سەيسەنبى, 12 ماۋسىم 2012 7:29
قازاقستان رەسپۋبليكاسىنىڭ قورعانىس ءمينيسترى ادىلبەك جاقسىبەكوۆ ارمەنيا رەسپۋبليكاسى مەن يتاليا رەسپۋبليكاسى قورعانىس مينيسترلەرىنىڭ شاقىرۋىمەن اتالعان مەملەكەتتەرگە رەسمي ساپارمەن بارىپ قايتتى, دەپ حابارلادى قورعانىس مينيسترلىگىنىڭ ءباسپاسوز قىزمەتى.
ارمەنيا رەسپۋبليكاسىنا جۇمىس ساپارى بارىسىندا قورعانىس ۆەدومستۆوسىنىڭ باسشىسى ارىپتەسى – قورعانىس ءمينيسترى گەنەرال-پولكوۆنيك س.وگانيانمەن جانە قاۋىپسىزدىك كەڭەسىنىڭ حاتشىسى ا.باگداساريانمەن كەزدەستى.
سەيسەنبى, 12 ماۋسىم 2012 7:29
قازاقستان رەسپۋبليكاسىنىڭ قورعانىس ءمينيسترى ادىلبەك جاقسىبەكوۆ ارمەنيا رەسپۋبليكاسى مەن يتاليا رەسپۋبليكاسى قورعانىس مينيسترلەرىنىڭ شاقىرۋىمەن اتالعان مەملەكەتتەرگە رەسمي ساپارمەن بارىپ قايتتى, دەپ حابارلادى قورعانىس مينيسترلىگىنىڭ ءباسپاسوز قىزمەتى.
ارمەنيا رەسپۋبليكاسىنا جۇمىس ساپارى بارىسىندا قورعانىس ۆەدومستۆوسىنىڭ باسشىسى ارىپتەسى – قورعانىس ءمينيسترى گەنەرال-پولكوۆنيك س.وگانيانمەن جانە قاۋىپسىزدىك كەڭەسىنىڭ حاتشىسى ا.باگداساريانمەن كەزدەستى.
كەزدەسۋ سوڭىندا قازاقستان رەسپۋبليكاسى ۇكىمەتى مەن ارمەنيا رەسپۋبليكاسى ۇكىمەتى اراسىندا اسكەري-تەحنيكالىق ىنتىماقتاستىق تۋرالى كەلىسىمدەرگە قول قويىلدى.
– ءبىزدىڭ مەملەكەت باسشىلارىنىڭ كۇش سالۋىنىڭ ارقاسىندا قازاقستان مەن ارمەنيا اراسىندا وڭ ساياسي ۇنقاتىسۋعا قول جەتكىزىلىپ وتىر, – دەدى ادىلبەك جاقسىبەكوۆ. – وعان كۋا رەتىندە بۇگىنگى ماڭىزى جوعارى قۇجاتتاردى ايتۋعا بولادى, بۇل ەكى جاقتى ىنتىماقتاستىقتىڭ بەلسەندىلىگىن ارتتىرۋدىڭ زاڭدى نەگىزىن سالماق جانە قورعانىس سالاسىنداعى قارىم-قاتىناستىڭ جاڭا كەزەڭىن اشپاق.
ءوز كەزەگىندە سەيران وگانيان ارمەنيا قازاقستانمەن اراداعى دوستىق قارىم-قاتىناستاردى جوعارى باعالايتىندىعىن جانە ونىڭ وڭىرلىك, الەمدىك قاۋىپسىزدىككە زور ۇلەس قوسىپ وتىرعاندىعىن اتاپ ءوتتى.
سول كۇنى قازاقستاندىق اسكەري دەلەگاتسياسى ارمەنيا رەسپۋبليكاسى قورعانىس مينيسترلىگىنىڭ اسكەري ينستيتۋتىن ارالادى. مۇندا وقۋ ورنىنىڭ كۋرسانتتارى جاۋىنگەرلىك كەزەكشىلىك پەن بىتىمگەرلىك قىزمەتتىڭ وقۋ-جاتتىعۋ ساباقتارىنان كورسەتىلىمدەر ۇسىندى. كەزدەسۋ بارىسىندا اسكەري ءبىلىم, اسكەري-تەحنيكالىق پەرسونالدى وقىتۋ جانە باسقا باعىتتاردى دامىتۋ تۋرالى ەكى جاقتى كەلىسىمدەرگە قول جەتكىزىلدى.
ريمدە قازاقستان رەسپۋبليكاسىنىڭ قورعانىس ءمينيسترى ادىلبەك جاقسىبەكوۆ يتاليانىڭ قورعانىس ءمينيسترى دجامپاولو دي پاولومەن كەزدەستى. كەزدەسۋ قورىتىندىسى بويىنشا قازاقستان رەسپۋبليكاسى ۇكىمەتى مەن يتاليا رەسپۋبليكاسى ۇكىمەتى اراسىندا اسكەري ىنتىماقتاستىق تۋرالى كەلىسىمگە قول قويىلدى.
كەزدەسۋ بارىسىندا يتاليا قورعانىس ۆەدومستۆوسى باسشىسى ءوز ەلىنىڭ قازاقستانمەن اسكەري جانە اسكەري-تەحنيكالىق ىنتىماقتاسۋىنا باسا نازار اۋداراتىندىعىن ايتتى. وعان دالەل رەتىندە يتاليا رەسپۋبليكاسى قورعانىس مينيسترلىگىنىڭ شەشىمىمەن قازاقستاندا اسكەري اتتاشات اشىلعاندىعى.
رەسمي ساپار بارىسىندا قازاقستاندىق اسكەري دەلەگاتسيا زاماناۋي قارۋ-جاراق پەن تەحنيكا شىعاراتىن يتاليالىق كومپانيالاردى ارالادى, حالىقارالىق بىتىمگەرلىك ميسسياعا قاتىسىپ جۇرگەن يتاليانىڭ اسكەري پوليتسيا وفيتسەرلەرى ۋچيليششەسىنىڭ تىنىس-تىرشىلىگىمەن تانىستى.
قازاقستان قورعانىس ۆەدومستۆوسى قىزمەتىندەگى ماڭىزدى باعىتتاردىڭ ءبىرى قارۋلى كۇشتەردىڭ بىتىمگەرلىك الەۋەتىن ارتتىرۋ بولىپ تابىلادى. قورعانىس ءمينيسترى يتاليالىق ارىپتەستەردى حالىقارالىق «دالا قىرانى» بىتىمگەرلىك جاتتىعۋىنا قاتىسۋعا شاقىردى.
سۋرەتتى تۇسىرگەن ەرمەك سارباسوۆ.