جەكسەنبى, 8 قاڭتار 2012 0:02
ومىردە نە بولمايدى دەيسىز. تاراز قالاسىنىڭ ەرلى-زايىپتى جاس تۇرعىندارى يۋري مەن ناتاليا كۋليكوۆا ءۇندى ەلىنە ساياحاتتاپ بارىپ, ەلگە نارەستەلى بولىپ قايتامىز دەپ ويلاعان جوق.
ولار 5 قىركۇيەك كۇنى دەليگە اتتانعاندا جاس انانىڭ قۇرساعىنداعى شارانا التى ايلىق بولاتىن. بىراق نارەستەنىڭ ومىرگە ەرتە كەلۋىنە ءۇندى ەلىندەگى سول مەزەتتەگى قاتتى جەر سىلكىنىسى اسەر ەتكەن. دەلي قالاسىنداعى كىندىكشەشەلەر «شالا تۋعان» نارەستەنى قولدان تىنىس الدىرۋ ءۇشىن بىردەن باروكامەراعا ورنالاستىرىپتى. ول وسى «بەسىكتە» 2 اي جاتۋى كەرەك, ال كۇندەلىكتى كۇتىمى ءۇشىن 350 اقش دوللارى قاجەت. وكىنىشكە قاراي, ساياحاتشى اتا-انالاردىڭ اقشاسى تاۋسىلعان.
جەكسەنبى, 8 قاڭتار 2012 0:02
ومىردە نە بولمايدى دەيسىز. تاراز قالاسىنىڭ ەرلى-زايىپتى جاس تۇرعىندارى يۋري مەن ناتاليا كۋليكوۆا ءۇندى ەلىنە ساياحاتتاپ بارىپ, ەلگە نارەستەلى بولىپ قايتامىز دەپ ويلاعان جوق.
ولار 5 قىركۇيەك كۇنى دەليگە اتتانعاندا جاس انانىڭ قۇرساعىنداعى شارانا التى ايلىق بولاتىن. بىراق نارەستەنىڭ ومىرگە ەرتە كەلۋىنە ءۇندى ەلىندەگى سول مەزەتتەگى قاتتى جەر سىلكىنىسى اسەر ەتكەن. دەلي قالاسىنداعى كىندىكشەشەلەر «شالا تۋعان» نارەستەنى قولدان تىنىس الدىرۋ ءۇشىن بىردەن باروكامەراعا ورنالاستىرىپتى. ول وسى «بەسىكتە» 2 اي جاتۋى كەرەك, ال كۇندەلىكتى كۇتىمى ءۇشىن 350 اقش دوللارى قاجەت. وكىنىشكە قاراي, ساياحاتشى اتا-انالاردىڭ اقشاسى تاۋسىلعان.
جاس جۇبايلاردىڭ اناسى كومەك سۇراپ بيلىككە كەلدى. جامبىل وبلىسىنىڭ اكىمى قانات بوزىمباەۆ دەلي ەمحاناسىنداعى قازاقستاندىق نارەستەنىڭ ءومىرى ءۇشىن كومەك بەرىپ, سىرتقى ىستەر مينيسترلىگى ارقىلى ءتيىستى قارجىنى اۋداردى.
ءسويتىپ ءۇندى ەلىنە ەكەۋ بوپ كەتكەن يۋري مەن ناتاليا ەلگە ۇشەۋ بوپ ورالدى. كۋليكوۆالاردىڭ وتباسىنا كەشە وبلىس اكىمى ق. بوزىمباەۆ ارنايى بارىپ, دەليدە دۇنيەگە كەلگەن زلاتا اتتى قىزدى امان-ەسەن ورالۋىمەن قۇتتىقتاپ:
- ءبىز ەلىمىزدەگى ءاربىر ادامنىڭ تاعدىرىنا نەمقۇرايدى قاراي المايمىز. قيىندىق قاي كەزدە دە بولىپ تۇرادى. ماسەلە سونى قالاي شەشۋدە. تاۋەلسىزدىگىمىزدىڭ 20 جىلدىق كەزەڭىندە ەلباسى نۇرسۇلتان نازارباەۆ ءاربىر ازاماتتىڭ الەۋمەتتىك قاجەتتىلىگىنە باعىتتالعان دۇرىس جانە ءتيىمدى جۇيەنى قۇرىپ بەردى. سوندىقتان ءبىز ءوز ازاماتتارىمىزدى قيىندىقتا قالدىرا المايمىز, – دەدى.
ال دەليدە دۇنيەگە كەلگەن قىزدىڭ اكەسى يۋري كۋليكوۆ:
- ەلباسى نۇرسۇلتان ءابىش ۇلىنا جانە وبلىس اكىمى قانات الدابەرگەن ۇلىنا وتباسىمىزدىڭ اتىنان شىن جۇرەكتەن ۇلكەن العىسىمدى بىلدىرەمىن. ويتكەنى ءبىز جات ەلدە كۇتپەگەن جاعدايعا تاپ بولىپ, قينالىپ جاتقان كەزدە بىزگە تەلەفون شالىپ, ەلىمىزدەگى جەرگىلىكتى بيلىك ورىندارى كومەكتەسكەلى جاتىر دەپ ايتقاندا وتان-انا دەگەن ءسوزدىڭ ماعىناسى شىن مانىندە قانداي بولاتىنىن جەتە تۇسىندك. بۇل ەلىمىزگە, حالقىمىزعا دەگەن ماقتانىش سەزىمىمىزدى قانتتاندىرىپ جىبەردى, – دەدى تولقىپ.
ەلگە كەلگەن سوڭ زلاتا كۋليكوۆا الماتىداعى بالالار اۋرۋحاناسىندا تەكسەرۋدەن ءوتىپتى. قازىر نارەستە ءوز ءۇيى, ولەڭ توسەگىندە ءوزىن وتە جاقسى سەزىنۋدە.
كوسەمالى ساتتىباي ۇلى,
«ەگەمەن قازاقستان».
جامبىل وبلىسى.