شاعىمدانۋشىلاردىڭ تورتەۋى – بالالار. بۇل تۋرالى استانا اكىمدىگىنىڭ ءباسپاسوز قىزمەتى حابارلادى.
استانا قالاسىنىڭ قوعامدىق دەنساۋلىق ساقتاۋ باسقارماسى ەلورداداعى تومەن اۋا تەمپەراتۋراسى سالدارىنان مەديتسينالىق كومەك الۋ ءۇشىن مەديتسينالىق ۇيىمدارعا جۇگىنگەن ازاماتتار جونىندەگى اقپاراتتى ۇسىنادى.
«6 اقپانداعى جاعدايعا سايكەس استاناداعى تومەن اۋا تەمپەراتۋرا سالدارىنان مەديتسينالىق كومەك الۋ ءۇشىن دەنەسىن ۇسىك شالعان 14 ادام مەديتسينالىق ۇيىمدارعا جۇگىندى» دەلىنگەن باسقارمانىڭ حابارلاماسىندا. كومەككە جۇگىنگەندەردىڭ 10-ى – ەرەسەك ادامدار, 4-ءى – بالالار.
2017 جىلى تۋعان ءبىر بالا №2 قالالىق بالالار اۋرۋحاناسىنا جاتقىزىلدى. بالانىڭ جاعدايى اۋىرلىعى ورتاشا دەپ باعالانىپ وتىر. ۇسىك شالۋدىڭ جەڭىل دەڭگەيىنە بايلانىستى قالعان ازاماتتار تۇرعىلىقتى مەكەنجايى بويىنشا امبۋلاتورلىق ەم قابىلدايتىن بولادى. «دارىگەرلەر مەن مامانداردىڭ جەدەل ارەكەتى مەن ۇيىمداسقان جۇمىسىنىڭ ارقاسىندا كومەككە جۇگىنگەن ازاماتتاردىڭ بارلىعىنا مەديتسينالىق كومەك تولىق كولەمدە كورسەتىلىپ, ۇسىك شالۋدىڭ اۋىر سالدارى مەن اسقىنۋىنا جول بەرىلگەن جوق» دەپ مالىمدەدى باسقارمادا. ۇسىك شالۋدان بولعان ءولىم وقيعاسى تىركەلگەن جوق.