TheBlast.com اتتى امەريكالىق باسىلىمنىڭ مالىمدەۋىنشە, ورتا سالماقتاعى بۇرىنعى الەم چەمپيونى گەننادي گولوۆكين ءوزىنىڭ بۇرىنعى مەنەدجەرلەرى ماكسيميليان جانە ولەگ گەرمانداردى سوتقا بەرگەن جانە ولاردان ءىرى اقشالاي وتەماقىنى تالاپ ەتىپ وتىر. بۇل تۋرالى Sports.kz حابارلادى.
گولوۆكيننىڭ ايتۋىنشا, ماكسيميليان جانە ولەگ گەرمان ادەيى تابىس تۋرالى ەسەپ بەرمەي, سومالارى قۇجاتتاعىدان الدەقايدا جوعارى بولعان كوميسسيا تولەمدەرىن الىپ جۇرگەن. وعان قوسا, مەنەدجەرلەر گولوۆكيننىڭ سوڭعى جەكپە-جەكتەرىن ۇيىمداستىرۋدا ەشقانداي قىزمەت كورسەتپەسە دە ول ءۇشىن اقى تولەۋدى تالاپ ەتىپ وتىر.
GGG گەرماندارمەن ىسكەرلىك قاتىناسىن 2017 جىلى ۇزگەنىن ءمالىم ەتكەن. الايدا ولارمەن كەلىسىمشارت ۇزىلسە دە بۇرىنعى مەنەدجەرلەر گولوۆكيننىڭ ساۋل «كانەلو» الۆارەسپەن ەكىنشى جەكپە-جەگىنەن بارىنشا تابىس تابۋعا تىرىسقان.
باسىلىمنىڭ مالىمەتىنشە, گەننادي ولاردان بۇرىنعى كەلىسىمدەرىنەن ولار پايدا كورگەن 3,5 ميلليون اقش دوللارى كولەمىندەگى سومانىڭ قايتارىلۋىنان ءۇمىتتى. ول سونداي-اق مەنەدجەرلەرمەن بايلانىسىن رەسمي تۇردە ۇزەتىن سوت شەشىمىن كۇتىپ وتىر.