سەيسەنبى, 8 مامىر 2012 7:26
«ينتەرگاز ورتالىق ازيا» اق جۇمىسشىلارىنىڭ كاسىپوداعى قىزمەتكەرلەردى جانە ولاردىڭ وتباسىلارىن جان-جاقتى قامقورلىققا العان
2012 جىلدىڭ 1-18 ءساۋىر كۇندەرى ارالىعىندا «ينتەرگاز ورتالىق ازيا» اق ەڭبەككەرلەرىنىڭ 9-10-11 سىنىپتاردا وقيتىن بالالارى مەن نەمەرەلەرى اراسىندا ماتەماتيكادان وليمپيادا وتكىزىلدى. بۇل شارا «ينتەرگاز-ينتەرسىنىپ» باعدارلاماسىنىڭ اياسىندا «ينتەرگاز ورتالىق ازيا» اق-تىڭ قۇرىلعانىنا 15 جىل تولعان مەرەكەلىك شارالار اۋقىمىندا وتكىزىلدى. بۇل يگىلىكتى شارانى وتكىزۋگە كومپانيانىڭ باس ديرەكتورى سەرىك ەستاي باستاماشى بولدى.
سەيسەنبى, 8 مامىر 2012 7:26
«ينتەرگاز ورتالىق ازيا» اق جۇمىسشىلارىنىڭ كاسىپوداعى قىزمەتكەرلەردى جانە ولاردىڭ وتباسىلارىن جان-جاقتى قامقورلىققا العان
2012 جىلدىڭ 1-18 ءساۋىر كۇندەرى ارالىعىندا «ينتەرگاز ورتالىق ازيا» اق ەڭبەككەرلەرىنىڭ 9-10-11 سىنىپتاردا وقيتىن بالالارى مەن نەمەرەلەرى اراسىندا ماتەماتيكادان وليمپيادا وتكىزىلدى. بۇل شارا «ينتەرگاز-ينتەرسىنىپ» باعدارلاماسىنىڭ اياسىندا «ينتەرگاز ورتالىق ازيا» اق-تىڭ قۇرىلعانىنا 15 جىل تولعان مەرەكەلىك شارالار اۋقىمىندا وتكىزىلدى. بۇل يگىلىكتى شارانى وتكىزۋگە كومپانيانىڭ باس ديرەكتورى سەرىك ەستاي باستاماشى بولدى.
بۇل جوبانى وتكىزۋدەگى باستى ماقسات ءبىزدىڭ قىزمەتكەرلەرىمىزدىڭ بالالارى اراسىندا ماتەماتيكا سالاسىنداعى ەڭ تالانتتى دا قابىلەتتى وقۋشىلاردى انىقتاۋ بولاتىن. وليمپيادا قورىتىندىسىنان كەيىن بۇل بالالارعا ساپالى ءبىلىم الۋ ءۇشىن بارىنشا جاعداي جاساۋ كوزدەلىنگەن.
وليمپيادا ەكى كەزەڭ بويىنشا وتكىزىلدى. ءبىرىنشى تۋر بويىنشا كومپانيانىڭ ايماقتاعى قۇرىلىمدارى ەڭبەككەرلەرىنىڭ بالالارى ءاربىر فيليالداردا تەستىلەۋدەن ءوتتى. ءسويتىپ, وليمپياداعا قاتىسۋشىلاردىڭ جالپى ءبىلىم دەڭگەيى انىقتالدى. وسى تەستىلەۋ بارىسىندا انىقتالعان قابىلەتتى دە تالانتتى وقۋشىلار ەكىنشى – قورىتىندى تۋرعا جىبەرىلدى. 2012 جىلدىڭ 14 ساۋىرىندە كومپانيانىڭ بارلىق وڭىرلىك جانە ايماقتىق ءبولىمشەلەرىنەن ىرىكتەلگەن 42 وقۋشى الماتى قالاسىنا كەلىپ وليمپيادانىڭ اقتىق فينالىنا قاتىستى. الماتىداعى قاستەەۆ اتىنداعى دەمالىس بازاسىندا بەس كۇن بويى بۇل بالالاردى يۋنەسكو-دان كەلگەن وقىتۋشىلار اقتىق سىناققا دايىندادى. يۋنەسكو ماماندارى بالالاردىڭ شىعارماشىلىق جانە جالپى دۇنيەتانىم قابىلەتتەرىن ارتتىرۋمەن قاتار ولاردى ءارتۇرلى مادەني بۇقارالىق شارالارعا تارتتى. فينالعا قاتىسۋشىلار الماتى قالاسىنىڭ كورىكتى ورىندارىندا, اتاپ ايتقاندا كوكتوبە, مەدەۋ, شىمبۇلاق سپورت ورتالىقتارىن ارالادى. «سۇڭقار» اتتى قىراندار فەرماسىندا بولدى. ولاردىڭ ءاربىر كۇنى سپورت جارىستارى, مادەني شارالار وتكىزۋمەن ەرەكشەلەندى.
2012 جىلدىڭ 6 ساۋىرىندە قازاقستان-بريتان تەحنيكالىق ۋنيۆەرسيتەتىنىڭ بازاسىندا وليمپيادا فينالى ءوتتى. سىناققا تۇسكەن وقۋشىلاردىڭ ءبىلىم دارەجەسىن قازاقستان رەسپۋبليكاسى جوعارى وقۋ ورىندارىنان كەلگەن ماتەماتيكا عىلىمدارى كانديداتتارىنان, دوكتورلارىنان جانە پروفەسسورلارىنان قۇرالعان كاسىبي دەڭگەيى جوعارى ادىلقازىلار القاسى باعالاپ وتىردى. 18 ساۋىردە وليمپيادانىڭ سالتاناتتى ءتۇردە جابىلۋ ءراسىمى بولىپ ءوتتى. وعان قازاقستان-بريتان تەحنيكالىق ۋنيۆەرسيتەتىنىڭ رەكتورى, ەكونوميكا عىلىمدارىنىڭ دوكتورى, پروفەسسور ەسكەندىر بەيسەمبەتوۆ جانە يۋنەسكو كلۋبتارى قازاقستان ۇلتتىق فەدەراتسياسىنىڭ ءبىرىنشى ۆيتسە-پرەزيدەنتى قاتىسىپ, وليمپيادا جەڭىمپازدارىن قۇتتىقتاپ, ءسوز سويلەدى. ولارعا بولاشاق ءبىلىم ايدىنىندا ساتتىلىك تىلەپ, باعالى سىيلىقتار تاپسىردى. وليمپياداعا قاتىسۋشىلاردىڭ بارلىعى بىردەي ديپلومدارعا يە بولدى.
11 سىنىپ وقۋشىلارى اراسىندا وتكەن سايىستا ايدىن قۋانىشەۆ جەڭىمپاز دەپ تانىلدى. ونىڭ اكەسى «ينتەرگاز ورتالىق ازيا» اق-نىڭ الماتىداعى ەلەكترحيميا قورعاۋ «يۋجنىي» جەلىلىك-وندىرىستىك باسقارماسىنىڭ ماگيسترالدى گاز قۇبىرى باسقارماسىندا ينجەنەر بولىپ ەڭبەك ەتەدى. ايدىن قۋانىشەۆقا وليمپيادا جەڭىمپازى رەتىندە قازاقستان-بريتان تەحنيكالىق ۋنيۆەرسيتەتىندە وقۋ ءۇشىن ارنايى گرانت تاپسىرىلدى. ەكىنشى ورىندى يەلەنگەن تۇرعىت دۇيىسوۆكە جوعارى وقۋ ورنىنا ءتۇسۋ بارىسىندا 50 پايىز جەڭىلدىك الۋ مۇمكىندىگى بەرىلدى. تۇرعىتتىڭ اناسى «ينتەرگاز ورتالىق ازيا» اق-تىڭ «اتىراۋ» جەلىلىك-وندىرىستىك باسقارماسىنىڭ ماگيسترالدى گاز قۇبىرى باسقارماسىندا جابدىقتاۋ ءجونىندەگى مامان بولىپ قىزمەت ىستەيدى. ءۇشىنشى ورىندى حافيز داۆلەتياروۆ يەلەندى. ونىڭ اكەسى كومپانيانىڭ ورال قالاسىنداعى ينجەنەرلىك-تەحنيكالىق ورتالىق ءبولىمشەسىندە جۇرگىزۋشى بولىپ جۇمىس ءىستەيدى. حافيزگە قازاقستان-بريتان تەحنيكالىق ۋنيۆەرسيتەتىنە ءتۇسۋ كەزىندە 30 پايىز جەڭىلدىك جاسالاتىن بولدى. سونىمەن بىرگە, بارلىق توپتاردىڭ جەڭىمپازدارى iPad, Nokia-9 ۇيالى تەلەفوندارى, Samsung ر6200 پلانشەتتەرى سىيلىققا بەرىلدى. وسى جەردە اتاپ وتەتىن ءبىر ماسەلە, وليمپيادا جەڭىمپازدارىنىڭ بارلىعى دەرلىك كومپانيا جۇمىسشىلارىنىڭ بالالارى. بۇل ءوز كەزەگىندە ولاردىڭ بولاشاقتاعى ءبىلىم دەڭگەيىن ارتتىرىپ, جوعارى كاسىبي مامان اتانۋلارىنا كومپانيا تاراپىنان جاسالىپ وتىرعان قامقورلىقتى كورسەتسە كەرەك.
وسى يگىلىكتى شارانى ۇيىمداستىرۋعا «ينتەرگاز ورتالىق ازيا» اق ەڭبەككەرلەرىنىڭ كاسىپوداق ۇيىمى جانە يۋنەسكو كلۋبى ۇلتتىق فەدەراتسياسىنىڭ مۇرىندىق بولعاندىعىن ەرەكشە اتاپ وتكەن ءجون. كاسىپوداق كومپانيا ەڭبەككەرلەرىن ەرىكتى تۇردە بىرىكتىرەتىن جەكە كوممەرتسيالىق ەمەس, قوعامدىق ۇيىم بولىپ تابىلادى. كومپانيا كاسىپوداعى قازاقستان رەسپۋبليكاسىنىڭ كونستيتۋتسياسىنىڭ, ەڭبەك كودەكسىنىڭ باسقا دا زاڭدىق نورماتيۆتىك اكتىلەرىنىڭ تالاپتارىنا جانە «ينتەرگاز ورتالىق ازيا» اق-تىڭ اكتىلەرىنە, سونىمەن بىرگە, وزدەرىنىڭ جەكە جارعىلارىنىڭ تالاپتارىنا سايكەس جۇمىس ىستەيدى.
«ينتەرگاز ورتالىق ازيا» اق ءوزىنىڭ جەكە كاسىپوداق ۇيىمىن قۇرۋدى قازاقستان رەسپۋبليكاسىنىڭ 2007-2009 جىلدارداعى لايىقتى ەڭبەك تۋرالى ۇلتتىق باعدارلاماسى شەڭبەرىندە جۇزەگە اسىردى. ال 2007 جىلدىڭ 6 قاراشاسىندا ول قازاقستان رەسپۋبليكاسىنىڭ مەملەكەتتىك ورگاندارىندا رەسمي تۇردە ءتىركەلدى. 2008 جىلدىڭ 4 قازانىندا «ينتەرگاز ورتالىق ازيا» اق – جۇمىس بەرۋشى جانە «ينتەرگاز ورتالىق ازيا» اق جۇمىسشىلارىنىڭ اراسىندا ۇجىمدىق كەلىسىم-شارت قابىلداندى. قازىرگى كەزدە «ينتەرگاز ورتالىق ازيا» اق ورتالىق اپپاراتىندا جانە بارلىق وندىرىستىك فيليالدارىندا ەڭبەك ەتەتىن 5 408 ەڭبەككەر كاسىپوداق ۇيىمىنىڭ مۇشەسى بولىپ تابىلادى.
«ينتەرگاز ورتالىق ازيا» اق ەڭبەككەرلەرىنىڭ كاسىپوداعى ەرىكتىلىك, تاۋەلسىزدىك ءوزىن ءوزى باسقارۋ دەموكراتيا, ىنتىماقتاستىق, زاڭدىلىق, تەڭ قۇقىلىق جانە جاريالىلىق نەگىزدەرىنە سۇيەنە وتىرىپ, ءوز ءمۇشەلەرىنىڭ ەڭبەك, الەۋمەتتىك-ەكنوميكالىق قۇقىقتارى مەن ءمۇددەلەرىن قورعايدى. قازاقستان رەسپۋبليكاسىنىڭ زاڭدىلىقتارىنا جانە جۇمىس بەرۋشىنىڭ اكتىلەرىنە سايكەس ءوز مۇشەلەرىنە ەڭبەك قاۋىپسىزدىگى مەن جاعدايىن قورعاۋ ماقساتىندا جان-جاقتى جاعداي جاساپ, قۇقىقتىق كومەك كورسەتەدى.
«ينتەرگاز ورتالىق ازيا» اق ەڭبەككەرلەرى كاسىپوداعىنىڭ كوپتەگەن مىندەتتەرىنىڭ اراسىندا اقپاراتتىق ناسيحات, مادەني اعارتۋ جانە ساۋىقتىرۋ جۇمىستارى ەرەكشە ورىن الادى. سوندىقتان مۇندا وسىنداي وليمپيادالار وتكىزۋمەن بىرگە دەنە شىنىقتىرۋ جانە سپورت شارالارى كەڭىنەن وتكىزىلىپ, سالاماتتى ءومىر سالتى جان-جاقتى ناسيحاتتالادى. «ينتەرگاز ورتالىق ازيا» اق-تىڭ بارلىق قۇرىلىمدارى مەن فيليالدارى اراسىندا جىل سايىن كوپتەگەن سپورت ءتۇرلەرى بويىنشا قىسقى جانە جازعى سپارتاكيادالار وتكىزۋ داستۇرگە اينالعان.
مىنە, وسىنداي جۇيەلى جۇمىس پەن يگىلىكتى شارالاردىڭ ارقاسىندا 2011 جىلدىڭ قورىتىندىسى بويىنشا «ينتەرگاز ورتالىق ازيا» اق كاسىپوداق ۇيىمى «قازمۇنايگاز» ۇك» اق-نىڭ بارلىق كاسىپورىندارى مەن ۇيىمدارىنىڭ كاسىپوداقتارى اراسىندا ۇزدىك دەپ تانىلدى.
الەكسەي جۋكوۆ.