قازاقتىڭ قۇشاعىنا سىيىپ كەتتىك

ءىس-شاراعا پرەزيدەنت اكىم­شى­لىگىنىڭ قىزمەتكەرلەرى, قحا-دان سايلانعان پارلامەنت ءماجى­لى­سىنىڭ دەپۋتاتتارى, ەتنوما­دەني بىر­لەستىكتەردىڭ وكىلدەرى, «جاڭ­عىرۋ جولى» جاستار قوزعالى­سىنىڭ بەلسەندىلەرى, قوعام قاي­راتكەرلەرى, ەلوردا تۇرعىندارى مەن قوناقتارى قاتىستى. 

گۇل قويۋ شاراسىنا ارنالعان جيىندى ءماجىلىس توراعاسىنىڭ ورىنباسارى ۆلاديمير بوجكو اشىپ, بۇل كۇننىڭ تاريحي جانە ساياسي ماڭىزىنا توقتالىپ ءوتتى. 

ال استانا قالاسى اكىمى­نىڭ ورىن­باسارى نۇرلان نۇر­كەنوۆ مەرە­كەلىك شاراعا جينال­عان­داردى ايتۋلى مەرەكەمەن قۇت­تىقتادى. 

– جەر اۋدارۋدىڭ قورقى­نىش­تى جىلدارىن باستان كەش­كەن جانە قازاقستاندى جاڭا وتان تۇتقان ادامدارعا قۇر­مەت رەتىندە بۇل كۇن بارلىق قازاقستاندىقتاردىڭ جادىندا قالادى. سول كەزدە ەركىنەن تىس بىرنەشە ەتنوس وكىلدەرى قازاق دالاسىنا جەر اۋدارىلدى. قازاق دالاسى قانشالىقتى كەڭ بولسا, حالىقتىڭ رۋحى دا سونشالىقتى دارحان. جەر اۋدارىلعان حا­لىق­قا زور ىقىلاس, كومەك جانە قام­قورلىق كورسەتتى. قازاقستاندى ءوز ءۇيى سانايتىن ادامداردىڭ ۇرپاعى ءوستى. ۇلكەندەرگە ءوز ەتنوسىنىڭ داس­تۇرلەرىن قولداۋ جانە باسقا حا­لىقتاردىڭ مادەنيەتىن سىي­لاعانى ءۇشىن العىس ايتامىن, – دەدى ن.نۇركەنوۆ.

مەرەكەلىك شارا كەزىندە, سون­داي-اق استانا قالاسى كورەي ەت­نو­مادەني بىرلەستىگى تور­اعاسىنىڭ ورىنباسارى روزا پاك قۋعىن-سۇرگىن كەزىندە قازاقستان اۋما­عىنا جەر اۋدارىلعان ءتۇرلى ەتنوس وكىلدەرىنە پانا بولىپ, مەيى­رىمدىلىك تانىتقان قازاق حالقىنا ريزاشىلىعىن ءبىلدىردى. 

– بۇگىن ءبىز ءۇشىن تولعانىسقا تولى كۇن. ءبىز گۇل شوقتارىن قويىپ, سول جىلدارى كوپتەگەن حالىق­تى قۇشاق جايا قارسى العا­نى ءۇشىن قازاق جەرىنە تاعى دا العىس ايتامىز. مەنىڭ انام وتكەن جىلى 100 جاسقا تولدى. بۇگىن ول قازاق حالقىنىڭ مەيى­رىمدىلىگى مەن كو­مەگىن, بىزگە جاڭا ءۇي, وتاندى تا­بۋعا قالاي كو­مەكتەسكەنىن ك ۇلىم­سىرەپ, تەرەڭ قۇرمەتپەن ەسكە الادى. ءبىز وركەندەۋ مەن مۇمكىندىك­تەرگە تولى تاتۋ ەلدە ءومىر ءسۇرىپ جات­­قا­نىمىزعا زور راحمەت ايتامىز, – دەپ روزا پاك ءوز اسەرىمەن ءبولىستى.

ءىس-شارا بارىسىندا قا­زاق­­ستان حالقى اسسامبلەيا­سىنىڭ «جاڭ­عىرۋ جولى» رەسپۋب­ليكالىق جاس­تار قوزعالىسىنىڭ بەلسەندىلەرى العىس ايتۋ كۇنىنە ارناپ دايىن­داعان ادەبي كومپوزيتسياسىن ۇسىندى.

جالپى, العىس ايتۋ كۇنىن مەرەكەلەۋ اياسىندا ەلىمىزدە 4 مىڭعا تارتا ەلدى مەكەندە 1570-كە جۋىق ءارتۇرلى مادەني-كوپشىلىك جانە قا­يىرىمدىلىق ءىس-شاراسىن وت­كىزۋ جوسپارلانعان. ولارعا 1,4 ملن-نان استام ادام قاتىسادى دەپ كۇتىلۋدە. ەلىمىز بويىنشا «قازاق ەلى­نە مىڭ العىس!» مونۋمەنتتەرى ال­ماتى, باتىس قازاقستان, جام­بىل, اتىراۋ, اقتوبە وبلىستارى مەن استانا جانە شىمكەنت قالا­لارىندا بوي كوتەرگەن. 

التىناي قاناتقىزى