سارسەنبى, 16 مامىر 2012 8:04
قاماۋعا الىنعان موڭعوليانىڭ بۇرىنعى پرەزيدەنتى نامبارىن ەنحباياردى كەپىل رەتىندە تۇتقىننان بوساتتى. ول وسى جىلدىڭ 13 ساۋىرىندە جەمقورلىققا سالىنعان دەگەن كۇدىكپەن قاماۋعا الىنعان ەدى.
اقپارات كوزدەرىنە قاراعاندا, موڭعوليا بيلىگى ەكس-پرەزيدەنتكە ول پرەزيدەنت بولعان كەزدە مەملەكەتتىك اكتيۆتەردى زاڭسىز پايدالاندى دەپ ايىپتايدى. ال ونىڭ جاقتاستارى ن.ەنحبايارعا تاعىلعان ايىپ نەگىزسىز, قاماۋعا الىنۋىنا استارىندا شىلدەدە وتەتىن پارلامەنت سايلاۋى سەبەپ بولىپ وتىر دەيدى. سايلاۋعا ەكس-پرەزيدەنت جەتەكشىلىك ەتەتىن موڭعوليا حالىق توڭكەرىسى پارتياسى دا قاتىسۋعا نيەت بىلدىرگەن كورىنەدى.
سارسەنبى, 16 مامىر 2012 8:04
قاماۋعا الىنعان موڭعوليانىڭ بۇرىنعى پرەزيدەنتى نامبارىن ەنحباياردى كەپىل رەتىندە تۇتقىننان بوساتتى. ول وسى جىلدىڭ 13 ساۋىرىندە جەمقورلىققا سالىنعان دەگەن كۇدىكپەن قاماۋعا الىنعان ەدى.
اقپارات كوزدەرىنە قاراعاندا, موڭعوليا بيلىگى ەكس-پرەزيدەنتكە ول پرەزيدەنت بولعان كەزدە مەملەكەتتىك اكتيۆتەردى زاڭسىز پايدالاندى دەپ ايىپتايدى. ال ونىڭ جاقتاستارى ن.ەنحبايارعا تاعىلعان ايىپ نەگىزسىز, قاماۋعا الىنۋىنا استارىندا شىلدەدە وتەتىن پارلامەنت سايلاۋى سەبەپ بولىپ وتىر دەيدى. سايلاۋعا ەكس-پرەزيدەنت جەتەكشىلىك ەتەتىن موڭعوليا حالىق توڭكەرىسى پارتياسى دا قاتىسۋعا نيەت بىلدىرگەن كورىنەدى.
سايلانعان پرەزيدەنت انت بەردى
كەشە ەليسەي سارايىنىڭ الاڭىندا فرانتسيانىڭ سايلانعان پرەزيدەنتى فرانسۋا وللاند فرانتسۋز حالقىنا انت بەردى. سايلاۋدا ول نيكوليا ساركوزيمەن پرەزيدەنتتىك باسەكەگە تۇسكەن بولاتىن.
«فرانس-پرەسس» اگەنتتىگىنىڭ حابارلاۋىنشا, ۇلىقتاۋ سالتاناتىنا ەكس-پرەزيدەنت نيكوليا ساركوزي دە قاتىسقان جانە ول بيلىكتى سايلانعان پرەزيدەنتكە تاپسىرعان. فرانسۋا وللاند سوڭعى 17 جىلدا سوتسياليستەردەن سايلانعان العاشقى پرەزيدەنت بولىپ وتىر. ساياساتتانۋشىلاردىڭ پىكىرىنشە, ف.وللاندتىڭ پرەزيدەنتتىك سايلاۋدا جەڭىسكە جەتۋى, ونىڭ جەكە باسىنىڭ تانىمالدىعىندا ەمەس, بۇرىنعى پرەزيدەنت ن.ساركوزيدىڭ بىرقاتار ەكونوميكالىق قاتەلىكتەر جىبەرۋىندە جاتىر.
80 پايىزعا جاڭارتىلۋى مۇمكىن
رەسەي پرەمەر-ءمينيسترى دميتري مەدۆەدەۆ پرەزيدەنت ۆلاديمير پۋتينگە ۇكىمەتتىڭ قۇرىلىمى جانە ۇكىمەتتىڭ جاڭا قۇرامى جونىندە ۇسىنىسپەن شىقتى.
«ينتەرفاكس» اگەنتتىگىنىڭ اقپاراتتارى بويىنشا, پرەمەر-مينيستر ۇكىمەت مۇشەلىگىنە كانديداتتاردىڭ بارلىعىمەن كەزدەسۋ وتكىزگەن. سونداي-اق ول پارلامەنتتىك فراكتسيامەن بولعان كەزدەسۋدە مينيسترلەر كابينەتى 80 پايىزعا جاڭارتىلاتىنىن مالىمدەگەن ەدى. سوڭعى اپتالاردا رەسەي ۇكىمەتىنىڭ قۇرامىنا بىرقاتار جاڭا تۇلعالاردىڭ كەلۋى سونى اڭعارتادى.
ەكس-ءمينيستردىڭ ءولى دەنەسى تابىلدى
وزبەكستان استاناسى – تاشكەنتتە ەلدىڭ بۇرىنعى مادەنيەت جانە سپورت ءمينيسترى انۆار جابباروۆتىڭ ءولى دەنەسى تابىلعان. بۇل تۋرالى جەرگىلىكتى «راديو سۆوبودا» حابارلادى.
اتالعان راديوستانسانىڭ مالىمەتتەرى بويىنشا, پىشاق جاراقاتتارى بار جابباروۆتىڭ دەنەسى كوپ قاباتتى ءۇيدىڭ جەرتولەسىنەن تابىلعان. كەيبىر اقپاراتتارعا قاراعاندا, مارقۇمنىڭ ءمايىتى قالاداعى فيرمالاردىڭ ءبىرىنىڭ وفيسىندە جاتقان. ال جابباروۆ 8 مامىردا ءىز-ءتۇزسىز جوعالعان كورىنەدى. ونىڭ ءولىمى جابباروۆتىڭ قاشقارداريا وبلىسىنداعى جەرلەستەرىنەن كەلدى دەگەن بولجامدار ايتىلۋدا.
اقش تاراپىنىڭ قىسىمىمەن
ءۇندىستان 2012-2013 قارجى جىلدارى يراننان مۇناي ساتىپ الۋدى 11 پايىزعا قىسقارتادى. مۇنى ءۇندىستان مۇناي ءمينيسترىنىڭ ورىنباسارى دجارمەندر پرادحان حابارلادى.
رەسمي نيۋ-دەلي وسىنداي شەشىمگە اقش تاراپىنىڭ قىسىمىمەن كەلىپ وتىرعان سياقتى. ويتكەنى, وتكەن اپتادا اقش-تىڭ مەملەكەتتىك حاتشىسى حيللاري كلينتون ءۇندىستانعا بارىپ قايتقان ەدى. بۇل ەل 2011-2012 جىلدارى يراننان 10,9 ميلليارد دوللاردى قۇرايتىن 17,44 ميلليون توننا مۇناي ساتىپ الىپتى. ەندى ونىڭ كولەمى ەداۋىر قىسقاراتىن بولدى.
بيلىك كەك الماققا ۋادە بەردى
مەكسيكا وكىمەتى دەنەلەرى نۋەۆو-لەون شتاتىندا تابىلعان 49 ادامنىڭ ءولتىرىلۋىن قاتاڭ ايىپتاپ وتىر.
مەملەكەت قاۋىپسىزدىكتىڭ ۇلتتىق ستراتەگياسىن ىسكە قوسا وتىرىپ, قىلمىستىق توپتاردىڭ قاتىگەز ءىس-ارەكەتتەرىنە جاۋاپ بەرەدى, دەپ مالىمدەگەن ەلدىڭ باس پروكۋراتۋراسى. مالىمدەمەدە قىلمىسكەرلەردىڭ جازالاۋسىز قالمايتىندىعى دا اتاپ كورسەتىلگەن. ازىرگە قازا بولعانداردىڭ كىم ەكەندىگى انىقتالعان جوق. وكىمەت ورىن العان قايعىلى وقيعانى ناركوكارتەلدەر اراسىنداعى كۇرەسپەن بايلانىستىرىپ وتىر. ءسوز رەتىندە بولشەكتەنىپ تاستالعان دەنە مۇشەلەرىنىڭ اقش-پەن شەكاراعا جاقىن جەردەگى كۇرەجول بويىندا تابىلعانىن دا ايتا كەتۋ كەرەك. قازىر اۆتوجول جابىلىپ, تەرگەۋ جۇمىستارى جۇرۋدە.
ينتەرنەت ماتەريالدارى نەگىزىندە ازىرلەندى.