بەيسەنبى, 14 ماۋسىم 2012 7:20
يراكتاعى جارىلىس
يراكتىڭ وڭتۇستىگىندەگى ەل-حيللا قالاسىندا مينالانعان ەكىاۆتوموبيلدىڭ جارىلۋىنان ون ادام قازا تاپقان.
جارىلىس باعدادتان 100 شاقىرىم وڭتۇستىككە قاراي ورنالاسقان قالانىڭ مەيرامحانالارىنىڭ ءبىرىنىڭ جانىندا ورىن العان. قۇقىق قورعاۋ ورگاندارى قىزمەتكەرلەرىنىڭ حابارلاۋىنشا, 10 ادام قازا تاۋىپ, 30-دان استام ادام زارداپ شەككەن. قازىرگى ۋاقىتتا وقيعا جاعدايى انىقتالىپ, قازا بولعاندار مەن زارداپ شەككەندەر تۋرالى مالىمەتتەر ناقتىلانۋدا.
بەيسەنبى, 14 ماۋسىم 2012 7:20
يراكتاعى جارىلىس
يراكتىڭ وڭتۇستىگىندەگى ەل-حيللا قالاسىندا مينالانعان ەكىاۆتوموبيلدىڭ جارىلۋىنان ون ادام قازا تاپقان.
جارىلىس باعدادتان 100 شاقىرىم وڭتۇستىككە قاراي ورنالاسقان قالانىڭ مەيرامحانالارىنىڭ ءبىرىنىڭ جانىندا ورىن العان. قۇقىق قورعاۋ ورگاندارى قىزمەتكەرلەرىنىڭ حابارلاۋىنشا, 10 ادام قازا تاۋىپ, 30-دان استام ادام زارداپ شەككەن. قازىرگى ۋاقىتتا وقيعا جاعدايى انىقتالىپ, قازا بولعاندار مەن زارداپ شەككەندەر تۋرالى مالىمەتتەر ناقتىلانۋدا.
ءولدى دەگەندەرى ءتىرى بولىپ شىقتى
ءال-كادانىڭ ەكىنشى ادامى سانالاتىن, وتكەن اپتادا ولدى دەپ حابارلانعان ابۋ ياحي ال-ليبي بەينەۇندەۋ جازىپ جولداعان.
بەينەروليك يسلامدىق سايتتاردىڭ ءبىرىندە جاريالانعان كورىنەدى. ءال-ليبي راديكال يسلاميستەردى سيريا ۇكىمەتىنە قارسى سوعىس اشىپ جاتقان قارۋلى قۇرىلىمدارعا قولداۋ كورسەتۋگە شاقىرعان. ءبىز يرانداعى, يوردانياداعى جانە تۇركياداعى ءوز باۋىرلارىمىزدى سيرياداعى باۋىرلارىمىزعا كومەك كورسەتۋگە شاقىرامىز دەلىنگەن ۇندەۋدە. تەررورشىلاردىڭ رۋحاني كوسەمى سانالاتىن ءابۋ ياحي ءال-ليبي 2005 جىلى اۋعانستانداعى امەريكا تۇرمەسىنەن قاشىپ شىققان بولاتىن.
سيرياداعى جاعداي ۋشىعىپ تۇر
سيريادا بولىپ جاتقان وقيعالاردى تولىق سەنىممەن ازامات سوعىسى دەپايتۋعا بولادى.
بۇۇ باس حاتشىسىنىڭ بىتىمگەرشىلىك وپەراتسيالار ءجونىندەگى كومەكشىسى ەرۆە لادسۋس وسىلاي دەپ مالىمدەگەن. ونىڭ ايتۋىنشا, سوڭعى ۋاقىتتارى سيريادا ورىن العان كەڭ اۋقىمدى زورلىق-زومبىلىق وقيعالارى داۋ-جانجال تابيعاتىنىڭ وزگەرگەندىگىن كورسەتەدى. ءال-حەفف قالاسىنا بارا جاتقان بۇۇ بايقاۋشىلارىن اشۋلى توپ قورشاۋعا الىپ, ولاردى ءارى قاراي جىبەرمەي قويعان. سونداي-اق ادامدار بۇۇ ماشينالارىنا تاس پەن تەمىر-تەرسەك لاقتىرعان. سونىڭ سالدارىنان بايقاۋشىلار كەرى قايتۋعا ءماجبۇر بولعان كورىنەدى.
اتومدى سۇڭگۋىر قايىق جوبالانۋدا
يران اتومدى سۇڭگۋىر قايىعىن جوبالاۋ جۇمىستارىن باستادى.
ازىرگە جوبانىڭ جۇزەگە اسۋى «العاشقى قادامدار» ساتىسىندا تۇر, دەپ مالىمدەگەن ەلدىڭ اسكەري-تەڭىز كۇشتەرى كومانداشىلارىنىڭ ءبىرى ادميرال ابباس زاميني. ونىڭ ايتۋىنشا, بارلىق ەلدەردىڭ دە اتوم تەحنولوگيالارىن بەيبىت ماقساتتا پايدالانۋعا قۇقىلارى بار. ول يرانعا اتوم قوزعالتقىشى بار سۇڭگۋىر قايىقتار الىس قاشىقتىقتارعا ارنالعان ميسسيالارعا قاتىسۋ ءۇشىن كەرەك ەكەنىن اتاپ كورسەتكەن.
قىزىل كرەست وفيسىنە شابۋىل
حالىقارالىق قىزىل كرەست كوميتەتى ۇيىمنىڭ ليۆيانىڭ ميسرات قالاسىنداعى وفيسىندە جارىلىس بولعانىن حابارلاعان.
جارىلىس سالدارىنان ءبىر ادام زارداپ شەگىپ, عيماراتقا ەلەۋلى شىعىن كەلگەن. بۇل ليۆياداعى حالىقارالىق ميسسياعا جاسالىپ وتىرعان ەكىنشى شابۋىل. 11 ماۋسىمدا بەنگازي قالاسىندا قارۋلانعان توپ قۇرامىندا بريتان ديپلوماتتارى بار اۆتوكولونناعا شابۋىل جاساعان بولاتىن. وسى ورايدا ازامات سوعىسى اياقتالىپ, مۋاممار كاددافي تاقتان تايدىرىلعاننان كەيىن ەلدە قالعان كوپتەگەن قارۋلى توپتاردىڭ ورتالىق بيلىككە باعىنباي وتىرعانىن ايتا كەتۋ قاجەت.
مۇسىلمان ايەلدەرىن ەلگە وتكىزبەدى
كاتاردان فرانتسياعا ۇشىپ كەلگەن ساۋد ارابياسىنىڭ ءۇش ازاماتشاسىنا پارانجانى شەشۋگە كەلىسپەگەنى ءۇشىن ەلگە كىرۋگە تىيىم سالعان.
وقيعا ءپاريجدىڭ شارل دە گولل اتىنداعى اۋەجايىندا ورىن العان كورىنەدى. شەكارا پوليتسياسىنىڭ قىزمەتكەرى ايەلدەردەن پارانجانى شەشۋدى تالاپ ەتكەن, ال انالار بولسا, باس تارتقان. سونىڭ سالدارىنان ايەلدەردىڭ فرانتسياعا كىرۋىنە تىيىم سالىنىپ, ساۋديالىقتارعا كاتارعا كەيىن قايتۋعا تۋرا كەلگەن.
ۇيىم توراعاسى تبيليسيگە كەلدى
يرلانديانىڭ ۆيتسە-پرەمەرى, سىرتقى ىستەر جانە ساۋدا ءمينيسترى يمون گيلمور ەقىۇ توراعاسى رەتىندە تبيليسيگە ساپارمەن كەلدى.
ەقىۇ توراعاسى گرۋزيا سىرتقى ىستەر ءمينيسترى گريگول ۆاشادزەمەن كەزدەسىپ, كەڭ اۋقىمدى ماسەلەلەردى تالقىلاعان. ۆاشادزەنىڭ كەزدەسۋدەن كەيىن ايتۋىنا قاراعاندا, ولار وڭىردەگى احۋال, گرۋزين-رەسەي قارىم-قاتىناستارىنىڭ جاعدايى تۋرالى اڭگىمەلەسكەن. تاراپتار گرۋزيا مەن يرلانديا اراسىنداعى ەكىجاقتى قارىم-قاتىناستاردى ودان ءارى تەرەڭدەتە ءتۇسۋ مۇمكىندىكتەرىن, سول سياقتى گرۋزيانىڭ جانجالدى وڭىرلەرىندە قالىپتاسقان جاعدايدى تالقىلاعان.
حالىقارالىق احۋال تالقىلاندى
رەسەي سىرتقى ىستەر ءمينيسترى سەرگەي لاۆروۆ جۇمىس ساپارىمەن يرانعا كەلدى.
ول مۇندا تاياۋ شىعىس پەن سولتۇستىك افريكاداعى, سونىڭ ىشىندە سيرياداعى جاعدايدى, سول سياقتى يراننىڭ يادرولىق پروبلەماسىن تالقىلاماق. رەسەي سىرتقى ساياسات ۆەدومستۆوسىنىڭ اتاپ كورسەتۋىنشە, يراندا رەسەيدىڭ سيريا جونىندە حالىقارالىق كونفەرەنتسيا وتكىزۋ تۋرالى باستاماسى دا تالقىلانعان كورىنەدى. يراننىڭ قاتىسۋىنسىز سيريا باعىتىنا سىندارلى ىقپال ەتۋ مۇمكىندىگى تولىق دارەجەدە جۇزەگە اسا المايدى دەپ مالىمدەگەن رەسەي سىرتقى ىستەر مينيسترلىگى.
ينتەرنەت ماتەريالدارى نەگىزىندە ازىرلەندى.