دارحان قىدىرəلىنىڭ «قازاق مەملەكەتتىگىنىڭ ءبىر باستاۋى: موعولستان, قايدۋ جəنە تالاس قۇرىلتايى» دەگەن ماقالاسىن رازى بولىپ وقىدىم. ءبəرىن قولمەن قويعانداي ەتىپ, ورنىقتى جازىپتى. قىتاي دەرەكتەرىندە قايدۋدى ونشا جاقسى ايتپايدى-اۋ دەيمىن. بىراق اۆتور دەرەكتەردى لوگيكالىق جاعىنان جاقسى قيۋلاستىرىپ, ارگۋمەنتتەرىن بۇلتارتپاستاي ەتىپ كورسەتىپتى.
ەڭ باستىسى, ماقالادا جاڭا كوزقاراس بار جəنە ول نازار اۋدارۋعا تۇرارلىق ەكەن. تاريح تۋرالى ماقالالار وسىلاي ەنتسيكلوپەديالىق سيپاتتا جازىلۋى كەرەك. Əيتپەسە بوس ءسوز كوبەيگەن سايىن بوستەكى ويلارعا دا جول بەرىلىپ كەتەدى. ال ءبىز ايتىپ وتىرعان ماقالادا ءسوز دە ساناۋلى, وي دا تۇجىرىمدى, يدەيا دا انىق. مۇنداي ماقالانى وقىعاندا شارشامايسىڭ, سەرگيسىڭ.
جۇسىپبەك قورعاسبەك,
جازۋشى, حالىقارالىق الاش سىيلىعىنىڭ لاۋرەاتى