ءو.سۇلتانعازين اتىنداعى قوستاناي مەملەكەتتىك پەداگوگيكالىق ۋنيۆەرسيتەتىندە ءداستۇرلى «التىنسارين وقۋلارى-2019» عىلىمي-تاجىريبەلىك كونفەرەنتسياسى ءوتتى.
وندا عالىمدار مەن پەداگوگتار «رۋحاني جاڭعىرۋ» باسىم ويلارى كونتەكستىندە زاماناۋي ءبىلىم بەرۋدىڭ وزەكتى باعىتتارى», «زاماناۋي مەكتەپ پەن جوو جاعدايىندا ينكليۋزيۆتى ءبىلىم بەرۋ بولاشاعى», «زاماناۋي ءبىلىم بەرۋ ماشىقتانۋىندا يننوۆاتسيالىق تەحنولوگيالار مەن ادىستەردى قولدانۋ تاجىريبەسى», ء«بىلىم بەرۋدى ساندىق جۇيەگە كوشىرۋ جاعدايىندا تاربيە الەۋەتىن ارتتىرۋ بويىنشا جۇمىستى ۇيىمداستىرۋ» دەگەن بۇگىنگى كۇنى وزەكتى ءتورت ماسەلەنى قارادى.
كونفەرەنتسياعا پەداگوگ-عالىمدار مەن وبلىس وڭىرىندەگى مەكتەپ مۇعالىمدەرى, جوعارى, ورتا وقۋ ورىندارىنىڭ وقىتۋشىلارى قاتىستى. سونىمەن قاتار كونفەرەنتسياعا ماسكەۋ مەملەكەتتىك حالىقارالىق قاتىناستار ينستيتۋتىنىڭ پروفەسسورى, پەداگوگيكا عىلىمدارىنىڭ دوكتورى ەلەنا بەرەجنوۆا كەلدى.
كونفەرەنتسيانىڭ پلەنارلىق ماجىلىسىندە ءبىلىم ورداسىنىڭ رەكتورى, پروفەسسور ەركىن ءابىل ۋنيۆەرسيتەتتىڭ بۇگىنگى ميسسياسى قانداي بولۋى كەرەك دەگەن ماسەلەگە توقتادى.
ۋنيۆەرسيتەت ميسسياسى قازىر ءبىلىم بەرۋ, عىلىم جانە ءوڭىردى دامىتۋ پروبلەمالارىنان تۇرۋى كەرەك. قازىر جالپى جوعارى وقۋ ورىندارىنىڭ قوعامنىڭ, ەكونوميكانىڭ دامۋىنا قانداي اسەرى بولىپ وتىر؟ ونى ىلعي دا زەرتتەپ, زەردەلەپ وتىرۋ كەرەك. مىسالى, پەداگوگيكالىق جوعارۋ وقۋ ورىندارى نەگە تەك عانا پەداگوگتەر دايىنداۋى كەرەك؟ ۋنيۆەرسيتەت جالعاسىن تاباتىن ءبىلىم بەرۋ ورداسى عانا بولماي, قوعامداعى الەۋمەتتىك ىستەردىڭ ورتالىعىنا اينالۋى ءتيىس. مىسالى, ۆولونتەرلىك ىستەردىڭ جوعارى وقۋ ورىندارىنان ءورىس الىپ جاتقانى بەلگىلى , – دەدى ەركىن امانجول ۇلى.
ال جۋرناليستەرگە بەرگەن سۇحباتىندا ماسكەۋلىك عالىم-پەداگوگ ەلەنا بەرەجنوۆا ءبىلىم بەرۋ سالاسىنداعى تسيفرلاندىرۋ ۇدەرىسىنە بايىپپەن قاراۋ كەرەكتىگىن ايتتى.
«اقپاراتتاندىرۋ, تسيفرلاندىرۋ ءومىردىڭ بارلىق سالاسىن دەندەپ قامتىپ وتىر. بۇدان ەشقايدا قاشا المايمىز. مىسالى, تسيفرلاندىرۋ ەكونوميكانىڭ بارلىق سالاسىن قامتىدى, ءتىپتى ەلەكتروندىق ساۋدا جۇزەگە اسۋدا, ال ءبىلىم سالاسىندا ەلەكتروندىق وقىتۋ جۇيەسى دەگەن تۇسىنىك پايدا بولدى. مۇمكىن پەداگوگيكا عىلىمى ءومىردىڭ وسى اعىسىنان شامالى كەشىككەن بولار. بارلىق جاڭالىقتىڭ عىلىمي نەگىزى بولۋى ءتيىس. ال قازىر ءدال وسى عىلىمي دالەلدەمە, نەگىزدەۋ جەتىسە بەرمەيدى. جاڭانىڭ بارلىعىن كەرەمەت, جاقسى دەپ ويلاماۋ كەرەك. كەيدە جاڭالىق ەسكى قالىپتاسقان, دۇرىس جۇيەنى بۇزۋى مۇمكىن. كەيدە ءبىلىم بەرۋ كونۆەرۆاتورولىق جۇيە بولىپ كورىنەدى. بىراق ول جامان دا ەمەس, تەك شامادان تىس بولماۋى ءتيىس. كونسەرۆاتورلىق عاسىرلار, جىلدار بويى ءار ەلدەردەگى, پەداگوگتاردىڭ ءار تولقىنى قالىپتاستىرعان, جاساعان تاجىريبەنى ساقتاۋعا مۇمكىندىك بەرەدى. ەكىنشى جاعىنان جاڭا تەحنولوگيالار عاسىرى كەلدى. اڭگىمە, ونى بۇرىنعىنى بۇزباي, قولدا باردى جوعالتپاي قالاي پايدالانا, قابىلداي بىلۋدە» دەدى ەلەنا ۆيكتوروۆنا.
كونفەرەنتسياعا قاتىسۋشىلار پەداگوگيكا جانە ءبىلىم بەرۋ سالاسىنداعى بۇگىنگى وزەكتى ماسەلەلەردى ءتورت سەكتسياعا ءبولىنىپ تالقىلادى.
ءنازيرا جارىمبەت,
Egemen Qazaqstan
قوستاناي