ءسىم-دە ينۆەستيتسيا تارتۋدىڭ كەشەندى ەكوجۇيەسىن قۇرۋدىڭ پراكتيكالىق اسپەكتىلەرى قارالدى

جينالىستىڭ ءبىرىنشى كۇنىندە قازاقستاننىڭ شەت ەلدەردەگى بىرقاتار ديپلوماتيالىق ميسسيالارىنىڭ باسشىلارىمەن قاتار, پرەزيدەنت اكىمشىلىگى, پرەمەر-مينيستر كەڭسەسى, ورتالىق جانە جەرگىلىكتى اتقارۋشى ورگاندار, كۆازيمەملەكەتتىك سەكتور مەن قازاقستاننىڭ ۇلتتىق كومپانيالارىنىڭ وكىلدەرى قاتىستى.

وتىرىس بارىسىندا پرەزيدەنت نۇرسۇلتان نازارباەۆتىڭ سىرتقى ساياسي ۆەدومستۆوسىنىڭ ينۆەستيتسيالاردى تارتۋ جانە قازاقستاندىق ەكسپورتتى جىلجىتۋ بولىگىندەگى جۇمىسىن كۇشەيتۋ جونىندەگى تاپسىرمالارىن جۇزەگە اسىرۋ جولدارى ەگجەي-تەگجەيلى قارالدى. ينستيتۋتسيونالدىق ءوزارا ءىس-قيمىل مەحانيزمدەرى مەن ينۆەستيتسيالاردى تارتۋدىڭ پراكتيكالىق اسپەكتىلەرى تالقىلاندى. ەكسپورتتى جىلجىتۋ بارىسىندا ەلىمىز تاپ بولاتىن ەرەكشە جانە وڭىرلىك سىن-قاتەرلەر زەردەلەندى.

ەلباسىنىڭ تاپسىرماسى بويىنشا مەملەكەتتىك ورگاندار, ۇلتتىق كومپانيالار, اكىمدىكتەر مەن ەلىمىزدىڭ شەت ەلدەردەگى مەكەمەلەر اراسىندا ءوزارا ءىس-قيمىلدى قۇرۋ ءۇشىن ينۆەستيتسيالىق كليماتتىڭ كەشەندى ەكوجۇيەسى قۇرىلۋدا. قازاقستان وڭىرلەرىندە ينۆەستورلارمەن جۇمىس ىستەۋ جونىندەگى فرونت-وفيستەر قۇرىلۋى ءتيىس, وندا ينۆەستور بيۋروكراتياسىز ءوز جوبالارىن ىسكە اسىرۋدا پراكتيكالىق جانە دايەكتى كومەك الاتىن بولادى. شەتەلدىك ينۆەستورلارمەن ءوزارا ءىس-قيمىل جۇيەسى پروتسەستىڭ ءاربىر قاتىسۋشىسىنىڭ جاۋاپكەرشىلىك ايماعىن ايقىندايدى.

سىرتقى ىستەر ءمينيسترى بەيبىت اتامقۇلوۆ قازاقستاننىڭ ەلشىلەرى ىقتيمال ينۆەستورلارمەن ءتيىمدى جۇمىس ىستەۋ ءۇشىن ينۆەستيتسيالىق ۇسىنىستار مەن جوبالار پاكەتتەرىن قوسا العاندا, بارلىق وزەكتى اقپاراتپەن «قارۋلاناتىنىن» اتاپ ءوتتى. بۇل اقپاراتتا قارجىلىق كورسەتكىشتەر, نارىققا كىرۋ شارتتارى, جەر ۋچاسكەلەرىن ءبولۋ, ينفراقۇرىلىممەن قامتاماسىز ەتۋ, كەدەندىك جانە سالىقتىق پرەفەرەنتسيالار, تاريفتىك قۇرامداۋىشتار, ەڭبەك رەسۋرستارىمەن قامتاماسىز ەتۋ كورسەتىلەدى. ۆەدومستۆو باسشىسى اتاپ وتكەندەي, ەلشىلىكتەر قازاقستان ەكونوميكاسىنا ينۆەستيتسيا مەن جاڭا عىلىمدى قاجەتسىنەتىن تەحنولوگيالاردى تارتۋ بويىنشا جۇمىستى كۇشەيتۋى ءتيىس.

وتىرىس شەڭبەرىندە سىرتقى ىستەر ءمينيسترىنىڭ ورىنباسارى ەرمەك كوشەرباەۆ, اۋىل شارۋاشىلىعى ءمينيسترىنىڭ ءبىرىنشى ۆيتسە-ءمينيسترى ارمان ەۆنيەۆ, قازاقستاننىڭ رەسەيدەگى ەلشىسى يمانعالي تاسماعامبەتوۆ, قىتايدا - شاحرات نۇرىشەۆ, اقش-تا - ەرجان قازىحانوۆ, ۇلىبريتانيادا - ەرلان ىدىرىسوۆ, ءسىم ينۆەستيتسيا كوميتەتىنىڭ توراعاسى ەرلان حايروۆ, «Kazakh Invest» ۇك» اق باسقارما توراعاسى ساپاربەك تۇياقباەۆ جانە «استانا» حالىقارالىق قارجى ورتالىعىنىڭ باسقارۋشىسى قايرات كەلىمبەتوۆتىڭ باياندامالارى تىڭدالدى.