ۇكىمەتتىڭ قاۋلىسىمەن ەرمەك امانتاي ۇلى الپىسوۆ ۇلتتىق ەكونوميكا ۆيتسە-ءمينيسترى لاۋازىمىنا تاعايىندالدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.
ە. الپىسوۆ 1971 جىلى سولتۇستىك قازاقستان وبلىسىندا دۇنيەگە كەلگەن. اباي اتىنداعى الماتى مەملەكەتتىك ۋنيۆەرسيتەتىن, ءى. جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىن تامامداعان.
ەڭبەك جولىن 1993 جىلى باستاعان. ءار جىلدارى كوممەرتسيالىق سەكتوردا قىزمەت ەتكەن.
2004–2008 جىلدارى — الماتى وبلىسىنىڭ اقسۋ اۋدانى اكىمىنىڭ ورىنباسارى. 2008–2012 جىلدارى — تالدىقورعان قالاسى اكىمىنىڭ ورىنباسارى. 2012–2015 جىلدارى — تالدىقورعان قالاسىنىڭ اكىمى لاۋازىمىن اتقارعان.
2015 جىلدان 2017 جىل ارالىعىندا — پرەزيدەنت اكىمشىلىگىنىڭ مەملەكەتتىك باقىلاۋ جانە ۇيىمداستىرۋشىلىق-اۋماقتىق جۇمىس ءبولىمىنىڭ مەملەكەتتىك ينسپەكتورى.
2017 جىلدان باستاپ قازىرگە دەيىن پرەزيدەنت اكىمشىلىگىنىڭ مەملەكەتتىك باقىلاۋ جانە ۇيىمداستىرۋشىلىق-اۋماقتىق جۇمىس ءبولىمى مەڭگەرۋشىسىنىڭ ورىنباسارى قىزمەتىن اتقاردى.