سەنبى, 24 قاراشا 2012 7:10
كۇنگەيدەگى باس شاھاردىڭ الماتى-تاشكەنت كۇرە جولىنا جاقىن ورنالاسقان قالقامانداعى №1 قالالىق كلينيكالىق اۋرۋحانانى حالىق اراسىندا قوناەۆ اۋرۋحاناسى دەپ تە اتايدى. وتىز جىلعا جۋىق تاريحى بار بۇل ەمدەۋ ورنىنىڭ بۇگىنگى تىنىس-ءتىرشىلىگى, پروبلەمالارى جانە الداعى جوسپارلارى جايلى اتالمىش اۋرۋحانانىڭ باس دارىگەرى, مەديتسينا عىلىمدارىنىڭ دوكتورى دامير داۋلەتباەۆتى اڭگىمەگە تارتقان ەدىك.
سەنبى, 24 قاراشا 2012 7:10
كۇنگەيدەگى باس شاھاردىڭ الماتى-تاشكەنت كۇرە جولىنا جاقىن ورنالاسقان قالقامانداعى №1 قالالىق كلينيكالىق اۋرۋحانانى حالىق اراسىندا قوناەۆ اۋرۋحاناسى دەپ تە اتايدى. وتىز جىلعا جۋىق تاريحى بار بۇل ەمدەۋ ورنىنىڭ بۇگىنگى تىنىس-ءتىرشىلىگى, پروبلەمالارى جانە الداعى جوسپارلارى جايلى اتالمىش اۋرۋحانانىڭ باس دارىگەرى, مەديتسينا عىلىمدارىنىڭ دوكتورى دامير داۋلەتباەۆتى اڭگىمەگە تارتقان ەدىك.
– دامير ابايدىلدا ۇلى, سىزدىڭقالاداعى ىرى ەمدەۋ ورنىنىڭتىزگىنىن ۇستاعانىڭىزعا دا بىرازۋاقىت وتىپتى. بۇعان دەيىن دەدەنساۋلىق ساقتاۋ سالاسىنداباسشى قىزمەتتەر اتقارىپجۇرگەن بىلىكتىۇيىمداستىرۋشىسىز. ىستى الدىمەننەدەن باستادىڭىز؟
– كەز كەلگەن باسشى جاڭا ۇجىمعا, مەكەمەگە كەلگەندە الدىمەن ءىستىڭ باعىت-باعدارىن زەرتتەۋدەن باستايدى عوي. مەن دە سولاي جاسادىم. تەكسەرۋ جۇرگىزسەك, اۋرۋحانا 270 ملن. تەڭگە قارىز ەكەن. ونىڭ باستى سەبەبى, ىقشامداۋ كەزىندە اۋرۋحاناداعى توسەك-ورىن سانى قىسقارعان. ماسەلەن, بۇل ەمدەۋ ورنى اشىلعاندا ونىڭ جوبالىق كۇشى 660 توسەك-ورىنعا ەسەپتەلسە, بۇگىندە 200 ورىنعا كەمىگەن. وسىنشاما ۇلكەن عيماراتتى قالايدا ۇستاپ تۇرۋ كەرەك قوي. ونىڭ سۋى, جىلۋى, قىزمەتكەرلەردىڭ جالاقىسى جانە بار. سونىڭ ءبارى جينالىپ كەلىپ, اۋرۋحانانى قارىزعا باتىرعان. قايتا ماعان دەيىنگى باس دارىگەر, پروفەسسور بەكماحان قۇرالباەۆ ەكى جىلدا قارىزدىڭ ءبىرازىن جاۋىپ, اۋرۋحانانىڭ ەرەكشەلىكتەرىن ەسەپتەپ جاڭاشا جۇمىس ىستەۋگە كىرىسكەن ەكەن. ول كىسى نەگىزىنەن ساۋىقتىرۋ پروفيلىنە ىڭعاي بەرىپ, كارديو, جۇيكە ساۋىقتىرۋ بولىمدەرىن اشىپ, ونى شيپاجاي جاعدايىنا بەيىمدەپ, ءبىراز جۇمىستار اتقارىپتى. مەن دە سول ارىپتەسىم باستاعان جۇمىستى زەرتتەپ, بايقاپ ودان ءارى جالعاستىرۋعا تىرىسۋدامىن.
ەڭ الدىمەن, كەزىندە اۋرۋحانانىڭ جەكە مەنشىگىندە بولعان مينەرالدى سۋدىڭ سكۆاجيناسىن قايتارىپ الۋعا ارەكەت جاساپ, پروكۋراتۋراعا, دەنساۋلىق ساقتاۋ مينيسترلىگىنە قاتىناس قاعاز جازدىق. سكۆاجينا 1990 جىلى ۆ.حراپۋنوۆتىڭ كەزىندە جەكە مەنشىككە ءوتىپ كەتكەن. قولىمىزدا «قايتادان اۋرۋحاناعا قايتارىلسىن» دەگەن سوتتىڭ شەشىمى دە بار. بىراق ولار دا قۇجاتتارىن زاڭداستىرىپ العان. كۇرەسىپ جاتىرمىز, ءارى قاراي نە بولارىن ۋاقىت كورسەتەدى.
ەكىنشىدەن, اۋرۋحانادا كەزىندە اشىلعان حيرۋرگيا بولىمشەسى قىسقارىپ, بىرىڭعاي تەراپياعا كوشكەن. ال مەكەمەمىز كوپ سالالى بولعان سوڭ نەگىزىنەن حيرۋرگيا دا, تەراپيا دا, ساۋىقتىرۋ بولىمدەرى دە بولۋى كەرەك. ءسويتىپ, ءبىز جالپى حيرۋرگيا ەمەس, بۇگىنگى زاماناۋي تالاپقا ساي لاپروسكوپيالىق ءادىستى قولداناتىن حيرۋرگيالىق بولىمشە اشتىق. وعان قازاقستان-رەسەي مەديتسينا ۋنيۆەرسيتەتىن تارتتىق. وقۋ ورنىنىڭ جىلجىمالى مەديتسينالىق كولىكتەرى بار. وعان قوسا ەندوسكوپيالىق حيرۋرگيا ءبولىمىنە حيرۋرگيا, ۋرولوگيا, گينەكولوگيا, لور, تراۆماتولوگيانى شوعىرلاندىرىپ, قازاقستان رەسپۋبليكاسىنىڭ تۇڭعىش پرەزيدەنتى قورى, قازاقستان-رەسەي مەديتسينا ۋنيۆەرسيتەتىمەن بىرىگىپ ورتالىق اشاتىن بولىپ جاتىرمىز. بۇگىندە وسى باعىتتا جۇمىس جۇرگىزىلۋدە.
– بارلىق ماسەلەنى شەشەتىن كادر عوي. وسى رەتتە قانداي باعىت ۇستانىپوتىرسىزدار؟
– ارينە, اۋرۋحانا قالانىڭ شەتىندە ورنالاسقاندىقتان, كادر ماسەلەسىن شەشۋ قيىنداۋ. ال مەديتسينادا بىلىكتى, كاسىبي مىقتى مامان قاشاندا كەرەك. زەرتتەۋ بارىسىندا كەيبىر ءبولىمشەلەردە الدىڭعىلاردىڭ ءىزىن باساتىن ورتا بۋىننىڭ ۇرپاق جالعاستىعى ءۇزىلىپ قالعان. ءوزىڭىز بىلەسىز, مەديتسينادا بىلىكتىلىك ءتاجىريبەمەن كەلەدى. جاستارعا تولىعىمەن سەنگەنگە, ولاردىڭ تاجىريبەسى جەتپەي قالۋى مۇمكىن. سوندىقتان جۇمىستى كادر ماسەلەسىنەن باستاۋعا تۋرا كەلدى. ۇكىمەت دارىگەرلەردى وقىتۋعا قاراجات ءبولدىك دەپ جاتىر. ءبىز سول باعدارلامانى قابىلداپ, ءوز ماماندارىمىزدى شەتەلدە وقىتۋدى جوسپارلادىق. قازىر ءدارىگەرلەر اراسىنان كىمدى قايدا جىبەرۋ ساراپتان وتۋدە. مەن كەلگەلى قازاقستان-رەسەي مەديتسينا ۋنيۆەرسيتەتىنىڭ ۇستازدارى 70 دارىگەرىمىزدى جۇمىس ورنىندا وقىتىپ, بىلىمدەرىن جەتىلدىردى.
ءوزىڭىز بىلەسىز, بىرنەشە جىل الماتى مەديتسينا كوللەدجىن باسقارىپ, مەدبيكە ءىسى ماماندارىن دايىنداۋدا ءبىراز تاجىريبە جيناقتادىم. نەگىزىندە اۋرۋحانانىڭ جۇمىسىن كوتەرەتىن دە, كورسەتەتىن دە وسى ورتا بۋىن مەديتسينا قىزمەتكەرلەرى. ءتىپتى, اۋرۋحانانىڭ بەت-بەينەسى سولارعا بايلانىستى. كەلە سالا مەيىربيكەلەردىڭ ءبىلىم دەڭگەيىن انىقتاۋ ماقساتىندا ولاردى اتتەستاتسيادان وتكىزدىك. سوندا 330 مەيىربيكەنىڭ 74-ءى جاي قاراپايىم ساۋالدى بىلمەي, ەمتيحان تاپسىرا المادى. كوپشىلىگى جەكە مەنشىك مەدكوللەدجدەردى ءبىتىرگەندىكتەن بىلىمدەرى تاياز. زاڭعا سالساق ولاردىڭ ءبارىن جۇمىستان شىعارىپ جىبەرۋگە بولادى. بىراق ونداي ارەكەتكە بارمادىق. ءارى اۋرۋحاناداعى مەيىربيكەنىڭ 30 پايىزىن بىردەن شىعارىپ جىبەرۋ وڭاي شارۋا ەمەس. ەندى سولاردى وزىمىزدە ارنايى وقۋ ورتالىعىن اشىپ, ءۇش اي بويى وقىتۋدامىز. قايتا سىناقتان وتە الماعاندارىن شىعارۋعا تۋرا كەلەدى. بۇعان دەيىن ولاردىڭ بىلىمدەرىن تەكسەرمەي قابىلداعان عوي. بىزگە جۇمىسىن بىلمەيتىن ون ادامنان, ءوز ءىسىن جاقسى بىلەتىن, ماماندىعىنا ادال ەكى ادام پايدالى. سوندىقتان جۇمىسقا قابىلدار كەزدە دارىگەر بولسىن, مەيىربيكە بولسىن, الدىمەن اڭگىمەلەسۋدەن وتەدى, سودان كەيىن بارىپ كومپيۋتەردە تەست تاپسىرادى.
دارىگەرلەردى دە وسىلاي اتتەستاتسيادان ءوتكىزۋدەمىز. ولار كەزەكشىلىكتەن شىققان بويدا تۇسكەن ناۋقاستارعا بايلانىستى تىكەلەي ءوزىمە ەسەپ بەرەدى. بۇگىندە مەديتسينا ساپاسىنىڭ ءتۇسىپ كەتكەنى, وكىنىشكە قاراي, جاستاردا ءبىلىم جوق, وقىمايدى. بىزدەر ينستيتۋتتى ءبىتىرگەن سوڭ دا وقۋدى ۇزبەيتىنبىز. ماسەلەن, اۋرۋ ءتۇستى مە, كىتاپتى الامىز دا وقيمىز. ەرتەسىنە ءدال سونداي ناۋقاس تۇسسە, سونى قايتادان وقيتىنبىز. مىنە, وسىلاي وقي بەرگەننەن ەسىڭدە ساقتالادى. ال قازىرگى جاس دارىگەرلەر سول سالانىڭ مامانى بولماسام دا, مەنىڭ بىلگەن دەڭگەيىمدە بىلمەي وتىر. سوندىقتان كۇندە تاپسىرما بەرىپ, قاداعالاپ وتىرامىن. ەگەر ادامنىڭ ىقىلاسى بولىپ وقىپ, جەتەككە كونسە, ەمتيحاندى قايتا تاپسىرادى. ال ايتقانعا كونبەي, جەتەككە ءجۇرمەسە, ءوز وبالدارى وزدەرىنە. مەنىڭ ارىم ولاردىڭ وزدەرىنىڭ دە, وتباسىنىڭ دا الدىندا تازا.
– قاي مەكەمەدە بولسىن تەمىردەي ءتارتىپ ورناماي, ءىس وڭعا باسپاسى انىق.
– راس ايتاسىز, ءتارتىپ بار جەردە, بەرەكە, تىرلىك بار. ءبىرىنشى كۇننەن ءتارتىپتى اۋرۋحانا قىزمەتكەرلەرىنىڭ وزىنەن باستادىم. دارىگەرلەرگە دە, ورتا بۋىن مەديتسينا قىزمەتكەرلەرىنە دە مەكەمەدە ۇيدەن تاماق اكەلىپ ىشۋگە تىيىم سالدىم. قاراڭىز, بىرەۋى اكەلگەن كوجەسىن جىلىتىپ جاتسا, بىرەۋى جۇمىس ۋاقىتىسىندا ءيىسىن شىعارىپ تاماق جاساپ جاتسا, نە بولعانى. جابىق تۇرعان اسحانانى اشىپ, سوندا تاماقتانۋدى ۇيعاردىم. ءسويتىپ, جينالىس اشىپ, وسى ماسەلەنى ءتۇسىندىردىم. بىراق ونىڭ اقشاسىن اۋرۋحانانىڭ تاپقان تابىسىنان وتەپ بەرۋگە ۋادە بەردىم. مىسالى, كىشى مەدبيكە 400 تەڭگە تۇراتىن تاماققا – 70, مەيىربيكە 50 پايىزىن, ياعني, 200 تەڭگە تولەيدى. دارىگەردىڭ جالاقىسى كوپتەۋ بولعاندىقتان, 30 پايىزىن اۋرۋحانا كوتەرەدى. بۇعان دا باسىندا قارسى بولعانمەن, قازىر تۇسىنىستىكپەن قاراۋدا. سونداي-اق وسى ءتارتىپتىڭ ارقاسىندا جارىققا اقشا تولەۋدى ءبىر جارىم ەسەگە ازايتتىق. قازىر ءار بولىمشەگە ەلەكتر ەسەپتەگىشىن ورناتامىز دەپ جاتىرمىز. جوسپار بويىنشا ءار بولىمشەنىڭ ءوز ءنورماتيۆى بار, ودان اسسا, قالتالارىنان ۇستالادى.
– كوپتەگەن باسشىلار قىزمەتكەرلەرىن مورالدىق, رۋحاني جاعىنان كوتەرمەلەپ, ولاردىڭ جاعدايلارىمەن ساناسۋدى ويلاي بەرمەيدى. بۇل جاعىنان قانداي ويىڭىز بار؟
– اركىمنىڭ ءوز كىشى وتانى بولادى. وسى مەكەمەدە ءومىرىمىزدىڭ كوبى ءوتىپ جاتىر. ماسەلەن, مەن جۇمىسقا ساعات جەتىدە كەلىپ, كەشكى توعىزداردا قايتامىن. قازىر كۇنىنە 14-15 ساعات جۇمىس ىستەيمىن. مەن جۇرگەن سوڭ ورىنباسارلارىم دا كەتە قويمايدى. ونداعى ماقساتىم, اۋرۋحاناداعى احۋالدى جاقسارتىپ, ادام جانىنا اراشا بولىپ, كۇن-ءتۇن دەمەي دەنساۋلىق كۇزەتىندە جۇرگەن قىزمەتكەرلەردىڭ رۋحىن كوتەرۋ. وسى رەتتە, قۇربان ايتتىڭ الدىندا جۇمىسقا كەلدىم عوي دەپ, ارداگەرلەرىمىزدى شاقىرىپ, قايتىس بولعانداردىڭ رۋحىنا قۇران وقىتتىق. ماڭگىلىك ەشكىم جوق, ەرتەڭ ءبىز دە زەينەتكە شىعامىز. سول كەزدە وسى اۋرۋحاناعا سىڭىرگەن ەڭبەگىمىزدى باعالاپ, قۇرمەتتەپ جاتسا قانداي عانيبەت. جاسى كەلگەن ادامعا ودان ارتىق نە كەرەك. سوندىقتان بىزدەر قانداي ءبىر شارا وتكىزبەيىك, ارداگەرلەرىمىزدى شاقىرىپ, تورىمىزگە وتىرعىزىپ, سىي-سياپات كورسەتىپ, سىيلىق بەرىپ شىعارىپ سالامىز. بۇل – الدىمەن جاستارعا ۇلگى.
زادى, ءوزىن جاقسى كورمەيتىن ادام جوق شىعار. كەز كەلگەن ادامدى ءوز وتباسىما قالاي قارايمىن, سولاي قاراپ باعالاۋعا تىرىسامىن. مىسالى, اركىمنىڭ تۋعان كۇنى بار. قىزمەت جاساعان جەرىمدە قىزمەتكەرلەردىڭ تۋعان كۇنىن اتاپ ءوتىپ, 5 مىڭ تەڭگە بولسا دا سىياقى بەرۋدى داستۇرگە اينالدىرعانمىن. 5 مىڭ تەڭگە كوپ اقشا دا ەمەس شىعار, بىراق ونى اۋرۋحاناداعى جۇمىس ىستەيتىن ءبىر مىڭ ادامعا شاققاندا اجەپتاۋىر قاراجات. ەكىنشىدەن, ءومىر بولعان سوڭ ءولىم-ءجىتىم بىرگە جۇرەدى, قىزمەتكەرلەردىڭ ەت-جاقىن تۋىستارى قايتىس بولسا, مىندەتتى تۇردە اۋرۋحانادان 10 مىڭ تەڭگە بولىنەدى. مۇنداي جاعداي دا اركىمنىڭ باسىنان وتەدى. ءارينە, 10 مىڭ تەڭگە ەشتەڭەگە جەتە قويماس, بىراق, ءارىپتەسىڭە كەلىپ, قايعىسىنا ورتاقتاسىپ جاتساق, ول ادام ىشتەي ءبىر مارقايىپ قالماي ما؟
ءار وتباسىندا نارەستە كەلىپ, باسقا باس, جانعا جان قوسىلىپ, قۋانىش بولىپ جاتادى. جينالىستا ايتتىم, نەمەرە, شوبەرەلى بولعاندار رەنجىمەسىن, بىراق ارىپتەستەرىمىزدىڭ وتباسىندا ومىرگە ءسابي كەلىپ جاتسا, جورگەگىنە 10 مىڭ تەڭگە بەرەيىك دەپ. مىنە, وسىلاي قىزمەتكەرلەردىڭ قۋانىش, قايعىسىنا ورتاقتاسىپ جاتساق, ولار دا وزدەرىنىڭ اۋرۋحاناعا كەرەك ەكەنىن, جۇمىسىنىڭ باعالانىپ جاتقانىن سەزەدى. ال بۇل كوڭىل-كۇي ولاردىڭ جۇمىستارىنا جاقسى جاعىنان اسەر ەتپەك. بايقاۋىمشا, قازىر ۇجىمنىڭ جۇمىس ىستەۋگە ىنتاسى بار.
– دامير ءابايدىلدا ۇلى, مەديتسينا كوللەدجىندە جۇرگەندە مەيىربيكە بەدەلىن قالاي كوتەرەمىز دەگەن ماسەلە كوتەرىپ, وسى ماماندىقتىڭ قىر-سىرىن اشىپ كورسەتكەن ەدىڭىز. ەندى ۇلكەن ۇجىمعا باسشىلىققا كەلدىڭىز. مۇندا تەك مەيىربيكە عانا ەمەس, ناۋقاس پەن دارىگەردىڭ قارىم-قاتىناسى دا ۇلكەن ماسەلە. دارىگەر ناۋقاستى الدىمەن سوزبەن ەمدەيدى دەپ جاتادى. وسى رەتتە قانداي شارالاردى اتقارۋدى ويعا الىپ وتىرسىز؟
– بۇل شارۋانى دا رەتكە كەلتىرىپ قالعان سياقتىمىز. قازىر اۋرۋحانادا ارىز, شاعىم ايتۋشىلار ازايدى. ويتكەنى, كۇندە ەمدەلىپ شىققان ناۋقاسقا انكەتا تولتىرتىپ, وسى جاعدايدىڭ بارلىعىن سۇراپ وتىرامىز. ءسويتىپ, ناۋقاس پەن دارىگەردىڭ تىكەلەي سويلەسۋىن شامالاپ دۇرىس جولعا قويعانمەن, ناۋقاستىڭ جاقىن تۋىستارىمەن سويلەسۋگە ۋاقىت تاپپاي جاتادى. ءبىزدىڭ وتان سوعىسىنا قاتىسۋشىلارعا ارنالعان تەراپەۆتىك بولىمشەگە جاسى كەلگەن, كەيدە, ءتىپتى, نە ىستەپ نە قويعاندارىن ءبىلمەيتىن ناۋقاستار دا جاتىپ ەمدەلەدى. مىنە, سول كىسىلەردىڭ بالالارىنا: «نەگە اكەلەرىڭدى قارامايسىڭدار, بىزگە اكەلىپ تاستايسىڭدار», دەگەننەن گورى, كەڭەس بەرىپ, ءتۇسىندىرۋ جۇمىستارىن جۇرگىزۋدى تالاپ ەتىپ وتىرمىن.
– ءبىزدىڭ انامىز وزىنە وتا جاساعان دارىگەردىڭ تىلەۋىن تىلەپ, بەس ۋاقىت نامازىنا قوسىپ وتىراتىن. قاي پەندە بولسىن وزىنە جاقسىلىق جاساعان, كومەكتەسكەن ادامدى ەش ۋاقىتتا ۇمىتپايدى. كەلەسى ساۋال, وقىرماندارىمىزعا كەرەك اقپارات تا بولار, اۋرۋحانانىڭ جالپى كلينيكالىق سيپاتتاماسىنا توقتالىپ وتسەڭىز…
– تەراپيالىق سالادا بيۋدجەتتىك جانە اقىلى كوپسالالى تەراپيا ءبولىمى, اقىلى كارديولوگيالىق, اللەرگولوگيالىق, رەۆماتولوگيالىق, نەۆرولوگيالىق بولىمدەر; حيرۋرگيالىق باعىتتا اقىلى كوپسالالى حيرۋرگيالىق, گينەكولوگيالىق بولىمدەر, سونداي-اق ايەلدەر بوساناتىن پەرزەنتحانا جانە بيۋدجەتتى گينەكولوگيا, ەمحانا, پاراكلينيكالىق ءبولىم, فيزيو, گيپەرباريالىق وكسيگەنتسيا, راديونۋكليدتى زەرتتەۋ زەرتحاناسى بار. سونداي-اق, الماتى قالاسىندا ءبىزدىڭ اۋرۋحانا اللەرگيالىق ناۋقاستارعا تۇڭعىش رەت تەگىن اللەرگەندىك جاڭا ەمدەۋ ادىستەرى, سىناقتار جۇرگىزەدى, سونىمەن قاتار جۇيكە, جاراقات, ءجۇرەك اۋرۋلارىن ساۋىقتىرۋ بولىمشەلەرى قىزمەت كورسەتەدى. كلينيكالىق اۋرۋحانا س.اسفەندياروۆ اتىنداعى ۇمۋ-دىڭ كافەدرالارىمەن تىعىز بايلانىستا. كافەدرا عالىمدارى ناۋقاستاردى قاراپ, كەڭەس بەرەدى. ەمدەۋ ورنى جىلىنا 20 مىڭنان اسا ناۋقاسقا مەديتسينالىق كومەك كورسەتەدى.
– الداعى جوسپارلارىڭىز؟
– بيىلعى جىلى اۋرۋحانادا قۇلاق, مۇرىن جانە تاماق (لور) بولىمشەسىن اشۋدى ويلاستىرىپ وتىرمىز. وعان رەسەيدىڭ الەمگە اتاعى ءماشھۇر, پروفەسسور سكريپنيكوۆتى شاقىرىپ, الماتىعا كەلىپ, بولاشاق بولىمشەنى كورىپ كەتتى. اماندىق بولسا الداعى ماۋسىم ايىندا تاعى كەلەدى. ءسويتىپ, ءبىر ۇلكەن جۇمىس باستاماقپىز.
– بيىل ەلى ءۇشىن ولشەۋسىز ەڭبەك سىڭىرگەن مەملەكەت جانە قوعام قايراتكەرى د.قوناەۆتىڭ تۋعانىنا 100 جىل تولۋىن رەسپۋبليكا جۇرتشىلىعى اتاپ ءوتىپ, اياۋلى ۇلدارىن ارداقتاۋدا. اۋرۋحانانىڭ ىرگە تاسى قالانعان كۇننەن ءوزى باس-كوز بولىپ, قولداۋىن دا, كومەگىن دە اياماعان ادامعا وزدەرىڭىزدە شارا وتكىزگەن شىعارسىزدار؟
– البەتتە. شامامىز كەلگەنشە اتاپ وتۋگە تىرىستىق. كەشكە قوناەۆ اتىنداعى حالىقارالىق قوردىڭ باسشىلارى مەن بەلسەندى مۇشەلەرىن, ارداگەرلەرىمىزدى شاقىردىق. ول كىسى جايلى فيلم كورسەتىلىپ, ديمەكەڭمەن قىزمەتتەس بولعان ازاماتتار ەستەلىكتەر ايتىپ, ول كىسىنىڭ قاراپايىمدىلىعىنا, ادالدىعىنا, ادامگەرشىلىگىنە توقتالدى. ارينە, حالقى ءۇشىن ادال قىزمەت جاساعان ديمەكەڭە قانداي قۇرمەت جاساساق تا ارتىقتىق ەتپەس. اتا ءداستۇر بويىنشا قوناقتاردىڭ يىعىنا شاپان جاۋىپ, ول كىسىنىڭ رۋحىنا قۇران باعىشتاپ, اس بەردىك. ەندى بۇدان بىلاي ۇجىم 12 قاڭتاردى №1 اۋرۋحانانىڭ ءتول مەرەكەسى رەتىندە اتاپ وتۋگە شەشىم قابىلدادى.
اڭگىمەلەسكەن
گۇلزەينەپ سادىرقىزى,
«ەگەمەن قازاقستان».
سۋرەتتى تۇسىرگەن ەركىن ەركەش.