– بۇگىندە «نۇر وتان» پارتياسى ەلىمىزدىڭ الەۋمەتتىك-ەكونوميكالىق تۇرعىدان ءوسىپ-وركەندەۋىنە ەلەۋلى ۇلەس قوسىپ, ۇلكەن ساياسي كۇشكە اينالدى. پارتيانىڭ كەزەكتى سەزىندە قوعامداعى ەڭ وزەكتى ماسەلەلەر ايتىلىپ, پرەزيدەنت نۇرسۇلتان نازارباەۆ الەۋمەتتىك ماسەلەلەردى شەشۋ مىندەتتەرىن ايقىنداپ بەردى.
سەزدە 2030 جىلعا دەيىنگى 10 باعىتتان تۇراتىن جاڭا باعدارلاما قابىلداندى. بۇل باعدارلاما حالىقتىڭ الەۋمەتتىك, ەكونوميكالىق احۋالىن كوتەرۋگە باعىتتالعان. بۇعان قاجەتتى قارجى بولىنەدى. حالىقتىڭ ءومىر ءسۇرۋ دەڭگەيىن جاقسارتۋ ەلدەگى بارلىق ماسەلەلەردىڭ وڭ شەشىمىن تابۋعا وڭ اسەرىن تيگىزەدى. بيىلعى جىلدىڭ شىلدەسىنەن باستاپ مەملەكەتتىك قىزمەتكەرلەردىڭ جالاقىسىن 30 پايىزعا ارتتىرۋ باستاماسى دا ادام كاپيتالىن ارتتىرۋعا ۇلكەن ۇلەس قوسادى دەپ سەنەمىن.
ءبىلىم سالاسىنا قاتىستى جوسپارلارعا توقتالساق, ءبىلىمسىز كەلەشەك جوق. ءبىز الەمدىك باسەكەلەستىككە قادام باستىق. سول باسەكەلەستىكتە جەڭىسكە جەتۋدىڭ, باسىپ وزۋدىڭ بىردەن-ءبىر جولى – بىلىكتى, ءبىلىمدى جاستار تاربيەلەۋ. پارتيا وسى سالا بويىنشا دا ءتيىستى شارالاردى جۇزەگە اسىرۋدا.
ەرلان سىدىقوۆ,
ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى, تاريح عىلىمدارىنىڭ دوكتورى, پروفەسسور