جۇزەگە اسپاۋىنا بايلانىستى بۇل مىندەتتەن ءوز ەركىمەن باس تارتقان بولاتىن.
l رەسەي تارابى ەگەر يران س-300 زەنيتتىك كەشەندەردى ساتپاعانى ءۇشىن وسى ەلگە قاتىستى جەنەۆا سوتىنا تۇسىرگەن ارىزىنان باس تارتپاسا, وندا تەھران يادرولىق ماسەلەدە قولداۋدان ايىرىلاتىن بولادى دەگەندى ەسكەرتكەن. بۇل ەلدىڭ يرانمەن جاساسقان كەلىسىم-شارتىن ورىنداماعانى ءۇشىن تولەۋى ءتيىس اقشاسى 4 ميلليارد اقش دوللارىنا باعالانىپ وتىر.
l ليۆيانىڭ جالپىعا بىردەي ۇلتتىق كونگرەسى ءوز باسشىلارى رەتىندە «ليۆيانى قۇتقارۋ ۇلتتىق مايدانىنىڭ» سەركەسى مۇحاممەد ءال-ماكريفتى سايلاپ الدى. ال ماكريف تاقتان تايدىرىلعان كاددافي رەجىمىنىڭ ەسكى دە قايتپاس قارسىلاسى بولىپ تابىلاتىن.
l اقش-تىڭ كولورادو شتاتى اۆرورا قالاسىنداعى كينوتەاتردا كورەرمەندەرگە وق جاۋدىرعان دجەيمس ءحولمستىڭ قورعاۋشىسى ونىڭ جۇيكە اۋرۋىمەن اۋىراتىندىعىن مالىمدەگەن. بۇعان دەيىن ونىڭ دارىگەرى الداعى وقيعانىن ورىن الۋى مۇمكىندىگىن ەسكەرتكەنىمەن, ودان ەش ناتيجە شىقپاپتى.
ينتەرنەت ماتەريالدارى نەگىزىندە ازىرلەندى.