بەيسەنبى, 24 مامىر 2012 7:47
كەشە ەگيپەتتە پرەزيدەنتتىك سايلاۋدىڭ العاشقى تۋرى باستالدى. بۇل ەلدە سايلاۋ ەكى كۇن بويى جۇرگىزىلەدى. ەگەر ۇمىتكەرلەردىڭ ەشقايسىسى سايلاۋشىلار داۋىسىنىڭ 50 پايىزدان ارتىعىن الا الماسا, وندا ەكىنشى تۋر 16-17 ماۋسىمدا وتكىزىلەدى. ءسويتىپ, بيلىك اسكەريلەردەن ازاماتتىق تۇلعاعا ءوتۋى ءتيىس.
بەيسەنبى, 24 مامىر 2012 7:47
كەشە ەگيپەتتە پرەزيدەنتتىك سايلاۋدىڭ العاشقى تۋرى باستالدى. بۇل ەلدە سايلاۋ ەكى كۇن بويى جۇرگىزىلەدى. ەگەر ۇمىتكەرلەردىڭ ەشقايسىسى سايلاۋشىلار داۋىسىنىڭ 50 پايىزدان ارتىعىن الا الماسا, وندا ەكىنشى تۋر 16-17 ماۋسىمدا وتكىزىلەدى. ءسويتىپ, بيلىك اسكەريلەردەن ازاماتتىق تۇلعاعا ءوتۋى ءتيىس.
ساراپشىلار 13 ۇمىتكەردىڭ اراسىنان ەكى كانديداتتىڭ ءبىرىنىڭ ءوتۋى مۇمكىن دەپ وتىر. ولار: «مۇسىلمان-باۋىرلار» پارتياسىنىڭ وكىلى مۇحاممەد مۇرسي مەن اراب مەملەكەتتەرى ليگاسىنىڭ باس حاتشىسى ءامىر مۇسا. سوتتىڭ شەشىمىمەن 10 كانديدات دودادان شەتتەتىلدى. ولاردىڭ ىشىندە حوسني مۇباراكتىڭ تۇسىندا سىرتقى بارلاۋ قىزمەتىن باسقارعان ومار سۇلەيمەن دە بار.
وتىرعان مينيستر ورنىن تابادى
رەسەيدىڭ جاڭا ۇكىمەتى تولىق جاساقتالىپ, ول بۇرىنعىمەن سالىستىرعاندا تورتتەن ۇشكە جاڭاردى. بىراق بۇرىنعى مينيسترلەردىڭ كوبى دالادا قالماي, پرەزيدەنت ۆ.پۋتين اكىمشىلىگى تاراپىنان «قامقورلىققا» الىنىپ, جاڭا قىزمەتتەردىڭ تۇتقاسىن ۇستادى.
اتاپ ايتقاندا, تاتيانا گوليكوۆا, ەلۆيرا نابيۋللينا, اندرەي فۋرسەنكو پرەزيدەنت ۆ.ءپۋتيننىڭ كومەكشىلەرى, يگور لەۆيتين كەڭەسشىسى قىزمەتتەرىنە تاعايىندالدى. بۇرىنعى ىشكى ىستەر ءمينيسترى راشيد نۇرعاليەۆ قاۋىپسىزدىك كەڭەسى حاتشىسىنىڭ ورىنباسارى ورىنتاعىنا وتىردى. بۇرىن بۇلاردىڭ ىشىندە گوليكوۆا, فۋرسەنكو, لەۆيتيننىڭ باسى اڭگىمەگە قاتتى ىلىگىپ, تالاي قايراتكەرلەر ولاردىڭ قىزمەتتەرىنەن كەتكەنىن قالاپ جۇرگەن بولاتىن.
ءارتاراپتاندىرۋ دەپ وسىنى ايت
تۇركىمەنستان باسشىلىعى ءۇندىستان مەن پاكستانعا اۋعانستان ارقىلى گاز جەتكىزۋ كەلىسىم-شارتىنا قول قويدى. «تۇركىمەنستان-اۋعانستان-پاكستان-ءۇندىستان» دەپ اتالاتىن گاز قۇبىرىنىڭ ۇزىندىعى 1700 شاقىرىمدى قۇرايدى. ونىڭ بويىمەن كۇن سايىن 90 ملن. تەكشە مەتر گاز ايدالادى دەپ جوسپارلانۋدا.
سونىڭ 14 ملن. تەكشە مەترىن – اۋعانستان, ال 38 ملن. تەكشە مەترىن پاكستان مەن ءۇندىستان الاتىن بولادى. كەلىسىم-شارت بويىنشا گاز پاكستانعا – 2016 جىلدان, ۇندىستانعا 2018 جىلدان باستاپ جەتكىزىلەدى. قۇبىر گاز قورى 13,1-21,2 ترلن. تەكشە مەتر دەپ بارلانعان گالكىنىش كەن ورنىنان تارتىلادى. ءسويتىپ, گازىن بۇرىن رەسەي مەن قىتايعا عانا ساتىپ كەلگەن ەل ەندى ساۋدا اۋقىمىن وسىلايشا كەڭەيتپەك.
رادياتسيا قالىپتاعىدان جوعارى ەمەس
دۇنيەجۇزىلىك دەنساۋلىق ساقتاۋ ۇيىمىنىڭ (ددۇ) تەكسەرۋلەرىنە قاراعاندا, جاپونياداعى «فۋكۋسيما-1» اەس جارىلىسى ايماعىنداعى رادياتسيانىڭ قاۋپى قالىپتاعىدان جوعارى ەمەس. بۇل تۋرالى ۇيىمنىڭ وسىندا جاساعان بايانداماسىندا جاريا ەتىلدى.
تەك ەكى جەردە عانا رادياتسيا قاۋپى بەلگىلەنگەن نورمادان جوعارى ەكەندىگى بەلگىلى بولىپ وتىر. ارينە, تەكسەرىس اەس-ءتىڭ ىشىنە جاسالعان جوق, ونداعى رادياتسيا دوزاسىنىڭ قاۋىپتى ەكەندىگى ءسوزسىز. جاپونيا ۇكىمەتى اەس-ءتىڭ اينالاسىنداعى راديۋسى 20 شاقىرىم ايماقتى 10 جىلعا دەيىن پايدالانۋعا بولمايدى دەپ شەشكەن جانە ەلسىز تەرريتوريا دەپ جاريالاعان. تەكسەرىس وسى اۋماقتىڭ سىرتىندا جۇرگىزىلگەن.
ۇكىمەت جوسپارىنا جاپپاي نارازىلىق
يسپانيادا ەلدەگى بەس كاسىپوداقتىڭ ۇيىمداستىرۋىمەن ۇكىمەتتىڭ ءبىلىم بەرۋ شىعىندارىن ازايتۋىنا قارسى وسى سالانىڭ قىزمەتكەرلەرى مەن ستۋدەنتتەرىنىڭ جويقىن ەرەۋىلى باستالدى.
وعان ءبىلىم بەرۋ سالاسىنىڭ 1 ملن.-عا جۋىق قىزمەتكەرلەرى جانە 7,5 ملن. ستۋدەنت قاتىسۋدا. «بيلىكتىڭ ءبىلىم بەرۋ سالاسىنىڭ شىعىندارىن ازايتۋ ارەكەتىنەن كەيىن 100 مىڭ جۇمىس ورنى قىسقارادى. ءبىز بۇعان جول بەرمەيمىز», دەيدى ەرەۋىلگە قاتىسۋشىلار. ەرەۋىل ەل استاناسىمەن قاتار, بىرنەشە ءىرى قالالاردا وتەدى.
بارلاۋشى ۇشاعى اپاتقا ۇشىرادى
كەشە چەحيادا رەسەيدىڭ تاعى ءبىر ۇشاعى اپاتقا ۇشىراپ, 23 ادام زارداپ شەكتى. ان-30 دەپ اتالاتىن بۇل ۇشاق بارلاۋشىلىق ماقساتپەن ناتو ەلدەرى اسپانىندا ەكىجاقتى كەلىسىم-شارتقا سايكەس ۇشىپ جۇرگەن بولاتىن. ونىڭ بورتىندا 14 رەسەيلىك جانە 9 چەح وفيتسەرلەرى بولعان.
الدىن الا مالىمەتتەرگە قاراعاندا, چاسلاۆ قالاسىنداعى اۋەجايعا اپاتتى جاعدايدا قونۋ كەزىندە ۇشاقتىڭ الدىڭعى ءشاسسيى اشىلماي قالىپ, ول جەر سۇزگەن. سونىڭ كەسىرىنەن شىققان وتتان ۇشاق ورتەنگەن. قازىر 19 ادامنىڭ جاعدايى وتە اۋىر دەپ باعالانۋدا. ايتا كەتەتىن ءجايت, كەلىسىم-شارتقا سايكەس ناتو ۇشاقتارى دا رەسەيدىڭ اسپانىندا ۇشۋ قۇقىنا يە.
قىسقا قايىرىپ ايتقاندا:
بۇۇ-نىڭ سيرياداعى حالىقارالىق بايقاۋشىلارى كەشە تۇڭعىش رەت بيلىك پەن وپپوزيتسيا اراسىنداعى كەلىسسوزگە دەلدالدىق جاسادى. ناتيجەسىندە, بيلىكتىڭ تانكىسى وپپوزيتسيانىڭ قولعا ءتۇسكەن ەكى بەلسەندىسىنە الماستىرىلدى.
تاجىكستان اۋماعىندا وزبەكستان پرەزيدەنتى ي.كاريموۆتى قارالاپ جازعان ەكى كىتاپ تاراتىلۋدا. وندا پرەزيدەنت پەن ونىڭ وتباسىنىڭ «قىلمىستارى» اشكەرەلەنسە كەرەك. كىتاپ اۆتورىنىڭ كىم ەكەنى بەلگىسىز.
اقش كونگرەسى بيۋدجەت باسقارماسىنىڭ دەرەكتەرىنە قاراعاندا, كەلەسى جىلدىڭ العاشقى جارتىسىندا امەريكا ەكونوميكاسى 1,3 پايىزعا تومەندەيدى.
نەمىستىڭ 16 جاستاعى وقۋشىسى شاۋريا راي درەزدەندە ءوتكەن وليمپياداعا قاتىسىپ, ماتەماتيكانىڭ ەكى كۇردەلى ەسەبىن شەشكەن. قازىر عالىمدار ونى كلاسسيكالىق مەحانيكا بويىنشا اشىلعان جاڭالىققا بالاپ وتىر.
كەشە رەسەيدىڭ پلەسەتسك عارىش ايلاعىندا قاتتى وتىندى جاڭا قۇرىلىقارالىق بالليستيكالىق زىمىران ۇشىرىلدى. بىلتىرعى قىركۇيەك ايىندا ۇشىرىلماق بولعان وسىنداي زىمىران اپاتقا ۇشىراعان ەدى.
ينتەرنەت ماتەريالدارى نەگىزىندە ازىرلەندى.