باياناۋىلدا «قانىش ايتقان اسەم اندەر» بايقاۋى وتەدى

مۋزەي قايتا جابدىقتالعان  2 زالدان, 60 ورىندىق ءدارىس زالىنان تۇرادى. ال, ەكىنشى قاباتتاعى قوسىمشا زالدا  عالىمنىڭ تۋعان قىستاۋى, بالالىق, جاستىق شاعى, وتباسىلىق ءومىرى,  ۇلتتىق عىلىم اكادەمياسىنىڭ پرەزيدەنتى بولىپ سايلانعان ۋاقىتقا دەيىنگى, ودان كەيىنگى ءومىر جولدارىنان  ماعلۇمات بەرىلەدى.

بۇل كۇندەرى مۋزەي قورىندا 3435 جادىگەر بار. ونىڭ 1400 جادىگەرى ەكسپوزيتسيا زالىندا  قويىلعان. نەگىزى  مۋزەي  1964 جىلى باياناۋىلعا  ستۋدەنتتىك  قۇرىلىس وتريادىندا بولعان ستۋدەنت جاستار باستاماسىمەن اشىلدى.

مەموريالدىق مۋزەي قىزمەتكەرى   دانا نۇرباەۆانىڭ ايتۋىنشا,بيىل  قانىش ساتباەۆتىڭ  تۋعانىنا 120 جىل تولۋىنا وراي قاراعاندى وبلىسى  ولكەتانۋ-تاريحى مۋزەيىمەن بىرلەسىپ «عاسىردىڭ بيىك تۇلعاسى» اتتى  ارنايى كورمە, وقۋشىلار اراسىندا وبلىستىق عىلىمي تاجىريبەلىك كونفەرەنتسيا وتكىزىلمەك.

سونىمەن بىرگە,  «قانىش سۇيگەن اسەم اندەر» اتتى وڭىرلىك ءان بايقاۋى,    «عالىمنىڭ اتى ولمەيدى» اتتى وبلىستىق جاس اقىندار  ءمۇشايراسىن وتكىزۋ جوسپارلانىپ وتىر.

جۋىردا مۋزەيدە عالىمدى ەسكە الۋ شاراسى ءوتتى. رۋحاني تانىمدىق شارادا جەرگىلىكتى مەكتەپ وقۋشىلارى ابىكەن ارحات پەن  راحىمبەكوۆا اياۋلىم عالىم اتالارىنا ارناعان ولەڭدەرىن وقىدى. اۋىلدىق مادەنيەت ءۇيىنىڭ كوركەمدىك جەتەكشىسى بولات وماروۆ قانىش اتامىز  ورىنداعان ءسۇيىپ ورىنداعان 25 ءاننىڭ ءبىرى «بۇركىتبايدى» ايتىپ بەردى. بۇدان سوڭ, مۇسا شورمانوۆ اۋىلىنداعى ق.ساتباەۆتىڭ اتا باباسى جەرلەنگەن «ايرىق» جەرىنە بارىپ قۇران باعىشتاپ قايتىپتى.

فاريدا بىقاي,

«ەگەمەن قازاقستان»

پاۆلودار وبلىسى