قۇرمەتتى وتانداستار!
قازاقستان رەسپۋبليكاسىنىڭ پرەزيدەنتى ن.ءا.نازارباەۆ جاستار جىلىن رەسمي اشتى, ءىس-شارا اياسىندا قازاقستاندىق جاستاردى جان-جاقتى قولداۋ بويىنشا اۋقىمدى شارالار ايقىندالدى.
بۇل شارالار جاس ازاماتتاردىڭ ومىرلىك ماڭىزدى ماسەلەلەرىنىڭ كەڭ سپەكترىن – قولجەتىمدى جانە ساپالى ءبىلىم الۋ, جۇمىسقا ورنالاسۋ, جاس وتباسىلار ءۇشىن تۇرعىن ءۇي ماسەلەلەرىن شەشۋگە باعىتتالعان.
مەملەكەت باسشىسى الەۋمەتتىك ساتىلاردىڭ ساپالى جاڭا پلاتفورماسىن قۇرۋ جونىندە تاپسىرما بەردى, ولار جاستاردىڭ بارلىق ساناتتارىن – جۇمىسسىزدار مەن ستۋدەنتتەردەن باستاپ عالىمدارعا دەيىن, اۋىل ەڭبەككەرلەرى مەن جۇمىسشىلاردان كاسىپكەرلەرگە دەيىن قامتيدى.
«جاس كاسىپكەر», «جاس مامان» باعدارلامالارى, جاس عالىمداردىڭ ىرگەلى جانە قولدانبالى زەرتتەۋلەرىن گرانتتىق قارجىلاندىرۋ, «بيزنەس-2020» جول كارتاسى اياسىندا جاس كاسىپكەرلەر ءۇشىن گرانتتاردى ەكى ەسە ۇلعايتۋ, جاستاردىڭ ستارتاپ-جوبالارىن قولداۋ قورى, ۆولونتەرلىكتى ىنتالاندىرۋ ءبىزدىڭ جاستاردىڭ الەۋمەتتىك دامۋ ورتاسىن تۇبەگەيلى وزگەرتەدى.
شىن مانىندە, مەملەكەت باسشىسىنىڭ سويلەگەن ءسوزى قازاقستان جاستارىنا ارنالعان جاڭا اۋقىمدى جانە ىرگەلى جولداۋعا اينالدى.
باستى ماقسات – ەلىمىزدىڭ ءار ازاماتىنىڭ ءال-اۋقاتىن ارتتىرۋ.
جاستار جىلى – بۇل ءبىز ءۇشىن ەلدەگى وزگەرىستەر ۇدەرىسىنە تىكەلەي اتسالىسۋدىڭ بىرەگەي مۇمكىندىگى.
بۇل – ءاربىر جاس قازاقستاندىق ءۇشىن جاۋاپتى جانە ماڭىزدى كەزەڭ.
ءبىزدىڭ ورتاق ازاماتتىق پارىزىمىز – جان مەن جۇرەكتىڭ قالاۋى بويىنشا ەڭبەك ەتۋ جانە جاسامپاز بولۋ.
ۇلى دالا ەلىنىڭ ناعىز پاتريوتتارى بولۋ.
ءبىز, جاستار جىلى وتانىمىزدىڭ وركەندەۋىنە ۇلەس قوساتىن جاڭا جەتىستىكتەرگە تولى بولاتىنىنا سەنىمدىمىز.
ءبىز شىنايى قازاقستاندىق قۇندىلىقتارعا – قوعامدىق كەلىسىم مەن جالپىۇلتتىق بىرلىككە دەگەن قۇرمەت ۇلگىسىن كورسەتۋگە شاقىرامىز.
ولار ءبىزدىڭ ورتاق جەتىستىكتەرىمىز بەن تابىستارىمىزدىڭ كەپىلى بولىپ قىزمەت ەتتى جانە بولاشاقتا دا قىزمەت ەتەدى.
قازاقستاننىڭ جاستارى وزدەرىنە جانە ءوز كۇشتەرىنە سەنەدى.
ءبىز جاستار جىلىنىڭ مىندەتتەرىن شەشۋ ماقساتىندا بىرىگۋگە جانە جاستاردى جەكە ۇلەس قوسۋعا شاقىرامىز.
قازاقستان حالقى اسسامبلەياسىنىڭ «جاڭعىرۋ جولى» رەسپۋبليكالىق جاستار قوزعالىسى
2019 جىلعى 23 قاڭتار