سەنبى, 30 ماۋسىم 2012 7:47
نەيروحيرۋرگيا عىلىمي ورتالىعىنىڭ قۇرامىنداعى ءبىزدىڭ بولىمشە مرت, كومپيۋتەرلىك توموگرافيا, وپەراتسيالىق انگيوگرافيا, رەنتگەن, ۋدز, ەكگ, ت.ب كابينەتتەردەن تۇرادى.
ماگنيتتى-رەزونانستى توموگرافيا (مرت) – ساۋلەلى دياگنوستيكانىڭ ءاردايىم دامىپ وتىراتىن ءارى ەڭ پەرسپەكتيۆالى سالاسى. بۇل ارقىلى ادام ءمۇشەسىنىڭ كەز-كەلگەن قۋىسىن, كەز-كەلگەن بولىگىن, ءتىنىن كورۋگە بولادى. ءبىزدىڭ بولىمشەدەگى «Siemens» فيرماسىنىڭ مرت اپپاراتى پاتسيەنتتى دياگنوستيكالاۋ بارىسىنان سۋرەتىن دە شىعارىپ بەرۋگە قابىلەتتى. ياعني, كەيبىر اپپاراتتار سەكىلدى بۇلدىراتپاي,
سەنبى, 30 ماۋسىم 2012 7:47
نەيروحيرۋرگيا عىلىمي ورتالىعىنىڭ قۇرامىنداعى ءبىزدىڭ بولىمشە مرت, كومپيۋتەرلىك توموگرافيا, وپەراتسيالىق انگيوگرافيا, رەنتگەن, ۋدز, ەكگ, ت.ب كابينەتتەردەن تۇرادى.
ماگنيتتى-رەزونانستى توموگرافيا (مرت) – ساۋلەلى دياگنوستيكانىڭ ءاردايىم دامىپ وتىراتىن ءارى ەڭ پەرسپەكتيۆالى سالاسى. بۇل ارقىلى ادام ءمۇشەسىنىڭ كەز-كەلگەن قۋىسىن, كەز-كەلگەن بولىگىن, ءتىنىن كورۋگە بولادى. ءبىزدىڭ بولىمشەدەگى «Siemens» فيرماسىنىڭ مرت اپپاراتى پاتسيەنتتى دياگنوستيكالاۋ بارىسىنان سۋرەتىن دە شىعارىپ بەرۋگە قابىلەتتى. ياعني, كەيبىر اپپاراتتار سەكىلدى بۇلدىراتپاي, ادام ورگانى قاي كولەمدە بولسا دا شىعارىپ بەرەدى. مرت ارقىلى ءبىز اۋرۋدىڭ ەرتە باستاعى ءتۇزىلىمدەرىن انىقتايمىز. زالالدى, زارارسىز ىسىكتەر, مەتاستازدار انىقتالادى. سۋىق تيگەن جەرلەر انىقتالادى. قازاقى تۇسىنىكتە «سۋىق تيگەن» جاي ايتىلا سالعانىمەن, وسى سۋىق ءتيۋدىڭ ءوزى كوپتەگەن اۋرۋلارعا اكەلىپ سوقتىرادى. جاراقات الۋدان, جاراقات الۋدان كەيىنگى, سونداي-اق وتادان سوڭعى وزگەرىستەر, پاتولوگيالار انىقتالادى.
ماگنيتتى-رەزونانستى توموگرافيانىڭ مۇمكىندىگى ارقىلى باستى, مي تامىرلارىن, مويىن ومىرتقاسى مەن بەل ومىرتقاسىن, كەۋدەنى مۇقيات زەرتتەۋگە بولادى. مرت-مەن زەرتتەۋ بارىسىندا شۋىل قوسا جۇرەتىندىكتەن, پاتسيەنتتىڭ قۇلاعىنا ارنايى اپپارات كيگىزىلەدى.
ساۋلەلى دياگنوستيكانىڭ ءىشىندە كومپيۋتەرلىك توموگرافيانىڭ دا الاتىن ورنى ەرەكشە. سوڭعى ۋاقىتتا كومپيۋتەرلىك توموگرافيا مەديتسينادا كەڭ قولدانىسقا يە بولىپ وتىر جانە دياگنوستيكالىق زەرتتەۋدىڭ اجىراماس بولىگىنە اينالدى دەسەك تە قاتەلەسپەيمىز. ءويتكەنى, بۇل ارقىلى ادامنىڭ ون ەكى مۇشەسىنە تۇگەلدەي دەرلىك زەرتتەۋ جۇرگىزىلەدى. ءبىزدىڭ ءبولىمشەدە ستاتسيونارلىق رەنتگەن اپپاراتى مەن كومپيۋتەرلىك توموگراف تاۋلىك بويى جۇمىس ىستەيدى. ورتالىقتا ەمدەلەتىن ناۋقاستار مەن جەدەل-ءجاردەممەن جەتكىزىلگەن ناۋقاستاردى تاۋلىكتىڭ قاي بولىگىندە دە قابىلداۋعا دايار.
وسى ورايدا جىلجىمالى رەنتگەن اپپاراتىنىڭ جۇمىسىن دا ايتا كەتكىم كەلەدى. رەانيماتسيا جانە وتا بولىمشەلەرىندە رەنتگەن اپپاراتىنىڭ باقىلاۋىمەن وتا جاسالادى. سونداي-اق, ەكى ەلەكتروەنتسەفالوگرافتىڭ دا قىزمەتى ايرىقشا. ناۋقاستاردى ىرىكتەۋدە تاپتىرمايتىن قۇرال دەۋگە كەلەدى. بۇلار بەينەمونيتورينگ ارقىلى جۇمىس ىستەيدى. تالما اۋرۋىن ءجانە ءبىراز اۋرۋلارعا جاسالاتىن وتانى ەلەكتروەنتسەفالوگراففەن باقىلايدى. قىسقاشا ايتقاندا ءبىزدىڭ ءبولىمشەنىڭ جۇمىسى نەگىزىنەن زاماناۋي اپپاراتتارعا تاۋەلدى. سول ارقىلى ناۋقاستارعا ءدال دياگنوز قويىلۋىنا, ەم-دومنىڭ دۇرىس ءجۇرگىزىلۋىنە قول جەتكىزۋدەمىز.
بولات بايجىگىتوۆ,
راديولوگيا جانە فۋنكتسيونالدى
دياگنوستيكا بولىمشەسىنىڭ مەڭگەرۋشىسى.