سارسەنبى, 5 قىركۇيەك 2012 7:22
ادام دەنساۋلىعىن ساقتاۋ – مەملەكەتتىك ساياساتتىڭ باسىم باعىتتارىنىڭ ءبىرى. سوندىقتان ەلىمىزدە وسى سالانىڭ ماماندارىنا الەمدىك مەديتسينانىڭ وزىق ۇلگىلەرىن يگەرە وتىرىپ, ءوز ەلىمىزدەگى دەنساۋلىق ساقتاۋ مەن ەمدەۋدى دامىتۋ مىندەتى قويىلىپ وتىر.
سارسەنبى, 5 قىركۇيەك 2012 7:22
ادام دەنساۋلىعىن ساقتاۋ – مەملەكەتتىك ساياساتتىڭ باسىم باعىتتارىنىڭ ءبىرى. سوندىقتان ەلىمىزدە وسى سالانىڭ ماماندارىنا الەمدىك مەديتسينانىڭ وزىق ۇلگىلەرىن يگەرە وتىرىپ, ءوز ەلىمىزدەگى دەنساۋلىق ساقتاۋ مەن ەمدەۋدى دامىتۋ مىندەتى قويىلىپ وتىر.
سوڭعى جىلداردىڭ وزىندە قازاقستاننىڭ ءبىراز وڭىرلەرىندەگى اۋرۋحانالار شەتەلدىك قۇرال-جابدىقتارمەن قامتىلدى. مەديتسينانىڭ ءار سالاسىنا قاتىستى زاماناۋي وزگەرىستەر مەن جاڭالىقتار وتاندىق دارىگەرلەردىڭ قولدانىسىنا دەندەپ ەنگىزىلۋدە. مىسالى, وتا جاساۋ, بىزدىڭشە, پىشاققا ءتۇسۋ. الايدا, قازىر جەتىلگەن مەديتسينالىق ءادىستەر پىشاقسىز دا وتا جاساۋعا بولاتىندىعىن ءدالەلدەپ كەلەدى. ماماندار مالىمەتىنە سۇيەنسەك, الەمدە جىل سايىن جاسالاتىن بىرنەشە ميلليون ەندوحيرۋرگيالىق وتالار بارىسىندا بۇرىنعى ۇلكەن تىلىكتى, جاراقاتتى وتالاردىڭ ورنىنا شاعىن تەسىك ارقىلى جاسالاتىن وتالار قولدانىلا باستاعان. وتاشى دارىگەر ادامنىڭ ىشپەردە قۋىسىنا جانە كەۋدەسىنە وتە جىڭىشكە اسپاپپەن وتا جاسايدى, ال ءىش قۋىسىنداعى ول كورىنىس وپتيكالىق اسپاپ ارقىلى مونيتوردان كورىنىپ تۇرادى. ۇلكەيتىپ جانە انىق كورسەتەتىن اسپاپ ارقىلى سول مۇشەدە قانداي وزگەرىستەر بار, نەنى قالاي سىلىپ تاستاۋ كەرەك نەمەسە قالايشا وتا جاساعان ءجون – ءبارى الاقانداعىداي. جاراقاتى از مۇنداي وتالاردىڭ ناۋقاسقا تيىمدىلىگىن ايتپاعاندا, جاڭا تەحنولوگيانى ەنگىزۋدىڭ كوسمەتيكالىق, مەديتسينالىق جانە ەكونوميكالىق جاعىنان ارتىقشىلىعى ايقىن سەزىلىپ كەلەدى ەكەن. جاڭا ەندوحيرۋرگيالىق تەحنولوگيا حيرۋرگيامەن شەكتەس گينەكولوگيا, ونكولوگيا, وتورينولورينگولوگيا, ۋرولوگيا, قان تامىر حيرۋرگياسى, تراۆماتولوگيا جانە ورتوپەديادا كەڭىنەن قولدانىلا باستاعان.اقتاۋدا وتكەن قازاقستاننىڭ ەندوسكوپيست حيرۋرگتەرى قاۋىمداستىعىنىڭ كەزەكتى II سەزى وسى تەحنولوگيانىڭ تيىمدىلىگىن ارتتىرۋعا, رەسەي, ۋكراينا, قىرعىزستان, تاجىكستان, وزبەكستان, ازەربايجان, گرۋزيا, گەرمانيا, فرانتسيا وتاشى دارىگەرلەرىنىڭ ءوزارا تاجىريبە الماسۋىنا ارنالدى. سەزگە قاتىسقان وتاشى دارىگەرلەر شەبەرلىك ساباقتارىن وتكىزدى. ەندوحيرۋرگيا كافەدراسىنىڭ پروفەسسورلارى مەن دوتسەنتتەرى – پروفەسسور س.توقپانوۆ, پروفەسسور ي.كوتلوبوۆسكي, پروفەسسور و.وسپانوۆتار جۇرگىزگەن ساباق بارىسىندا وبلىستىق اۋرۋحانا بازاسىندا لاپاراسكوپيالىق حيرۋرگيا ادىسىمەن ءىش قۋىسىن قاراپ, اسقازان جانە سوقىر ىشەكتى سىلىپ الۋ وتاسى 3D ترانسلياتسياسى ارقىلى جاسالدى.«بۇدان 20 جىل بۇرىن تىلىكسىز وتا جاساۋ دەگەن فرازانى جۇرت تەك فيليپپيندىك حيمەرلەر ءىسى دەپ تۇسىنەتىن. ءتىپتى, ناعىز مامان دارىگەرلەر ءۇشىن دە كۇردەلى حيرۋرگيالىق وتالاردى كىشكەنە تەسىك ارقىلى جاساۋ اقىلعا قونىمسىز كورىنەتىن. ءبۇگىندە بۇل ءتاسىل ادىستەمە جەتىستىكتەرىنىڭ قاتارىندا. ەلىمىزدەگى العاشقى لاپاروسكوپيالىق وتا تاۋەلسىزدىك العان جىلدارى بولدى, ودان بەرى بۇل ءادىس نارىقتىڭ دا, داعدارىستىڭ دا تەزىنەن ءوتىپ, كۇننەن-كۇنگە جەتىلىپ كەلەدى», – دەيدى قازاقستاننىڭ ەندوسكوپيست حيرۋرگتەرى قاۋىمداستىعىنىڭ پرەزيدەنتى, پروفەسسور ورال وسپانوۆ.وسىلايشا, ءبىزدىڭ دارىگەرلەر شەتەلدىك ءارىپتەستەرىن قازاقستانعا جيىپ, تاجىريبە الماستى. بۇل ءداستۇرلى قالىپقا ءتۇسىپ, جىل سايىن ۇيىمداستىرىلماق. ۇيرەنگەنىنىڭ جەمىسى كادەگە جاراسا, حالىققا كەرەگى – سول.گۇلايىم شىنتەمىرقىزى, «ەگەمەن قازاقستان».ماڭعىستاۋ وبلىسى.