ورتالىق كوممۋنيكاتسيالار قىزمەتىندە 2018 جىل بويىنشا قر قارۋلى كۇشتەرىنىڭ قىزمەت قورىتىندىسىنا ارنالعان ءباسپاسوز كونفەرەنتسياسى ءوتتى. وعان قر قورعانىس ءمينيسترىنىڭ ورىنباسارى گەنەرال-لەيتەنانت تالعات مۇحتاروۆ قاتىستى.
جۋرناليستەرمەن كەزدەسۋ بارىسىندا قورعانىس ءمينيسترىنىڭ ورىنباسارى قر قك-دەگى قر پرەزيدەنتىنىڭ جىل سايىنعى جولداۋىنىڭ ىسكە اسىرىلۋ بارىسى, قازاقستان ارمياسى اسكەري قىزمەتشىلەرىنىڭ الەۋمەتتىك قامتاماسىز ەتىلۋى, بىتىمگەرشىلىك قىزمەت, جاۋىنگەرلىك دايارلىق بارىسى تۋرالى ايتىپ بەردى, سونداي-اق باق وكىلدەرىنىڭ سۇراقتارىنا جاۋاپ بەردى.
2018 جىل قر قك ءۇشىن جاقسى كورسەتكىشتەرمەن اياقتالدى. قك الدىندا تۇرعان نەگىزگى مىندەتتەر ورىندالدى. وتكىزىلگەن ءىس-شارالار ەلىمىزدىڭ قورعانىس قابىلەتىن نىعايتىپ, اسكەري قىزمەتتىڭ بەدەلىن ارتتىردى, قك-نىڭ جاۋىنگەرلىك ازىرلىگى مەن جاۋىنگەرلىك قابىلەتىنىڭ قاجەت ەتىلەتىن دەڭگەيىن قامتاماسىز ەتتى.
جاۋىنگەرلىك دايارلىقتىڭ 116 ءىس-شاراسى, 2313 جاۋىنگەرلىك وق اتۋ, 664-تەن اسا تاكتيكالىق وقۋ-جاتتىعۋ وتكىزىلدى. جۇمىلدىرۋ دايارلىعى اياسىندا 12 كوماندالىق-شتابتىق جۇمىلدىرۋ وقۋ-جاتتىعۋى وتكىزىلدى.
جوعارى بىلىكتى اسكەري كادرلاردى دايىنداۋ ءبىلىم بەرۋدىڭ بارلىق دەڭگەيلەرىندە سەرجانتتان باستاپ گەنەرالعا دەيىن وقىپ-ۇيرەنۋشىلەردىڭ ساباقتاستىق دايىندىعىن قامتاماسىز ەتەتىن 9 اسكەري وقۋ ورنىن قامتيتىن اسكەري ءبىلىم بەرۋدىڭ بىرىڭعاي كوپ دەڭگەيلى جۇيەسىندە وتكىزىلەدى.
قك-دەگى تاربيە جانە يدەولوگيالىق جۇمىس جۇيەلى نەگىزدە جۇرگىزىلەدى جانە اسكەري ءتارتىپتى, قۇقىق ءتارتىبىن نىعايتۋعا, اسكەري قىزمەتشىلەردىڭ كونستيتۋتسيالىق پارىزعا ادال بولۋىنا, پاتريوتيزم سەزىمى مەن قولباسشىلىق بۇيرىقتارىنىڭ مۇلتىكسىز ورىندالۋىنا تاربيەلەۋگە باعىتتالعان. جۇرگىزىلگەن جۇمىس ناتيجەلەرى بويىنشا قۇقىق بۇزۋشىلىقتىڭ سانى 9%-عا تومەندەدى.
قر پرەزيدەنتىنىڭ «رۋحاني جاڭعىرۋ» باعدارلاماسىنىڭ رۋحاني-ادامگەرشىلىك جاڭعىرۋىنا بەرگەن قارقىنىنىڭ ارقاسىندا اسكەري-پاتريوتتىق تاربيە بەرۋدىڭ جۇيەسى جەتىلدىرىلۋدە. وقۋشىلاردىڭ پاتريوتتىق سانا-سەزىمىن, بەلسەندى ازاماتتىق ۇستانىمدى جانە وتانعا ادال قىزمەت ەتۋگە ازىرلىكتى قالىپتاستىرۋ ءۇشىن قم ۇلتتىق اسكەري-پاتريوتتىق ورتالىعى جانىندا بارلىق وڭىرلەردەگى فيليالدارمەن «جاس سارباز» رەسپۋبليكالىق اسكەري-پاتريوتتىق قوزعالىسى قۇرىلدى. 2020 جىلعا دەيىن اسكەري-پاتريوتتىق جۇمىستى جەتىلدىرۋدىڭ «ۇلتجاندى سارباز» تۇجىرىمداماسىنىڭ جوباسى ازىرلەندى. اسكەري قىزمەتشىلەردىڭ باسپانا جاعدايىن جاقسارتۋ ماقساتىندا تۇرعىن ۇيمەن قامتاماسىز ەتۋدىڭ جاڭا مودەلى قولدانىسقا ەنگىزىلدى. 2018 جىلعى 01.01. باستاپ اي سايىن اسكەري قىزمەتشىلەردىڭ جەكە ارنايى شوتتارىنا ەكىنشى دەڭگەيلى بانكتەردە اسكەري قىزمەتتەگى ەڭبەك وتىلىنە قاراماستان اسكەري قىزمەتشىلەرگە تۇرعىن ءۇي تولەمدەرى اۋدارىلادى. 2000-عا جۋىق اسكەري قىزمەتشى جەكە مەنشىك باسپانالارىنا قول جەتكىزدى, 40 000-نان جوعارى اسكەري قىزمەتشى تۇرعىن ءۇي تولەمدەرىمەن قامتاماسىز ەتىلدى.
قم قىزمەتىنىڭ ماڭىزدى اسپەكتىلەرى قاتارىندا حالىقارالىق اسكەري ىنتىماقتاستىق بولىپ وتىر. اسكەري سالا, قارۋ-جاراق پەن اسكەري ءبىلىمدى باقىلاۋ, سونداي-اق اسكەري-تەحنيكالىق سالاداعى 600-دەن اسا حالىقارالىق ءىس-شارا ىسكە اسىرىلدى.
بىتىمگەرشىلىك باستامالاردى ىسكە اسىرۋ شەڭبەرىندە قازاقستان بىتىمگەرشىلىك پولكىنىڭ قۇراما بىتىمگەرشىلىك روتاسى (120 ادام) «ليۆانداعى بۇۇ-نىڭ ۋاقىتشا كۇشتەرى» ميسسياسىنا جولداندى. وندا ءۇندى بولىمشەلەرىمەن بىرلەسە تاپسىرمالاردى ورىنداۋدا.
قازاقستان قارۋلى كۇشتەرىنىڭ قازىرگى زامانعى بەت-بەينەسى - بۇل جيناقى جانە جوعارى ۇتقىر ارميانى قۇرۋ جونىندەگى جوعارعى باس قولباسشى نۇرسۇلتان ءابىش ۇلى نازارباەۆتىڭ تاپسىرمالارىنىڭ ىسكە اسىرىلۋىنىڭ ناتيجەسى. بۇگىندە قك-نىڭ جاۋىنگەرلىك الەۋەتى مەن مۇمكىندىكتەرى ىشكى تۇراقتىلىقتى, ەلىمىزدىڭ ەگەمەندىگى مەن تاۋەلسىزدىگىنىڭ قارۋلى قورعانىسىن قامتاماسىز ەتۋ ءۇشىن جەتكىلىكتى دەپ سەنىممەن ايتۋعا بولادى.