سەيسەنبى, 21 تامىز 2012 7:15
ايگەرىم ەرلانقىزى ماساليموۆا لوندونداعى وليمپيادا ويىندارى كەزىندە اعىلشىن ەلى جاعىنان VIP بەلدەۋىندە ۇلىبريتانيا پاتشايىمى ەليزاۆەتا II وتباسى مەن رەسەي, چەرنوگوريا, رۋمىنيا پرەزيدەنتتەرىنە, جوعارى مارتەبەلى شەتەلدىكتەرگە قىزمەت كورسەتتى.
سەيسەنبى, 21 تامىز 2012 7:15
ايگەرىم ەرلانقىزى ماساليموۆا لوندونداعى وليمپيادا ويىندارى كەزىندە اعىلشىن ەلى جاعىنان VIP بەلدەۋىندە ۇلىبريتانيا پاتشايىمى ەليزاۆەتا II وتباسى مەن رەسەي, چەرنوگوريا, رۋمىنيا پرەزيدەنتتەرىنە, جوعارى مارتەبەلى شەتەلدىكتەرگە قىزمەت كورسەتتى.
وليمپيادا ويىندارى بەل ورتادان اۋعان شاق. الەمدەگى ەڭ ءىرى كورمە زالى – «ەكسەل» ساۋدا ورتالىعىنىڭ ارنايى جابدىقتالعان اۋىر اتلەتتەر زالىندا ينە شانشار ورىن جوق. ويتكەنى, بۇگىن داڭقتى اۋىر اتلەت يليا يلين 94 كيلو سالماقتا ونەر كورسەتپەك. جەرلەسىمىزگە جانكۇيەر بولعاندار اتشاپتىرىم «ەكسەلدى» جاۋلاپ العان سىڭايلى. ءتىپتى, ولاردىڭ سانى بەس ءجۇزدەن اساتىنداي. جارىس باستالارعا ساناۋلى مينۋتتار قالعان كەزدە قاسىندا بىرنەشە مارتەبەلى شەتەلدىكتەر بار ۇزىن بويلى, ادەمى قىز كەلىپ, VIP مىنبەگە جايعاستى.شالعايدا جۇرگەندە ەلدى ساعىناسىڭ, جەرلەستەردى كورگەندە ءشۇيىركەلەسە كەتەسىڭ. تانىستىق. سەمەيدە تۋىپ, ماقانشىدا, جارمادا, سوڭىنان وسكەمەندە ءبىلىم العان ايگەرىم ەرلانقىزى ماساليموۆا ەكەن. قىتاي, اعىلشىن ءتىلىن جەتىك مەڭگەرىپ العان. مۇنىڭ الدىندا بەيجىڭدە ەكى جىل وقىعان كەزدە وليمپيادا ويىندارىندا ەرىكتى رەتىندە قىزمەت ەتكىسى كەلگەن تالابى جۇزەگە اسپاي قالىپتى. نەبارى 16 جاستاعى وعان سول كەزدە «جاسىڭ جەتپەيدى» دەگەن ءۋاج ايتىپتى ونداعىلار.يليا يلين ەكى دۇركىن وليمپيادا ويىندارىنىڭ چەمپيونى اتاندى. بوركىمىزدى اسپانعا اتىپ, جەرلەسىمىزدىڭ جەڭىسىن اتاپ وتتىك. «قازاق اۋىلىنا» ايگەرىممەن بىرگە كەلىپ اڭگىمەلەستىك.– اتا-انام ەرلان ماساليموۆ پەن جانات اكيموۆا ءبىزدىڭ تەرەڭ ءبىلىم الىپ, ەلىمىزگە ادال قىزمەت ەتۋىمىزدى نازاردان شىعارمايتىن. كەي پاندەرگە رەپەتيتور جالدايتىن. بىرنەشە شەت ءتىلىن ۇيرەتە باستادى. ۇلكەن اپايىم ديانا دا كوپ ءتىلدى مەڭگەرگەن, قازىر جۇبايىمەن دۋبايدا تۇرادى. ورتانشى اپايىم الۋا دا شەت ءتىلىن جەتىك مەڭگەرگەن, استانادا قىزمەت ەتەدى. ءبىر وتباسىنداعى ءۇش بىردەي قىزدىڭ پرەزيدەنتتىڭ «بولاشاق» باعدارلاماسى بويىنشا ستيپەندياسىن جەڭىپ الۋى سيرەك كەزدەسەتىن وقيعا عوي. سول ءۇشىن اتا-انامىزعا عۇمىر بويى قارىزدارمىز. ەكى جىل ىشىندە قىتاي ءتىلىن جەتىك مەڭگەردىم, قازىر لوندونداعى يۋسيەل ۋنيۆەرسيتەتىنىڭ كوللەدجىنىڭ ەكىنشى كۋرسىندامىن.– ۇلىبريتانيا مەملەكەتى وزىڭە سەنىم ءبىلدىرىپ, VIP قوناقتارعا, پاتشايىم وتباسىنا, شەت ەل پرەزيدەنتتەرىنە ءسال ۋاقىت تاپقاندا جەرلەستەرىڭە قىزمەت ەتۋگە قالاي شاقىردى؟ بۇل ۇلكەن مارتەبە عوي.– بەيجىڭدە جاسىڭ تولمادى دەدى. ەكى جىل بۇرىن لوندونداعى وليمپيادالىق كوميتەتكە قۇجاتتارىمدى جىبەردىم. كوپتەگەن ترەننينگتەردەن ءوتتىم. ءبىر عانا مىسال. سپورتشىلار شەشىنەتىن جەردە ورامال جيناۋدان باستاپ اسا ءمارتەبەلى قوناقتارعا قىزمەت كورسەتۋ سياقتى سىننان وتۋگە تۋرا كەلدى. اسىرەسە, دارىگەرلىك جاردەم كورسەتۋدەگى ىسكەرلىگىمدى باعالادى. شەت ەل تىلدەرىن جەتىك بىلەتىن, قىتاي مەن انگليادا العان ءبىلىمىم ماعان اسا قۇزىرلى جاندارعا قىزمەت ەتۋگە مۇمكىندىك بەردى. گەرتسوگينيا كاتە ميدلتون, تاق مۇراگەرى ۋيليام, يسپانيا حانشايىمى سوفيا, تاعى باسقالار مادەنيەتىم مەن ءبىلىمىمدى, ءتىلدى جەتىك مەڭگەرگەنىمدى اڭعارىپ. «ۇلتىڭ كىم؟» دەپ سۇراعان كەزدە, قازاقستاننان ەكەنىمدى ايتتىم. كەيبىرى اسقاقتاعان استانادا بولعاندارىن, ازيا ويىندارىنىڭ تاماشا وتكەنىن ايتقان كەزدە ەلىم ءۇشىن ماقتاندىم. باسكەتبولدان فينالدىق ويىن كەزىندە اتاقتى فۋتبولشى دەۆيد بەكحەمدى ەرتىپ ءجۇرىپ, اۋدارماشى بولدىم. مايا, ءزۇلفيا التىننان القا تاققان كەزدە ۋاقىت تاۋىپ, جانىندا بولىپ, شەتەلدىك جۋرناليستەرگە قىزمەت ەتتىم. ول ول ما, ەلدەن كەلگەن اعايىندار مەنى تەلەفون ارقىلى تاۋىپ الىپ, قالانىڭ تاريحي ەسكەرتكىشتەرى مەن مىڭ جىلدىق تاريحى بار اتاقتى ۆيندزور قامالىنا ەرتىپ بارۋىن وتىنگەندە, كەلىسىمىمدى بەردىم. ۇلىبريتانيانى 60 جىل باسقارىپ كەلە جاتقان ەليزاۆەتا ءىى سەنبى جانە جەكسەنبى كۇندەرى ۆيندزور قامالىنداعى رەزيدەنتسياسىنا كەلىپ دەمالادى, اتپەن سەرۋەندەيدى. قامالداعى سۋرەتتەر مەن جادىگەرلەر ۇلى مەملەكەتتىڭ اتاق-داڭقىن اسقاقتاتىپ تۇر ەمەس پە. ايتپاقشى, وليمپيادا اشىلار قارساڭدا قازاقستاننىڭ پرەزيدەنتى ن.نازارباەۆ كەمبريدج ۋنيۆەرسيتەتىنە كەلىپ, لەكتسيا وقىدى, ەلىمىزدىڭ قول جەتكەن تابىستارى جايلى كەڭىنەن اڭگىمەلەدى. ەرتەڭىندە لوندونداعى ءىرى باسىلىمدار ەلباسىنىڭ سويلەگەن ءسوزىن جاريالادى. مەنىمەن بىرگە وقيتىن شەتەل ستۋدەنتتەرى «ايگەرىم قانداي باقىتتىسىڭ. قازاقستاندى بۇكىل الەم ءبىلەدى, پرەزيدەنتتىڭ بەدەلى ەرەكشە ەكەن», دەپ قۇتتىقتادى.بۇل كۇندەرى «بولاشاق» باعدارلاماسى بويىنشا جۇزدەگەن قازاق جاستارى لوندوندا, باسقا مەملەكەتتەردە ءبىلىم الىپ جاتىر. كۇنى ەرتەڭ ءبىز ەل بولاشاعى ءۇشىن قىزمەت ەتەمىز. قازاقستان ءبىزدى شەت ەلدەردىڭ بىلىكتى وقۋ ورىندارىندا تەگىن وقىتىپ جاتىر. ودان اسقان قانداي باق بار؟! ال لوندونداعى قازاق ەلىنىڭ ادام نانعىسىز سپورتتاعى جەتىستىكتەرى كوك بايراعى جەلبىرەگەن بايتاق دالامىزدىڭ بولاشاعىن ايقىن اڭعارتسا كەرەك, – دەپ ءسوزىن اياقتادى ايگەرىم.وڭداسىن ەلۋباي,«ەگەمەن قازاقستان»لوندون.