مەن جاستار جىلىنىڭ اشىلۋ سالتاناتىنان ەرەكشە اسەر الدىم دەسەم ارتىق ايتقاندىق بولماس. پرەزيدەنتىمىز بارشا جاستاردى وزدەرىنىڭ əلەۋەتىن بەلسەندى جۇزەگە اسىرۋعا, مۇمكىندىكتەرىن بارىنشا پايدالانۋعا, زاماناۋي ءبىلىم الىپ, كۇننەن-كۇنگە شىڭدالا تۇسۋگە شاقىردى. بۇل سوزدەر عىلىم, ونەر, جەكە كاسىپتەگى, سپورتتاعى زامانداستارىمىزعا سەرپىلىس اكەلەرى ءسوزسىز.
ەلباسىنىڭ 2019 جىلدى جاستار جىلى دەپ بەلگىلەۋىنىڭ ءوزى جاستار ءۇشىن ۇلكەن مارتەبە. ەندىگى مىندەت – بىزگە ارتىلعان جاۋاپكەرشىلىك ۇدەسىنەن شىعا ءبىلۋ. مادەنيەت پەن سپورت سالاسىنداعى جاستار بيىل كورسەتكىشتەرىن ەسەلەپ, بۇرىن ارمان بولعان شىڭدارىن باعىندىرارىنا سەنىمدىمىن.
ماسەلەن, قازىر كينو سالاسىندا اتقارىلار جۇمىستار كوپ. ماسەلەن, ەلباسىنىڭ بىلتىرعى جولداۋىنان كەيىن سەنات دەپۋتاتى داريعا نازارباەۆامەن كەزدەسۋلەردىڭ بىرىندە ۇلتتىق ءمانى بار فيلمدەردىڭ سانىن كوبەيتىپ, پاتريوتتىق رۋحتاعى 50 كينو تۇسىرۋگە ۇسىنىس جاسادىم. ول تەك تاريحي كينولارمەن شەكتەلىپ قالماۋى ءتيىس. دالىرەك ايتقاندا, وسى تاۋەلسىزدىك جىلدارى ىشىندە ەرەن ەڭبەكتەرىمەن, كوزسىز باتىرلىقتارىمەن كوزگە تۇسكەن قىز-جىگىتتەر بارشىلىق. مىسالى, بەكزات ساتتارحانوۆ ءتارىزدى اعالارىمىز تۋرالى فيلمدەر جاستارعا قۋات بەرەتىنى انىق. سونىمەن قاتار تەك سپورتپەن عانا شەكتەلمەي, عىلىم, مەديتسينا, وندىرىستەگى جاستارىمىز دا تىم جاقسى كەيىپكەرلەرگە اينالار ەدى. مىنە, وسى جوبالار جۇزەگە اسارىنا سەنىمدىمىن.
اسىلحان تولەپوۆ,
تەاتر جانە كينو اكتەرى