كورەي حالىق دەموكراتيالىق رەسپۋبليكاسىنىڭ باسشىسى كيم چەن ىن ۆەتنام استاناسى حانويداعى سامميتكە اتتاندى.
بۇعان دەيىن حابارلاعانىمىزداي, سامميتكە سولتۇستىك كورەيا باسشىسىمەن بىرگە اقش پرەزيدەنتى دونالد ترامپ قاتىسادى. ودان بولەك, كحدر مەملەكەتتىك كەڭەسىنىڭ توراعاسى كيم چەن ىننىڭ ۆەتنام سوتسياليستىك رەسپۋبليكاسىنىڭ باسشىسى نگۋەن فۋ چونگپەن دە كەزدەسۋى جوسپارلانعان.
كيم چەن ىن پحەنياننان حانويعا پويىزبەن اتتانعان. ەكى استانا اراسى 4,5 مىڭ شاقىرىم. سولتۇستىك كورەيا پرەزيدەنتى ۆەتنام استاناسىنا شامامەن ەكى كۇن جۇرمەك.
وسىعان وراي ۆەتنام استاناسىندا قاۋىپسىزدىك شارالارى كۇشەيگەن. مەملەكەتتىڭ قاۋىپسىزدىك قىزمەتىنەن بولەك سولتۇستىك كورەيا قاۋىپسىزدىك قىزمەتتىڭ 100-گە جۋىق مامانى كەلگەن.
سامميت بارىسىندا تاراپتار كورەي تۇبەگىن يادرولىق قارۋدان ازات ەتۋ كەلىسىمىنىڭ ورىندالۋى مەن ايماقتاعى قاۋىپسىزدىك ماسەلەسى كەڭىنەن تالقىلايتىن بولادى.
ەستەرىڭىزگە سالا كەتسەك, تاراپتاردىڭ العاشقى ءسامميتى وتكەن جىلدىڭ جازىندا سينگاپۋردە وتكەن ەدى. ال كحدر باسشىسىنىڭ ۆەتنامعا سوڭعى ساپارى 55 جىل بۇرىن بولعان.