تۇڭعىش رەت سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ باستاماسىمەن جوعارعى سوتتىڭ الاڭىندا, سىبايلاس جەمقورلىق قىلمىستارى بويىنشا قىلمىستىق سوت ءىسىن جۇرگىزۋدەگى كوكەيتەستى ماسەلەلەر تالقىلاۋ بويىنشا «دوڭگەلەك ۇستەل» ۇيىمداستىرىلدى. بۇل تۋرالى kyzmet.gov.kz حابارلادى.
اتالمىش شارا اياسىندا ورتاق ماقساتتى جۇزەگە اسىرۋ كوزدەلگەن, ياعني زاڭنىڭ ۇستەمدىك قۇرۋىن قامتاماسىز ەتۋ.
سوت كورپۋسى مەن ۇلتتىق بيۋرو ازاماتتاردىڭ كونستيتۋتسيالىق قۇقىقتارى مەن زاڭدى مۇددەلەرىن مۇلتىكسىز ساقتاۋعا مۇددەلى ەكەندىگى ايتىلدى جانە ولاردىڭ قىلمىستىق پروتسەسسكە زاڭسىز تارتۋ فاكتىلەرىن بولدىرماۋدى كوزدەيتىندىگى ءسوز بولدى.
پىكىرتالاس بارىسىندا قۇقىق قولدانۋ تاجىريبەسى توڭىرەگىندەگى وزەكتى سۇراقتار دا تالقىلانعان بولاتىن.
دوڭگەلەك ۇستەلدىڭ قورىتىندىسى بويىنشا ايتىلعان ۇسىنىمداردىڭ بارلىعى ازاماتتاردىڭ قۇقىقتارىن جانە مەملەكەت مۇددەسىن ءتيىمدى قورعاۋعا ىقپال ەتپەك.