بۇگىن وبلىس اكىمى ارحيمەد مۇحامبەتوۆ قالا اكتيۆىنە قالانىڭ جاڭا اكىمى قايرات احمەتوۆتى تانىستىردى.
«قايرات احمەتوۆ فەدوروۆ اۋدانى ەكونوميكاسى مەن الەۋمەتتىك سالاسىنىڭ كوركەيۋىنە كوپ جۇمىس جاسادى. تاجىريبەلى اكىم وبلىستاعى ەڭ ءىرى قوستاناي اۋدانىنىڭ تىزگىنىن ۇستادى. ەندى ول قوستاناي قالاسىندا مەملەكەتتىك باعدارلامالاردى جۇزەگە اسىراتىن بولادى. قالا تۇرعىندارىنىڭ ءومىر ساپاسىن جاقسارتۋعا, جول, ينفراقۇرىلىم ماسەلەلەرىن شەشۋدى تاپسىرامىن», - دەدى ارحيمەد مۇحامبەتوۆ.
قايرات احمەتوۆ 1965 جىلى تۋعان, ءبىلىمى جوعارى. 1987 جىلى تسەلينوگراد اۋىل شارۋاشىلىعى ينستيتۋتىن اگرونوم ماماندىعى بويىنشا بىتىرگەن. ەڭبەك جولىن اگرونومدىقتان باستاپ, وبلىستىق اۋىل شارۋاشىلىعى دەپارتامەنتىنىڭ باسشىسى بولعان. 2002 جىلدىڭ قازانىنان 2006 جىلدىڭ ساۋىرىنە دەيىن قوستاناي وبلىسى مەندىقارا اۋدانىنىڭ اكىمى قىزمەتىن اتقاردى. 2006 جىلى ماۋسىمدا قوستاناي وبلىسى اۋىل شارۋاشىلىعى دەپارتامەنتىنىڭ ديرەكتورى بولىپ تاعايىندالدى. 2007-2010 جىلدارى قاراسۋ اۋدانىنىڭ اكىمى بولىپ جۇمىس ىستەدى. 2010 جىلدىڭ قازان ايىندا فەدوروۆ اۋدانىنىڭ اكىمى لاۋازىمىنا تاعايىندالدى. بۇعان دەيىن قوستاناي اۋدانىنىڭ اكىمى لاۋازىمىن اتقاردى.
ايتا كەتۋ كەرەك, بۇعان دەيىن قالا اكىمى قىزمەتىن اتقارعان بازىل جاقىپوۆ دەنساۋلىق جاعدايىنا بايلانىستى ءوز ەركىمەن جۇمىسىنان كەتتى.