باتىس قازاقستان وبلىسىندا «AQJAIYQ SKI RACE» كوپشىلىك قىسقى سپورتتىق شاراسى ءوتىپ, ءبىر مىڭعا جۋىق ادام شاڭعى تەبۋگە شىقتى. ولار وزدەرى تاڭداعان 2,5-5-7,5 شاقىرىم قاشىقتىقتى جۇگىرىپ ءوتىپ, ارنايى مەدالمەن, ماراپات قاعازدارىمەن ماراپاتتالدى.
شاڭعى جولىنا شىققان بەلسەندىلەردىڭ ىشىندە كاسىبي شاڭعىشىلار دا, قاراپايىم اۋەسقويلار دا كوپ بولدى. ولاردى شارانى ۇيىمداستىرۋشىلارمەن بىرگە باتىس قازاقستان وبلىسى اكىمىنىڭ ورىنباسارى عابيدوللا وسپانقۇلوۆ قۇتتىقتادى.
- بارشاڭىزدى بۇگىنگى سپورت مەرەكەسىمەن قۇتتىقتايمىن. بۇگىن كۇن رايى دا كەرەمەت بولىپ, ەرەكشە كوڭىل سىيلاپ تۇر ەكەن. وزدەرىڭىزگە ءمالىم, 2019 جىل پرەزيدەنت جارلىعىمەن جاستار جىلى دەپ جاريالاندى. ەلباسى قازاقستاندىقتاردى ءاردايىم سپورتپەن اينالىسۋعا شاقىرادى. سەبەبى سپورت, سالاۋاتتى ءومىر سالتى – ساۋ ۇلتتىڭ كەپىلى. ال ءبىزدىڭ ءوڭىرىمىزدىڭ جاستارى وتە بەلسەندى جانە سپورتقا جاقىن, - دەدى عابيدوللا ابدوللا ۇلى.
كوپشىلىك شاڭعى تەبۋ شاراسىنىڭ ەڭ جاس شاڭعىشىسى جانارىس جاسۇلان ۇلى مەن ەڭ ەگدە شاڭعىشى كاكيدەن ۇلىقپان ۇلى ارنايى سىيلىق پەن ديپلومعا يە بولدى. ۇيىمداستىرۋشىلار سونداي-اق دۋلات جۇسىپقاليەۆتى «بەلسەندى ۆولونتەر» دەپ اتاپ, ارنايى ماراپاتتادى.
قازبەك قۇتتىمۇرات ۇلى,
«Egemen Qazaqstan»