سەنبى, 24 قاراشا 2012 7:09
دەنساۋلىق ساقتاۋ مينيسترلىگىندە بىرىڭعاي ۇلتتىق دەنساۋلىق ساقتاۋ جۇيەسىنىڭ ەنگىزىلۋ بارىسىنا ارنالعان ءباسپاسوز ءماسليحاتى ءوتتى.بۇل جۇيەنىڭ ەلىمىزدەگى دەنساۋلىق ساقتاۋ مەكەمەلەرىنە ەنگىزىلگەنىنە ءۇش جىلعا جۋىقتاپتى. كەشەگى جيىندا وسى جىلداردا نە وزگەردى, جۇيەنىڭ تيىمدىلىگى قانداي دەڭگەيدە دەگەن ساۋالدار توڭىرەگىندە ناقتى مالىمەتتەر كەلتىرىلدى.بىرىڭعاي دەنساۋلىق ساقتاۋ جۇيەسى ەنگىزىلگەلى بەرى قازاقستاندا العاش رەت ازاماتتار جوسپارلى ەمدەۋ كەزىندە اۋرۋحانانى ەركىن تاڭداۋ قۇقىعىنا قول جەتكىزگەنى بەلگىلى. مۇنىمەن قوسا, «اقشا ناۋقاسپەن بىرگە جۇرەدى» دەيتىن قاعيدات پايدا بولدى. بۇل ءوز كەزەگىندە باسەكەلەستىك ورتانىڭ قالىپتاسۋىنا اكەلىپ, دارىگەرلەردىڭ جۇمىس ناتيجەسىنە قاراي اقى تولەۋ قالىپتاستى.
سەنبى, 24 قاراشا 2012 7:09
دەنساۋلىق ساقتاۋ مينيسترلىگىندە بىرىڭعاي ۇلتتىق دەنساۋلىق ساقتاۋ جۇيەسىنىڭ ەنگىزىلۋ بارىسىنا ارنالعان ءباسپاسوز ءماسليحاتى ءوتتى.بۇل جۇيەنىڭ ەلىمىزدەگى دەنساۋلىق ساقتاۋ مەكەمەلەرىنە ەنگىزىلگەنىنە ءۇش جىلعا جۋىقتاپتى. كەشەگى جيىندا وسى جىلداردا نە وزگەردى, جۇيەنىڭ تيىمدىلىگى قانداي دەڭگەيدە دەگەن ساۋالدار توڭىرەگىندە ناقتى مالىمەتتەر كەلتىرىلدى.بىرىڭعاي دەنساۋلىق ساقتاۋ جۇيەسى ەنگىزىلگەلى بەرى قازاقستاندا العاش رەت ازاماتتار جوسپارلى ەمدەۋ كەزىندە اۋرۋحانانى ەركىن تاڭداۋ قۇقىعىنا قول جەتكىزگەنى بەلگىلى. مۇنىمەن قوسا, «اقشا ناۋقاسپەن بىرگە جۇرەدى» دەيتىن قاعيدات پايدا بولدى. بۇل ءوز كەزەگىندە باسەكەلەستىك ورتانىڭ قالىپتاسۋىنا اكەلىپ, دارىگەرلەردىڭ جۇمىس ناتيجەسىنە قاراي اقى تولەۋ قالىپتاستى. كەشەگى جيىندا ءسوز العان مەديتسينالىق قىزمەتكە اقى تولەۋ كوميتەتىنىڭ توراعاسى قانات ەرمەكباەۆ, ەڭ باستىسى, جۇيەنىڭ نەگىزگى قاعيداتتارى جۇزەگە اسىپ جاتقانىن باياندادى. «جاڭا ءجۇيە رەسپۋبليكالىق بيۋدجەتتەن قارجىلاندىراتىن ەمدەۋ مەكەمەلەرى تابىسىنىڭ مولايۋىنا مۇمكىندىك بەرىپ, بۇل كورسەتكىش 2009 جىلمەن سالىستىرعاندا 89 پايىزعا ارتتى. مەديتسينا قىزمەتكەرلەرى ساپالى قىزمەت كورسەتۋگە ىنتالانا باستادى. ەمدەۋ مەكەمەلەرى ءۇشىن مەديتسينالىق تەحنيكالاردى ليزينگ بويىنشا ساتىپ الىپ, ماتەريالدىق-تەحنيكالىق بازالاردى نىعايتۋعا جول اشىلدى», – دەدى ول. سونداي-اق, قازىرگى تاڭدا مەديتسينا قىزمەتكەرلەرىنىڭ ايلىق جالاقىسىنا قاتىستى قوعامداعى ءتۇرلى ءپىكىرلەرگە بىلايشا تۇسىنىك بەردى: «جاڭا جۇيەنىڭ ەرەكشەلىگى, ءاربىر ەمدەۋ ۇيىمدارىنا جۇمىسىڭدى ساپالى ىستە, سوعۇرلىم قارجىڭدى مولايت دەيتىن تالاپ قويادى. مىسالى, قازىرگى تاڭدا ءوز قىزمەتكەرلەرىنە جوعارى دەڭگەيدە ايلىق جالاقى تولەپ وتىرعان كوپتەگەن ەمدەۋ مەكەمەلەرى بار. بۇل ولاردىڭ باسەكەلەستىككە قابىلەتتىلىگىن, جۇيەنىڭ تيىمدىلىگىن پايدالانا الاتىندىعىن كورسەتەدى. سوندىقتان, ەلىمىزدەگى مەديتسينا قىزمەتكەرلەرىنىڭ ايلىعى تۋرالى ايتقاندا, ولاردىڭ ءبارى ءبىر دەڭگەيدەگى ايلىق جالاقى الىپ وتىر دەگەن تۇسىنىكتەن اۋلاق بولعان ءجون».
جاڭا جۇيەنىڭ ەرەكشەلىگى رەتىندە جوعارى مامانداندىرىلعان مەديتسينالىق كومەكتىڭ جانە شەتەلدەردەن تەحنولوگيا جەتكىزۋدىڭ جاقسى دامي باستاعانىن ايتۋعا بولادى. وسىعان دەيىن كارديوحيرۋرگيا, تراۆماتولوگيا جانە باسقا دا سالالار بويىنشا كۇردەلى وتالار تەك استانا, الماتى قالالارىندا جاسالىپ كەلگەن بولسا, ەندىگى جەردە بۇل وتالار ەلىمىزدىڭ بارلىق وڭىرىندەگى وبلىس ورتالىقتارىندا جۇزەگە اسىپ جاتىر. ءتىپتى, بۇل وتالار بويىنشا كورسەتكىش وسىدان ەكى جىل بۇرىنعىمەن سالىستىرعاننىڭ وزىندە 4 ەسە وسكەن.بىرىڭعاي ۇلتتىق دەنساۋلىق ساقتاۋ جۇيەسى شەڭبەرىندە تەگىن مەديتسينالىق كومەكتىڭ كەپىلدىك بەرىلگەن كولەمى بويىنشا قىزمەت كورسەتۋدە مەملەكەتتىك جانە جەكە مەنشىك ەمدەۋ مەكەمەلەرى ءۇشىن تەڭدەي جاعداي جاسالعان. سونىڭ ەسەبىنەن مەملەكەتتىك ەمەس سەكتوردىڭ ۇلەسى 17 پايىزعا ارتقان. ءبىر عانا مىسال رەتىندە, گەمودياليز بويىنشا قىزمەت كورسەتۋدى ايتۋعا بولادى. بۇدسج ەنگىزىلگەنگە دەيىن امبۋلاتورلىق دەڭگەيدە گەمودياليز قىزمەتىن كورسەتەتىن جەكە مەنشىك ۇيىم ءبىرەۋ-اق بولسا, وسى جىلدىڭ كورسەتكىشى بويىنشا ەلىمىزدەگى مۇنداي قىزمەت كورسەتەتىن 43 ەمدەۋ مەكەمەسىنىڭ 16-سى جەكە مەنشىك ەكەن.ءدال وسى جۇيەنىڭ شەڭبەرىندە دەنساۋلىق ساقتاۋدى دامىتۋ جاعدايىندا مەديتسينالىق ۇيىمداردى باسقارۋعا جاڭا تالاپتار قويىلىپ جاتقانى بەلگىلى. ءناتيجەسىندە, رەسپۋبليكامىزداعى 915 مەملەكەتتىك ۇيىمنىڭ 42 پايىزى شارۋاشىلىق جۇرگىزۋ قۇقىعىنداعى كاسىپورىنعا اينالىپ, كوپ ماسەلەلەر بويىنشا دەربەس شەشىمدەر قابىلداپ جاتقانى دا ءباسپاسوز ءماسليحاتىندا اتاپ ءوتىلدى.
ايگۇل سەيىلوۆا,«ەگەمەن قازاقستان».