بۇگىن سىرتقى ىستەر مينيسترلىگىنىڭ رەسمي وكىلى ا.سمادياروۆ بريفينگ وتكىزىپ, وندا ەۋرازيالىق ۇكىمەتارالىق كەڭەسى وتىرىسىنىڭ قورىتىندىلارى تۋرالى; سىرتقى ىستەر مينيسترلىگىنىڭ ەكونوميكالىق ديپلوماتياسىن ىلگەرىلەتۋدەگى جۇمىسىنىڭ تەتىكتەرى تۋرالى; قازاقستان دەلەگاتسياسىنىڭ براتيسلاۆادا انتيسەميتيزمگە قارسى كۇرەس جونىندەگى ەقىۇ حالىقارالىق كونفەرەنتسياسىنا قاتىسۋى تۋرالى جانە شانحاي ىنتىماقتاستىق ۇيىمىنىڭ ايماقتىق لاڭكەستىككە قارسى قۇرىلىمىنىڭ اتقارۋ كوميتەتى ديرەكتورىنىڭ استاناعا ساپارى تۋرالى كەڭىنەن اقپارات بەردى.
1) ەۋرازيالىق ۇكىمەتارالىق كەڭەسى وتىرىسىنىڭ قورىتىندىلارى تۋرالى
1 اقپاندا الماتى قالاسىندا ەۋرازيالىق بەستىكتىڭ ۇكىمەت باسشىلارى دەڭگەيىندە ەۋرازيالىق ۇكىمەتارالىق كەڭەسىنىڭ كەزەكتى وتىرىسى ءوتتى.
ءىس-شارا بارىسىندا ەاەو شەڭبەرىندە ينتەگراتسيالىق ءوزارا ءىس-قيمىلدىڭ بىرقاتار كوكەيكەستى ماسەلەلەرى قارالدى. ۇكىمەت باسشىلارى قول جەتكەن ۋاعادالاستىقتاردى ىسكە اسىرۋدىڭ ارالىق قورىتىندىسىن شىعارىپ, وداقتاعى بۇدان ءارى جۇمىستىڭ باعىتتارىن بەلگىلەدى.
ءىس-شارا قورىتىندىسىندا ۇكىمەتارالىق كەڭەس مۇشەلەرى ەۋرازيالىق ەكونوميكالىق وداعىنىڭ تسيفرلىق كۇن تارتىبىندەگى جوبالاردى ىسكە اسىرۋ تەتىكتەرىن بەكىتىپ, 2018 جىلداعى وداق ەلدەرىنىڭ ءوزارا ساۋدا احۋالىن, سونداي-اق وداققا مۇشە مەملەكەتتەردىڭ ماكروەكونوميكالىق جاعدايىن, وداقتىڭ ورتاق گاز نارىعىن قالىپتاستىرۋ جانە ۇلتۇستىلىك كاسىپورىنداردى قۇرۋ بويىنشا ماسەلەلەر قاراستىردى.
سونىمەن قاتار, وتىرىس قورىتىندىسى بويىنشا كەمە قاتىناسى تۋرالى كەلىسىمگە قول قويىلدى. بۇل كەلىسىم وداققا مۇشە مەملەكەتتەرگە بىرىڭعاي كولىك كەڭىستىگىن, سۋ كولىگى قىزمەتتەرىنىڭ جالپى ىشكى نارىعىن قۇرۋعا, سونداي-اق ترانزيتتىك الەۋەتتى جۇزەگە اسىرۋعا جانە كولىك كەشەندەرىنىڭ دامۋىنا ۇلەس قوسادى. قۇجات وداققا مۇشە ەلدەرىنىڭ جالاۋلارى بار كەمەلەردىڭ باسقا مۇشە مەملەكەتتەردىڭ ىشكى سۋ جولدارىنا ءوزارا قولجەتىمدىلىگىن جەڭىلدەتەدى. قازىرگى كەزدە سۋ جولدارىنا رۇقسات بەرۋ جۇيەسى بار. اتالعان قۇجات حابارلاندىرۋ جۇيەسىنە كوشۋگە مۇمكىندىك بەرەدى. اتاپ ايتقاندا, وداققا مۇشە مەملەكەتتەردىڭ جالاۋلارىمەن جۇزەتىن كەمەلەرگە قول جەتىمدىلىك حابارلاماعا نەگىزدەلەدى.
ەۋرازيالىق ۇكىمەتارالىق كەڭەسىنىڭ كەزەكتى وتىرىسى ءۇ.ج. ءساۋىردىڭ اياعىندا نەمەسە مامىردىڭ باسىندا ەرەۆان قالاسىندا وتەدى.
بۇدان بولەك, ەستەرىڭىزگە سالا كەتسەك, بيىلعى جىلدىڭ 29 مامىرىندا ەلوردادا مەملەكەت باسشىلارى دەڭگەيىندەگى جوعارى ەۋرازيالىق ەكونوميكالىق كەڭەسىنىڭ وتىرىسى وتەدى. ايتا كەتەرلىك جايت, ءدال سول كۇنى استانادا قول قويىلعان ەۋرازيالىق ەكونوميكالىق وداقتىڭ قۇرۋ تۋرالى شارتىنا 5 جىل تولادى.
2) قر سىرتقى ىستەر مينيسترلىگىنىڭ ەكونوميكالىق ديپلوماتياسىن ىلگەرىلەتۋدەگى جۇمىسىنىڭ تەتىكتەرى تۋرالى
30 قاڭتاردا قازاقستان پرەزيدەنتى نۇرسۇلتان نازارباەۆتىڭ توراعالىعىمەن وتكەن ۇكىمەتتىڭ كەڭەيتىلگەن وتىرىسىنىڭ قورىتىندىسى بويىنشا ەلباسى «ينۆەستيتسيالاردى تارتۋدىڭ كۇردەلى ەكوجۇيەسىن قۇرۋ, اسىرەسە دامىعان ەلدەردىڭ ينۆەستورلارىنا نازار اۋدارۋ» تاپسىرماسىن قويعان بولاتىن.
قازاقستان سىرتقى ىستەر مينيسترلىگى مەملەكەت باسشىسىنىڭ وسى بۇيرىعىن ورىنداۋ بويىنشا جۇمىسىن دەرەۋ باستادى. بۇگىنگى تاڭدا شەتەلدىك ينۆەستورلارمەن ءوزارا ارەكەتتەسۋدىڭ بارلىق جۇيەسىندەگى جاڭا جۇمىس فورماتى قۇرىلۋدا.
ەلباسى ايتقانداي سىرتقى ىستەر مينيسترلىگىنە وبلىس اكىمدىكتەردەن باستاپ ەلىمىزدىڭ شەتەلدىك مەكەمەلەرىنە دەيىن قازاقستانعا شەتەلدىك ينۆەستيتسيالاردى تارتۋ بويىنشا بارلىق دەڭگەيدەگى جۇمىستى سينحرونداۋ وكىلەتتىگى بەرىلگەن بولاتىن.
ينۆەستيتسيالاردى تارتۋ تيىمدىلىگىن ارتتىرۋ ماقساتىندا ينۆەستيتسيا تارتۋ ءۇشىن 40 باسىم مەملەكەت انىقتالدى.
قازاقستاننىڭ شەتەلدىك مەكەمەلەر قىزمەتىنىڭ تيىمدىلىگى جانە ەسەپ بەرۋىن ارتتىرۋ ءۇشىن مينيسترلىك ءوز تاراپىنان نەگىزگى كورسەتكىشتەردى ازىرلەدى. ولاردىڭ ىشىندە, ستاتيستيكالىق دەرەكتەر (تىكەلەي شەتەلدىك ينۆەستيتسيالاردىڭ جالپى اينالىمى مەن ساۋدا كولەمى); جاڭا ينۆەستورلاردى تارتۋ جانە قولدانىستاعى ينۆەستورلارمەن جۇمىس جاساۋ (ولاردىڭ كوڭىل-كۇيىن باقىلاۋ, قايتا ينۆەستيتسيالاۋ).
ءاربىر ەلشىلىككە قابىلداۋشى ەلدەگى ناقتى مىندەتتەر مەن جۇمىس كورسەتكىشتەرى انىقتالعان, جاۋاپتى تۇلعالار تاعايىندالىپ, جۇمىسقا جاڭا تاسىلدەر ازىرلەندى.
ورتالىق مەملەكەتتىك جانە جەرگىلىكتى اتقارۋشى ورگاندار مەن ۇلتتىق كومپانيالار باسشىلارىنىڭ ورىنباسارلارىنا ينۆەستيتسيالاردى تارتۋ جانە شەتەلدىك مەكەمەلەرمەن قارىم-قاتىناس ورناتۋ ءۇشىن قاجەتتى فۋنكتسيالار جۇكتەلەدى.
ەلشىلىك – ورتالىق – «Kazakh Invest» ۇك» اك جەلىسىندە وڭىرلەردەگى فرونت-وفيستەرى تىزبەگىندە تىكەلەي ءوزارا ءىس-قيمىل جاساۋ ءۇشىن جوبالىق وفيس شەڭبەرىندە مونيتورينگ جۇيەسى قۇرىلۋدا. بۇل ينۆەستيتسيالاردى تارتۋ پروتسەسىندەگى بارلىق قاتىسۋشىلار اراسىندا تىكەلەي بايلانىس ورناتۋعا مۇمكىندىك بەرەدى.
ەلىمىزدىڭ بارلىق وڭىرلەرىندە «Kazakh Invest» ۇلتتىق كومپانياسىنىڭ فرونت-وفيستەرى جۇمىس اتقارۋدا. ءوز كەزەگىندە, سىرتقى ىستەر مينيسترلىگى ولاردىڭ قىزمەتىن ءبىزدىڭ شەتەلدىك مەكەمەلەرىمەن بىرلەسە ۇيلەستىرەدى.
3) قازاقستان دەلەگاتسياسىنىڭ براتيسلاۆادا انتيسەميتيزمگە قارسى كۇرەس جونىندەگى ەقىۋ حالىقارالىق كونفەرەنتسياسىنا قاتىسۋى تۋرالى
4-5 اقپاندا براتيسلاۆا قالاسىندا سلوۆاكيانىڭ ەۋروپاداعى قاۋىپسىزدىك جانە ىنتىماقتاستىق ۇيىمىنا توراعالىعى شەڭبەرىندە العاشقى ءىرى ءىس-شاراسى رەتىندە وتەتىن انتيسەميتيزمگە قارسى كۇرەس جونىندەگى ەقىۇ حالىقارالىق كونفەرەنتسياسى وتكىزىلەدى.
كونفەرەنتسياعا قازاقستان دەلەگاتسياسىن سىرتقى ىستەر ءمينيسترىنىڭ ورىنباسارى رومان ۆاسيلەنكو باسقارادى.
براتيسلاۆاعا ساپار بارىسىندا ەقىۇ قازىرگى توراعاسى – سلوۆاكيانىڭ سىرتقى جانە ەۋروپا ىستەرى ءمينيسترى ميروسلاۆ لايچاكپەن, سونداي-اق ەلدىڭ بىرقاتار مەملەكەتتىك ورگاندارىنىڭ باسشىلىعىمەن ەكىجاقتى كەزدەسۋلەرى جوسپارلانعان.
4) شانحاي ىنتىماقتاستىق ۇيىمىنىڭ ايماقتىق تەرروريزمگە قارسى قۇرىلىمىنىڭ اتقارۋ كوميتەتى ديرەكتورىنىڭ استاناعا ساپارى تۋرالى
5-6 اقپاندا شانحاي ىنتىماقتاستىق ۇيىمىنىڭ ايماقتىق تەرروريزمگە قارسى قۇرىلىمىنىڭ اتقارۋشى كوميتەتىنىڭ جاڭادان تاعايىندالعان ديرەكتورى دجۋماحون گيوسوۆتىڭ استانا قالاسىنا ساپارى وتەدى.
ساپار بارىسىندا دجۋماحون گيوسوۆتىڭ ەلىمىزدىڭ بىرقاتار مەملەكەتتىك ورگاندارى, ونىڭ ىشىندە سىرتقى ىستەر مينيسترلىگىنىڭ باسشىلىعىمەن كەزدەسۋلەرى جوسپارلانعان. ولاردىڭ شەڭبەرىندە تاراپتار ء«ۇش ز ۇلىمدىققا» قارسى تۇرۋ (تەرروريزم, سەپاراتيزم, ەكسترەميزم), ماڭىزدى نىسانداردىڭ قاۋىپسىزدىگىن قامتاماسىز ەتۋ جانە شانحاي ىنتىماقتاستىق ۇيىمى - اۋعانستان بايلانىس توبى ارقىلى ىنتىماقتاستىقتى دامىتۋ ماسەلەلەرىن تالقىلايدى.