مەتسەنات بولات وتەمۇراتوۆتىڭ قورى الماتى وبلىسىنىڭ جاركەنت قالاسىنداعى پەرزەنتحاناعا «Genesis» تىنىس الۋ اپپاراتى مەن «ۆم-پاتسيەنت» مونيتورىن تارتۋ ەتتى.
يسپانيانىڭ «Hersill.SL» كومپانياسىندا جاسالعان «Genesis» اپپاراتى ناۋقاسقا ناركوز كەزىندە تىنىس الۋعا مۇمكىندىك بەرەتىن زاماناۋي تەحنولوگيامەن جۇمىس ىستەتيدى. ونىڭ قۇنى 15 ملن 900 مىڭ تەڭگە شاماسىندا ەكەن. ال «ۆم-پاتسيەنت» مونيتورى وڭتۇستىك كورەيادان 6 ملن 150 مىڭ تەڭگەگە ارنايى جاركەنت پەرزەنتحاناسى ءۇشىن اكەلىنىپتى.
قايرىمدىلىق شاراسىنا ارنايى كەلگەن الماتى وبلىسى اكىمىنىڭ ورىنباسارى اقان ابدۋاليەۆ شالعايداعى ەل تۇرعىندارىنا جاساعان جاقسىلىعى ءۇشىن قور ۇجىمىنا العىس ايتتى.
- وبلىستىق بيۋدجەتتەن جىل سايىن دەنساۋلىق ساقتاۋ سالاسىنا قارجى بولىنەدى. الايدا اۋداندارداعى دەنساۋلىق ساقتاۋ مەكەمەلەرىن وزىق تەحنولوگياداعى جاڭا اپپاراتۋرالارمەن تولىق قامتاماسىز ەتۋگە بيۋدجەت قارجىسى جەتە بەرمەيتىنى راس. بولات وتەمۇراتوۆتىڭ قورى جاركەنت پەرزەنتحاناسى ءۇشىن يگى ءىس جاسادى. بۇل وسى ايماقتاعى انا مەن بالاعا دەگەن قامقورلىقتىڭ ۇلگىسى, – دەدى وبلىس اكىمىنىڭ ورىنباسارى اقان ابدۋاليەۆ.