قازىرگى ۋاقىتتا بجت تولەۋ تولەۋشىنىڭ اقشانى قولما-قول نەمەسە ەكىنشى دەڭگەيلى بانكتەر مەن «قازپوچتا» اق بولىمشەلەرى ارقىلى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ بانك شوتىنا قولما-قول اقشاسىز سالۋى ارقىلى جۇرگىزىلەدى.
تولەۋشىلەر بجت تولەۋدى بجت تولەم جۇرگىزىلەتىن ايدى كورسەتە وتىرىپ, دەربەس نەمەسە ونىڭ پايداسىنا ءۇشىنشى تۇلعا جۇزەگە اسىرادى.
رەسپۋبليكالىق ماڭىزى بار قالالاردىڭ, استانانىڭ جانە وبلىستىق ماڭىزى بار قالالاردىڭ تولەۋشىلەرى ءۇشىن 1 اەك (2 525 تەڭگە), باسقا ەلدى مەكەندەردىڭ تولەۋشىلەرى ءۇشىن - 0,5 اەك (1 262,5 تەڭگە) مولشەرىندە تولەم سوماسى تولەنەدى.
«ازاماتتارعا ارنالعان ۇكىمەت» مەملەكەتتىك كورپوراتسياسى بجت سوماسىن مىناداي مولشەردە:
تولەۋشىنى تىركەۋ ورنى بويىنشا مەملەكەتتىك كىرىستەر ورگانىنا جەكە تابىس سالىعى تۇرىندەگى بجت مولشەرىنىڭ 10 پايىزىن;
مەملەكەتتىك الەۋمەتتىك ساقتاندىرۋ قورىنا الەۋمەتتىك اۋدارىمدار تۇرىندە بجت-نىڭ مولشەرىنىڭ 20 پايىزىن;
بىرىڭعاي جيناقتاۋشى زەينەتاقى قورىنا مىندەتتى زەينەتاقى جارنالارى تۇرىندە بجت مولشەرىنىڭ 30 پايىزىن;
الەۋمەتتىك مەديتسينالىق ساقتاندىرۋ قورىنا مىندەتتى مەديتسينالىق ساقتاندىرۋعا اۋدارىمدار تۇرىندە بجت مولشەرىنىڭ 40 پايىزىن بولەدى جانە اۋدارادى.
بۇگىنگى كۇنى 2 100-دەن استام تولەم ءتۇستى. بجت ونلاين رەجيمدە تولەۋ «قازپوچتا» اق سايتى جانە تەرمينالدارى, سونداي-اق Kaspi.kz - كاسپي بانكىنىڭ ءموبيلدى قوسىمشاسى ارقىلى جۇزەگە اسىرىلادى.
E.gov پورتالىندا ەلەكتروندى قىزمەت ارقىلى بجت ونلاين رەجيمىندە تولەۋ 2019 جىلعى اقپان ايىنىڭ سوڭعىنا دەيىن ىسكە اسىرىلاتىن بولادى. قىزمەت E.gov پورتالىندا جۇزەگە اسىرىلعاننان كەيىن E.gov-مەن بىرىكتىرۋ ارقىلى ۇقساس قىزمەت مەملەكەتتىك كىرىستەر كوميتەتىنىڭ پورتالىندا (kgd.gov.kz), سونداي-اق «سالىق تولەۋشىلەردىڭ كابينەتى» web-قوسىمشاسىندا جۇزەگە اسىرىلاتىن بولادى.