سارسەنبى, 23 مامىر 2012 7:09
كەلىسسوزدەردە ىلگەرىلەۋشىلىك بار
ماگاتە باسشىسى يۋكيا امانو يراننىڭ يادرولىق نىساندارىنينسپەكتسيالاۋ جونىندە تەگەرانمەن كەلىسىمگە كەلگەنىن حابارلادى.
ونىڭ ايتۋىنشا, ءتيىستى قۇجاتقا تاياۋ ۋاقىتتاردا قول قويىلاتىن بولادى. سونىمەن بىرگە, ول كەيبىر جايتتەرگە قاتىستى جۇمىس جۇرگىزۋگە تۋرا كەلەتىنىن, بىراق ولاردىڭ ءپرينتسيپتى ەمەس ەكەنىن ايتقان. حالىقارالىق ساراپشىلاردىڭ پايىمداۋىنشا, ماگاتە مەن يران اراسىنداعى كەلىسسوزدەردە پروگرەسكە قول جەتكىزۋ 23 مامىردا باعدادتا وتەتىن يران دەلەگاتسياسىنىڭ «5 پليۋس 1» توبى وكىلدەرىمەن كەزدەسۋىنە وڭ اسەرىن تيگىزبەك.
سارسەنبى, 23 مامىر 2012 7:09
كەلىسسوزدەردە ىلگەرىلەۋشىلىك بار
ماگاتە باسشىسى يۋكيا امانو يراننىڭ يادرولىق نىساندارىنينسپەكتسيالاۋ جونىندە تەگەرانمەن كەلىسىمگە كەلگەنىن حابارلادى.
ونىڭ ايتۋىنشا, ءتيىستى قۇجاتقا تاياۋ ۋاقىتتاردا قول قويىلاتىن بولادى. سونىمەن بىرگە, ول كەيبىر جايتتەرگە قاتىستى جۇمىس جۇرگىزۋگە تۋرا كەلەتىنىن, بىراق ولاردىڭ ءپرينتسيپتى ەمەس ەكەنىن ايتقان. حالىقارالىق ساراپشىلاردىڭ پايىمداۋىنشا, ماگاتە مەن يران اراسىنداعى كەلىسسوزدەردە پروگرەسكە قول جەتكىزۋ 23 مامىردا باعدادتا وتەتىن يران دەلەگاتسياسىنىڭ «5 پليۋس 1» توبى وكىلدەرىمەن كەزدەسۋىنە وڭ اسەرىن تيگىزبەك.
گرۋزيا ناتو-عا قاشان وتەدى؟
گرۋزيا پرەزيدەنتى ميحايل سااكاشۆيلي ءوز ەلىنىڭ 2014 جىلى ناتو-عا مۇشەلىككە وتەتىنىنە سەنىمدى.
ول چيكاگودا وتكەن ناتو سامميتىندە وسىنداي مالىمدەمە جاساعان. بولجام بويىنشا كەلەسى سامميت 2014 جىلى وتەدى, وسى ورايدا گرۋزيانىڭ ءۇش بالكان ەلىمەن بىرگە اليانستىڭ تولىق قۇقىلى مۇشەسى بولۋ مۇمكىندىگى زور دەپ اتاپ كورسەتكەن ول. چيكاگوداعى سامميتتە قابىلدانعان دەكلاراتسيادا گرۋزيانىڭ «اليانستىڭ اسپيرانتى» بولىپ تابىلاتىنى, ونىڭ مىندەتتى تۇردە ۇيىمعا مۇشەلىككە وتەتىنى اتاپ كورسەتىلگەن.
اسكەري شەرۋ وتپەيتىن بولدى
يەمەننىڭ استاناسى – سانادا ەلدىڭ بىرىگۋىنىڭ جىلدىعىنا ارنالىپ وتۋگە ءتيىس اسكەري شەرۋدەن باس تارتۋعا تۋرا كەلدى.
وعان ونىڭ الدىندا ورىن العان تەررورلىق اكت سەبەپ بولعان. دەگەنمەن, ەل استاناسىندا سالتاناتتى ءىس-شارالار سيمۆولدىق تۇردە وتەتىن كورىنەدى. سالتاناتتى ءىس-شاراعا ەل پرەزيدەنتى ابد راببو حادي قاتىساتىن بولادى. وسى ورايدا سانادا اسكەري كيىم كيگەن جانكەشتى تەررورشىنىڭ اسكەري قىزمەتشىلەر كولوناسىنا ءوتىپ كەتىپ, ەلدىڭ ورتالىق قاۋىپسىزدىك كۇشتەرىنىڭ شتاب-پاتەرى الدىندا ءوزىن جارىپ جىبەرگەنىن ايتا كەتۋ قاجەت.
ەڭ بيىك تەلەمۇنارا اشىلدى
توكيودا الەمدەگى ەڭ بيىك كوممۋنيكاتسيالىق عيمارات بولىپ تابىلاتىن تەلەمۇنارا سالتاناتتى تۇردە اشىلدى.
مۇنارانىڭ بيىكتىگى 634 مەتردى قۇرايدى. العاشقى كۇنى ونى كورۋگە شامامەن 200 مىڭ ادام كەلەدى دەپ كۇتىلۋدە. تەلەمۇنارادا ەكى باقىلاۋ الاڭقايى ورنالاسقان. رەستوراندار مەن وفيستىك ورىن-جايلار دا وسىندا ورىن تەبەتىن بولادى. شىنىدان جاسالعان ەدەن مۇنارا استىندا بىرنەشە جۇزدەگەن مەتر جەردەگىلەردىڭ ءبارىن دە كورۋگە مۇمكىندىك بەرەدى ەكەن.
ليۆانداعى احۋالعا الاڭداۋلى
بۇۇ باس حاتشىسى پان گي مۋن ليۆانداعى احۋالدىڭ ناشارلاي ءتۇسۋى مۇمكىن ەكەندىگىن ەسكەرتتى.
اتاپ ايتقاندا, پان گي مۋن سيريامەن كورشىلەس ليۆانداعى جاعدايدىڭ شيەلەنىسە تۇسۋىنە الاڭداۋلى. قازىردىڭ وزىندە ەلدە سيريا پرەزيدەنتى باشار اسادتى جاقتاۋشىلار مەن وعان قارسىلاستار اراسىندا بىرنەشە قاقتىعىستار بولدى. جاقىندا ليۆاننىڭ تاۋلى اۋدانى اككارداعى اسكەري بلوكپوستىلاردىڭ بىرىندە ورىن العان وقيعا سالدارىنان سۋنيتتىك ءدىني قايراتكەر مەن ونىڭ كومەكشىسى قازا تاۋىپ, ءبىر اسكەري قىزمەتشى جاراقات الدى.
ۇندىستانداعى تەمىر جول اپاتى
ءۇندىستاننىڭ وڭتۇستىك-شىعىسىندا ءىرى تەمىر جول اپاتى ورىن الدى.
اندحرا-پرادەش شتاتىنداعى انانتاپۋر وكرۋگىندە جولاۋشىلار پويىزى جۇك پويىزىمەن سوقتىعىسقان. توتەنشە جاعداي سالدارىنان 25 ادام قازا تاۋىپ, 50-دەن استام ادام زارداپ شەككەن كورىنەدى. قازا تاپقانداردىڭ اراسىندا ايەلدەر مەن بالالار دا بار. قازىر اپات ورنىندا قۇتقارۋشىلار جۇمىس ىستەۋدە. كەيبىر مالىمەتتەرگە قاراعاندا, قۇربان بولعاندار سانىنىڭ وسە ءتۇسۋى دە مۇمكىن.
جۇرتتى اۋرەگە سالعان ۇشقىش
ءيزرايلدىڭ سولتۇستىك-شىعىسىنداعى تۆەريا قالاسىندا قورقىنىشتى ءارى ايرىقشا وقيعا بولعان.
21 مامىر كۇنى قۇتقارۋشىلار اتالعان ورىندا جەڭىل موتورلى ۇشاقتىڭ اپاتقا ۇشىراعانى تۋرالى حابار الادى. كەيىن ۇشاقتىڭ امان قالعانى, ونىڭ ءوز ەركىمەن ساۋدا كەشەنى جانىنا كەلىپ قونعانى بەلگىلى بولادى. اۋەلدە پوليتسيا اۋە كەمەسى ءماجبۇرلى تۇردە قوندى دەپ مالىمدەگەن. سويتسە, ۇشقىشتىڭ ايتۋىنشا ەشقانداي اقاۋ بولماعان. ول بار بولعانى دەمالىپ جانە ءبىر شاشكە كوفە ءىشۋ ءۇشىن عانا قونعان كورىنەدى.
بولگارياداعى جەر سىلكىنىسى
بولگاريانىڭ استاناسى سوفياعا تاياۋ جەردە 5,6 بالدىق جەر سىلكىنىسى بولدى.
جەرگىلىكتى ۋاقىت بويىنشا 03:00 مينۋتتا باستالعان جەر استى دۇمپۋلەرى بۇكىل ەل بويىنشا سەزىلگەن كورىنەدى. اقش-تىڭ گەولوگيالىق قىزمەتىنىڭ حابارلاۋىنشا, ءزىلزالانىڭ ەپيتسەنترى سوفيادان باتىسقا قاراي 24 شاقىرىم جەردە بولعان. قۇربان بولعاندار مەن زارداپ شەككەندەر تۋرال ازىرگە مالىمەتتەر جوق. كوپتەگەن قالا تۇرعىندارى ءوز ۇيلەرىنە بارۋدان قورقىپ, كوشەلەردە جۇرگەن كورىنەدى.
ينتەرنەت ماتەريالدارى نەگىزىندە ازىرلەندى.